spot_img
Homeຂ່າວພາຍ​ໃນລາວ ກຳນົດເອົາ 4 ສະໜາມບິນສາກົນຮອງຮັບການຂົນສົ່ງທາງອາກາດໃນຍຸກ AEC

ລາວ ກຳນົດເອົາ 4 ສະໜາມບິນສາກົນຮອງຮັບການຂົນສົ່ງທາງອາກາດໃນຍຸກ AEC

Published on

ທ່ານນາງ ວັນເພັງ ຈັນທະພອນ ຫົວໜ້າກົມການບິນພົນລະເຮືອນ ໄດ້ກ່າວໃນກອງປະຊຸມຄະນະວິຊາການ ຂົນສົ່ງທາງອາກາດອາຊຽນ (ATWG) ຄັ້ງທີ 33 ຢູ່ນະຄອນຫລວງວຽງຈັນວ່າ:  ສປປ ລາວ ໄດ້ກຳນົດເອົາ 4ສະໜາມບິນສາກົນ ຄືວັດໄຕ, ຫລວງພະບາງ, ສະຫວັນ ແລະ ສະໜາມບິນປາກເຊ ເປັນສະໜາມບິນທີ່ຈະຮອງຮັບການຂົ່ນສົ່ງຜູ້ໂດຍສານ ແລະ ສິນຄ້າທາງອາກາດຢ່າງເຕັມຮູບແບບ ເພື່ອຮອງຮັບການເຊື່ອມໂຍງເສດຖະກິດອາຊຽນ (AEC) ຕາມສັນຍາກັບບັນດາປະ ເທດຄູ່ເຈລະຈາ ເພື່ອ ສາມາດຂົນສົ່ງຜູ້ໂດຍສານ ແລະ ສິນຄ້າທາງອາກາດຈາກຈຸດໜຶ່ງໄປອີກຈຸດໜຶ່ງຂອງປະເທດ ແລະ ບິນຕໍ່ໄປອີກຈຸດໃດໜຶ່ງຂອງປະເທດທີ 3 ກໍຄືບັນດາປະເທດສະມາຊິກອາຊຽນ.

ກອງປະຊຸມຄະນະວິຊາການຂົນສົ່ງທາງອາກາດອາຊຽນໄດ້ຈັດຂຶ້ນທີ່ນະຄອນຫລວງວຽງຈັນ ໃນວັນທີ 29-31 ມີນານີ້ ເພື່ອທົບທວນຄືນຜົນຂອງກອງປະຊຸມ ATWG ຄັ້ງທີ 32 ຜ່ານມາ ຢູ່ຢາງກຸງ ປະເທດມຽນມາ, ພ້ອມປຶກສາຫາລືກ່ຽວກັບອົງປະກອບທາງດ້ານເສດຖະກິດການບິນ, ເຕັກນິກການບິນ ທີ່ສຳ ຄັນ ການເປີດຕະຫລາດການບິນດຽວອາຊຽນຂອງປະເທດສະມາຊິກອາຊຽນ ກໍຄື ນະໂຍບາຍການເປີດກວ້າງນ່ານຟ້າອາຊຽນ ໂດຍສະເພາະການເປີດນ່ານຟ້າຂອງບັນດາປະເທດອາຊຽນ ກັບປະເທດຄູ່ເຈລະຈາເຊັ່ນ: ອາຊຽນ-ຈີນ, ຍີ່ປຸ່ນ, ອີຢູ, ສ ເກົາຫລີ, ອິນເດຍ,ຮົງກົງ, ອາ ເມລິກາ ແລະ ອາຊຽນ-ຣັດເຊຍ ໃຫ້ຮັບປະກັນດີຂຶ້ນກວ່າເກົ່າ.

 

ແຫລ່ງຂ່າວຈາກ: ລາວພັດທະນາ

ພາບຈາກ: www.google.co.th/search?

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...