spot_img
Homeມູມໄອທີລາວສານໄດ້ຕັດສິນແລ້ວວ່າ Samsung ລອກຮຽນແບບຊ໋ອບແວຂອງ iPhone ແທ້ ແລະຖືກປັບ 119.6 ລ້ານດອນລາ !!

ສານໄດ້ຕັດສິນແລ້ວວ່າ Samsung ລອກຮຽນແບບຊ໋ອບແວຂອງ iPhone ແທ້ ແລະຖືກປັບ 119.6 ລ້ານດອນລາ !!

Published on

samsung-apple-patent-wars-2-verdict-4

ຄະດີສິດບັດພັນລ້ານຮອບທີ 2 ມີຄຳຕັດສິນອອກມາແລ້ວວ່າ ໂດຍຄະນະລູກຂຸນພິຈາລະນາແລ້ວວ່າຊຳຊຸງລະເມີດສິດບັດຂອງແອັບເປີ້ນແທ້ ແລະຖືກປັບໄໝເປັນເງິນ 119.6 ລ້ານດອນລາ

ໃນຂະນະດຽວກັນກໍໄດ້ພົບວ່າແອັບເປີ້ນລະເມີດສິດບັດຂອງ Samsung ໃນເລື່ອງຂອງການບັນທຶກສຽງແລະພາບໂດຍແອັບເປີ້ນຖືກປັບເປັນເງິນ 158,400 ດອນລາ

samsung-apple-patent-wars-2-verdict

ຄະດີສິດບັດຮອບນີ້ແອັບເປີ້ນໄດ້ຟ້ອມວ່າຊຳຊຸງລອກຮຽນແບບຊ໋ອບແວຂອງ iPhone ກວ່າ 5 ລາຍການ ເຊິ່ງລາຍການທີ່ສານໄດ້ຕັດສິນວ່າຊຳຊຸງ (ຫຼື Android ຂອກູເກີ້ນ) ລອກຮຽນແບບແທ້ໄດ້ແກ່ Slide to unlock, Auto Correct, ການສ້າງ Link ໃນຂໍ້ຄວາມ ສ່ວນອີກ 2 ລາຍການ ທີ່ບໍ່ລະເມີດແມ່ນ Background Sync, Spotlight

samsung-apple-patent-wars-2-verdict-3-568x426

ໂດຍສິດບັດທັງ 5 ຂໍ້ທີ່ແອັບເປີ້ນຍື່ນຟ້ອງໃນຄັ້ງນີ້ ແທ້ໆແລ້ວມີພຽງແຕ່ Slide to unlock ເທົ່ານັ້ນທີ່ຊຳຊຸງໄດ້ສ້າງຂຶ້ນ ນອກນັ້ນແມ່ນເປັນຄວາມສາມາດທີ່ມີຢູ່ແລ້ວໃນ Android ເຮັດໃຫ້ແທ້ໆແລ້ວ ການຟ້ອງຄັ້ງນີ້ຄືກັບການຟ້ອງ Android ລອກຮຽນແບບ iPhone ຫຼາຍກວ່າ ລວມເຖິງທີມວິສະວະກອນຂອງກູເກີ້ນກໍໄດ້ຖືກເຊີນມາໃຫ້ຄຳເຫັນໃນສານນຳ

ສຳລັບຄ່າປັບ 119.6 ລ້ານດອນລາ ເມື່ອລວມກັບຄະດີໃນຮອບທຳອິດໃນປີ 2012 ທີ່ຊຳຊຸງຖືກປັບເປັນເງິນ 929 ລ້ານດອນລາ ເຮັດໃຫ້ສະຫຼຸບລວມຄ່າປັບທີ່ຊຳຊຸງຕ້ອງຈ່າຍເງິນເປັນຈຳນວນລວມກວ່າ 1044.635 ລ້ານດອນລາ

ນອກຈາກນີ້ແລ້ວໂຄສົກຂອງແອັບເປີ້ນຍັງໄດ້ອອກມາສະແດງຄວາມຍິນດີທີ່ສານໄດ້ຕັດສິນວ່າ Samsung ໄດ້ລັກເອົາຄວາມຄິດຂອງພວກເຂົາໄປ ໂດຍໄດ້ໃຫ້ຄວາມເຫັນວ່າ:

ຄຳຕັດສິນໃນມື້ນີ້ຊີ້ໃຫ້ເຫັນກັບສານທົ່ວໂລກແລ້ວວ່າຊຳຊຸງໄດ້ລັກເອົາຄວາມຄິດຂອງພວກເຮົາໄປ ແລະລອກຮຽນແບບສິນຄ້າຂອງພວກເຮົາ ເຮົາຈະຕ້ອງຕໍ່ສູ້ເພື່ອປົກປ້ອງເອົາງານທີ່ເຮົາໄດ້ຄິດຄົ້ນຂື້ນມາຢ່າງໜັກ ສິນຄ້າທີ່ຜູ້ໃຊ້ຮັກແບບ iPhone ເຊິ່ງພະນັກງານຂອງເຮົາທຸ້ມເທຢ່າງໜັກເພື່ອທີ່ຈະໃຫ້ມັນສົ່ງໄປເຖິງມືຜູ້ໃຊ້ທຸກໆຄົນ

ທີ່ – CNET, Macrumors ແລະ Re/code

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...