spot_img
Homeຂ່າວການພັດທະນາເອກະຊົນລາວ-ຝຣັ່ງ ຈະຮ່ວມມືສ້າງ ໄຟຟ້າພະລັງງານແສງຕາເວັນ ລົງມືຕົ້ນປີໜ້ານີ້!

ເອກະຊົນລາວ-ຝຣັ່ງ ຈະຮ່ວມມືສ້າງ ໄຟຟ້າພະລັງງານແສງຕາເວັນ ລົງມືຕົ້ນປີໜ້ານີ້!

Published on

ຂປລ. ບໍລິສັດ ​ເຈ​ບີ​ເຄ ອີ​ເລັກ​ໂຕຣນິກລາວ ​​ແລະ ບໍລິສັດ ຈີ​ເຄ ​ເອັນ​ເນີ​ຈີ (ປະ​ເທດຝຣັ່ງ) ໄດ້ເຊັນສັນຍາຮ່ວມມື ການລົງທຶນກ່ຽວກັບ ພະລັງງານ ທົດແທນ (ແສງຕາ​ເວັນ) ມີມູນຄ່າ 10 ລ້ານໂດລາສະຫະລັດ ເຊິ່ງຈະລົງມືກໍ່ສ້າງຢູ່ເມືອງ​ບໍລິ​ຄັນ ແຂວງບໍລິຄໍາໄຊ ໃນຕົ້ນປີ 2017 ໃນເນື້ອທີ່ 10 ເຮັກຕາ.

ພິທີດັ່ງກ່າວ, ໄດ້ຈັດຂຶ້ນໃນວັນທີ 29 ມີນາ ນີ້ ຢູ່ນະຄອນຫລວງ​ວຽງ​ຈັນ ​ລະຫວ່າງ​ ທ່ານ ສຸລິຍະ​ສັກ ສີ​ວົງ​ປະສົມ ປະທານບໍລິສັດ ​ເຈ​ບີ​ເຄ ອີ​ເລັກ​ໂຕຣນິກລາວ ​​ແລະ ທ່ານ Georges KIUMUCHIAN ປະທານບໍລິສັດ ຈີ​ເຄ ​ເອັນ​ເນີ​ຈີ, ທັງ​ເປັນ​ຜູ້​ຄົ້ນ​ພົບ​ ພະລັງງານ​ແສງ​ອາທິດ ​ຄົນ​ທໍາ​ອິດ​ຂອງ​ປະ​ເທດ​ຝຣັ່ງ ພ້ອມ​ດ້ວຍ​ພາກສ່ວນ​ ທີ່​ກ່ຽວຂ້ອງ​ເຂົ້າ​ຮ່ວມ.

ທ່ານ ສຸລິຍະ​ສັກ ສີ​ວົງ​ປະສົມ ​ໃຫ້​ຮູ້ວ່າ: ການ​ເຊັນ​ສັນຍາ​ຮ່ວມ​ມື​ ຂອງ​ທັງ​ສອງ​ບໍລິສັດ​ນີ້ ​ເຊິ່ງ​ເປັນ​ໂອກາດ​ດີທີ່​ສຸດ​ ໃຫ້​ແກ່​ ສປປ ​ລາວ ເພື່ອຊອກ​ຫາຊ່ອງ​ທາງ​ເລືອກ​ໃໝ່​ ໃນ​ການ​ພັດທະນາ​ພະລັງງານ​ແສງ​ອາທິດທີ່ເປັນ​ມິດ​ຕໍ່​ສິ່ງ​ແວ​ດລ້ອມ. ນອກ​ນັ້ນ​, ​ຍັງ​ເປັນ​ການ​ຂະຫຍາຍ​ ຕາໜ່າງ​ໄຟຟ້າ​ ໄປ​ສູ່​​ເຂດຊົນນະບົດ​ ຕື່ມ​ອີກ. ພ້ອມ​ນີ້ທາງ​ບໍລິ​ສັດ​ ຍັງ​ມີ​ແຜນ​ຈະ​ສ້າງ​ສູນ​ຝຶກ​ອົບຮົມ​ໃຫ້​ແກ່​ຄົນ​ລາວ ​ໃຫ້​ມີ​ວຽກ​ເຮັດ​ງານ​ທໍາ, ມີ​ຄວາມ​ຮູ້​, ຄວາມ​ສາມາດທາງ​ດ້ານ ​ເຕັກ​ໂນ​ໂລ​ຊີ​ທີ່​ທັນ​ສະ​ໄໝຕື່ມ​ອີກ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...