spot_img
Homeຂ່າວການພັດທະນາມີໄວໜຸ່ມພັນກວ່າຄົນເຂົ້າຮ່ວມ ງານນັດພົບແຮງງານຄັ້ງທີ 4 ທີ່ໜ່ວຍງານແນະນໍາອາຊີບໃຫ້ຄໍາປຶກສາຈັດຂຶ້ນ

ມີໄວໜຸ່ມພັນກວ່າຄົນເຂົ້າຮ່ວມ ງານນັດພົບແຮງງານຄັ້ງທີ 4 ທີ່ໜ່ວຍງານແນະນໍາອາຊີບໃຫ້ຄໍາປຶກສາຈັດຂຶ້ນ

Published on

ໜ່ວຍງານແນະນໍາອາຊີບ ໃຫ້ຄໍາປຶກສາ ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ (ມຊ) ຮ່ວມກັບຫົວໜ່ວຍທຸລະກິດທັງພາກລັດ ແລະ ເອກະຊົນ ໄດ້ຈັດງານນັດພົບແຮງງານ ຄັ້ງທີ 4 ປະຈໍາປີ 2016 ເຊິ່ງໄຂໂອກາດໃຫ້ໄວໜຸ່ມທີ່ເປັນນັກສຶກສາ ທີ່ໄດ້ຮຽນຈົບຫຼັກສູດການຮຽນ-ການສອນ ຮວມເຖິງຜູ້ທີ່ພວມຈະຈົບການສຶກສາໄດ້ມາຮ່ວມສຶກສາຂໍ້ມູນ ເພື່ອກຽມຄວາມພ້ອມໃຫ້ແກ່ການປະກອບອາຊີບ ແລະ ມີວຽກເຮັດງານທໍາໃນອະນາຄົດ.

ກິດຈະກໍາດັ່ງກ່າວຈັດຂຶ້ນໃນຕອນເຊົ້າວັນທີ 25 ມີນາ 2016 ທີ່ຫ້ອງປະຊຸມໃຫຍ່ຄະນະເສດຖະສາດ ແລະ ບໍລິຫານທຸລະກິດ ມຊ ນະຄອນຫຼວງວຽງຈັນ ໂດຍການເຂົ້າຮ່ວມເປັນປະທານຂອງທ່ານ ຮສຈ. ສົມຈິດ ສຸກສະຫວັດ ຄະນະບໍດີ ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ມີຮອງຄະນະບໍດີ ຄະນະພະແນກຄຸ້ມຄອງນັກສຶກສາ ໜ່ວຍງານແນະນໍາອາຊີບໃຫ້ຄໍາປຶກສາ ບັນດາຫົວໜ່ວຍທຸລະກິດທັງພາກລັດ ແລະ ເອກະຊົນ ພ້ອມດ້ວຍນັກສຶກສາເຂົ້າຮ່ວມຫຼາຍກວ່າ 1.500 ຄົນ.

ທ່ານ ອາຈານ ສີສົມເພັດ ຄ້ານໍເພັດ ຮອງຫົວໜ້າພະແນກຄຸ້ມຄອງນັກສຶກສາ ຜູ້ຊີ້ນໍາໜ່ວຍງານແນະນໍາອາຊີບໃຫ້ແກ່ນັກສຶກສາ ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ໃຫ້ຮູ້ວ່າ ໜ່ວຍງານແນະນໍາອາຊີບໃຫ້ຄໍາປຶກສາ ຄະນະເສດຖະສາດ ແລະ ບໍລິຫານທຸລະກິດ ສ້າງຕັ້ງຂຶ້ນເມື່ອວັນທີ 18 ຕຸລາ 2011 ໂດຍການສະໜັບສະໜູນຂອງທະນາຄານໂລກ ເຊິ່ງໄດ້ລິເລີ່ມໂຄງການຈັດງານ ວັນນັດພົບແຮງງານຂຶ້ນໃນແຕ່ລະປີ ແລະ ໃນຄັ້ງນີ້ນັບເປັນຄັ້ງທີ 4  ສໍາລັບການຈັດງານໃນຄັ້ງນີ້ແມ່ນມີຫຼາຍກວ່າ 36 ບໍລິສັດ ຈາກຫົວໜ່ວຍທຸລະກິດຕ່າງໆ ໄດ້ເຂົ້າມາຮ່ວມງານ ແລະ ຖືເປັນນິມິດໝາຍອັນດີໃຫ້ແກ່ນັກຮຽນ ນັກສຶກສາ ຮວມເຖິງຜູ້ປະກອບການດ້ານທຸລະກິດ ໄດ້ມີໂອກາດພົບປະແລກປ່ຽນຄວາມຮູ້ ປະສົບການ ລະຫວ່າງຫົວໜ່ວຍທຸລະກິດທີ່ຕ້ອງການແຮງງານ ແລະ ຜູ້ທີ່ຕ້ອງການຫາວຽກເຮັດງານທໍາ ອີກທັງຂໍ້ມູນສະຖານທີ່ເຝິກອົບຮົມວິຊາຊີບ ເພື່ອໃຫ້ນັກສຶກສາ ໄດ້ມີຄວາມຮູ້ ຄວາມເຂົ້າໃຈກ່ຽວກັບຂັ້ນຕອນການສະໝັກງານ ຂໍ້ມູນພື້ນຖານກ່ອນການເຮັດວຽກ ແລະ ຂໍ້ມູນກ່ຽວກັບບໍລິສັດຕ່າງໆ ທັງເປັນການໄຂໂອກາດໃຫ້ຕະຫຼາດແຮງງານ ກໍຄືຫົວໜ່ວຍທຸລະກິດ ແລະ ອະດີດນັກສຶກສາທີ່ຮຽນຈົບຫຼັກສູດການສຶກສາ ແລະ ນັກສຶກສາທີ່ພວມຈະຈົບ ໄດ້ເຂົ້າເຖິງໂອກາດໃນຕໍາ ແໜ່ງງານຕ່າງໆເພື່ອໃຫ້ເກີດການສັບຊ້ອນຕໍາແໜ່ງງານທີ່ແທດເໝາະກັບນັກສຶກສາ.

ພາຍໃນງານຍັງຈັດໃຫ້ມີກອງປະຊຸມສໍາມະນາໃນຫົວຂໍ້ສໍາຄັນຕ່າງໆ ໂດຍຜູ້ມີປະສົບການທາງດ້ານທຸລະກິດໃນຫົວຂໍ້ ຂົວຕໍ່ຈາກຮົ້ວມະຫາວິທະຍາໄລ ສູ່ການເປັນຜູ້ປະກອບການ ເຊິ່ງບັນລະຍາຍໂດຍທ່ານ ແກ້ວວີສຸກ ດາລາສານ ຜູ້ກໍ່ຕັ້ງ ແລະ ອໍານວຍການວາລະສານ 108 ອາຊີບ ວິທີທາງໃນການເປັນສຸດຍອດພະນັກງານທີ່ຫົວໜ້າຮັກ ບັນລະຍາຍໂດຍ ທ່ານ ກາບແກ້ວ ທໍາມະວົງ ນັກຂຽນລາງວັນນາກຄໍາ ແຮງງານບັນດານໃຈສູ່ຜູ້ປະກອບການໃໝ່ ບັນລະຍາຍໂດຍທ່ານນາງ ປາດຖະໜາ ປັນຍາທິບ ຜູ້ອໍານວຍການໃຫຽ່ໂຮງຮຽນນາໆຊາດປັນຍາທິບ ແລະ ໃນຫົວຂໍ້ ການພັດທະນາທັກສະທີ່ເພີ່ມໂອກາດໃຫ້ເຈົ້າໄດ້ວຽກ ເຊິ່ງບັນລະຍາຍໂດຍທ່ານ ກັ່ນຊ້າມ ລັດທະຍອດ ຜູ້ບໍລິຫານພັດທະນາຊັບພະຍາກອນມະນຸດ ໂຄງການເວີກຈ໊ອບ ( Work Job).

 

ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...