spot_img
Homeຂ່າວການພັດທະນາກຽມລົງມືກໍ່ສ້າງ ຄູກັນນ້ຳລຽບແຄມຂອງ ແຕ່ສະຖານີດາວທຽມລາວສະຕາ ຫາປາກຫ້ວຍນ້ຳໝາກຮຽວ!

ກຽມລົງມືກໍ່ສ້າງ ຄູກັນນ້ຳລຽບແຄມຂອງ ແຕ່ສະຖານີດາວທຽມລາວສະຕາ ຫາປາກຫ້ວຍນ້ຳໝາກຮຽວ!

Published on

ໂຄງການກໍ່ສ້າງຄູປ້ອງກັນນ້ຳຖ້ວມ ລຽບຕາມແຄມຂອງ ຈະເລີ່ມລົງມືກໍ່ສ້າງໃນໄວໆນີ້ ໂດຍເລີ່ມແຕ່ ສະຖານີດາວທຽມລາວສະຕາ ຫາປາກຫ້ວຍນ້ຳໝາກຮຽວ ເມືອງຫາດຊາຍຟອງ ນະຄອນຫຼວງວຽງຈັນ ມີຄວາມຍາວທັງໝົດ 30,2 ກິໂລແມັດ ໂດຍໄດ້ແບ່ງອອກເປັນສອງໄລຍະຄື: ໄລຍະທີ 1 ແຕ່ສະຖານີດາວທຽມ ລາວສະຕາ ຫາຂົວມິດຕະພາບ ລາວໄທແຫ່ງທີ 1 ເຊິ່ງສ້າງເປັນຄູດິນ, ສັນຄູກວ້າງ 4 ແມັດ, ສ່ວນໄລຍະທີ 2 ແຕ່ຂົວມິດຕະພາບ ຫາປາກຫ້ວຍນ້ຳໝາກຮຽວ ມີຄວາມຍາວ 26,2 ກິໂລແມັດ ໂດຍສ້າງເປັນເສັ້ນ ທາງຄົມມະນາຄົມປູຢາງອັດສະຟານກວ້າງ 10 ແມັດ.

ການກໍ່ສ້າງໄລຍະທີ 2 ນອກຈາກຈະສ້າງ ເປັນເສັ້ນທາງຄົມມະນາຄົມປູຢາງອັດສະຟານ ມີຄວາມກວ້າງ 10 ແມັດແລ້ວ ຍັງກໍ່ສ້າງຄູດິນຮອບນອກ (ລຽບຕາມແຄມຂອງ) ສັນຄູກວ້າງ 4 ແມັດ ຈາກກິໂລແມັດທີ 4+050 ຫາ ກິໂລແມັດທີ 5+990 ພ້ອມທັງສ້ອມແປງປະຕູຄວບຄຸມນ້ຳ 7 ແຫ່ງ ໂດຍແມ່ນ ບໍລິສັດ ສຸກປະເສີດ ອອກແບບກໍ່ສ້າງເຄຫາສະຖານ ຮ່ວມກັບບໍລິສັດທະວີຊັບກໍ່ສ້າງ ເປັນຜູ້ຮັບເໝົາກໍ່ສ້າງ ໃນມູນຄ່າ 10,24 ລ້ານໂດລາສະຫະລັດ ໂດຍໄດ້ຮັບທຶນສະໜັບສະໜູນ ຈາກທະນາຄານພັດທະນາອາຊີ ຫຼື ເອດີບີ.

ໂຄງການກໍ່ສ້າງ ຄູປ້ອງກັນນ້ຳຖ້ວມ ເປັນໂຄງການຍ່ອຍໜຶ່ງ ໃນໂຄງການຄຸ້ມຄອງ ແລະ ຫຼຸຸດຜ່ອນຄວາມສ່ຽງຈາກ ໄພພິບັດນ້ຳຖ້ວມ ແລະ ແຫ້ງແລ້ງ ມີໜ້າທີ່ກໍ່ສ້າງ ແລະ ພັດທະນາຄູປ້ອງກັນນ້ຳຖ້ວມ ເພື່ອ ປ້ອງກັນນ້ຳຂອງ ໄຫຼເຂົ້າຖ້ວມພື້ນທີ່ການຜະລິດ, ພື້ນທີ່ຊຸມຊົນ, ພື້ນທີ່ເສດຖະກິດ ໃນນະຄອນຫຼວງວຽງຈັນ.

ພິທີເຊັນສັນຍາໂຄງການກໍ່ສ້າງດັ່ງກ່າວ ຈັດຂຶ້ນໃນວັນທີ 7 ເມສານີ້ ທີ່ໂຮງແຮມດອນຈັນພາເລດ ລະຫວ່າງທ່ານ ໄມກອງ ພອນພົມມະວົງ ຫົວໜ້າກົມຊົນລະປະທານ ກະຊວງກະສິກຳ ແລະ ປ່າໄມ້ ແລະ ທ່ານ ນາງ ວັນສີ ສຸວັນນະແສງ ປະທານບໍລິສັດສຸກປະເສີດ ອອກແບບກໍ່ສ້າງເຄຫາສະຖານ ໂດຍມີ ທ່ານ ເພັດ ພົມພິພັກ ລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ອານຸ ພາບ ຕຸນາລົມ ຮອງເຈົ້າຄອງນະຄອນຫຼວງວຽງຈັນ ພ້ອມ ດ້ວຍພາກສ່ວນກ່ຽວຂ້ອງເຂົ້າຮ່ວມ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...

ຫວຽດນາມ ຈັດພິທີສະຫລອງ 80 ປີ ການປະຕິວັດເດືອນສິງຫາ ແລະ ວັນຊາດ.

ສະເຫຼີມສະຫຼອງຢ່າງຍິ່ງໃຫຍ່! ປະທານປະເທດແຫ່ງ ສປປ ລາວ ເຂົ້າຮ່ວມ ພິທີສະເຫລີມສະຫລອງ 80 ປີ ການປະຕິວັດເດືອນສິງຫາທີ່ສຳເລັດຜົນ ແລະ ວັນຊາດ ສສ ຫວຽດນາມ. ໃນເຊົ້າວັນທີ 2...