ວັນທີ 23 ມີນາຜ່ານມາສະຖາບັນຄົ້ນຄວ້າເສດຖະກິດແຫ່ງຊາດໄດ້ຈັດກອງປະຊຸມເຜີຍແຜ່ບົດລາຍງານເສດຖະກິດຂອງສປປລາວປະຈຳສົກປີ 20142015 ແລະ ທ່າອຽງ 20152016 ທີ່ໂຮງແຮມແລນມາກນະຄອນຫຼວງວຽງຈັນ, ໂດຍການເປັນປະທານຂອງທ່ານດຣ. ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການ ແລະການລົງທຶນ, ທ່ານດຣ. ລີເບີລີບົວປາວຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດ, ພ້ອມດ້ວຍຄະນະແລະພາກສ່ວນກ່ຽວຂ້ອງເຂົ້າຮ່ວມ.
ທ່ານດຣ. ບຸນທະວີສີສຸພັນທອງກ່າວວ່າ: ກອງປະຊຸມເຜີຍແຜ່ບົດລາຍງານເສດຖະກິດຂອງສປປລາວປະຈຳສົກປີ 20142015 ແລະທ່າອ່ຽງ 20152016 ຊຶ່ງໃນສົກປີ 20142015 ເສດຖະກິດມະຫາພາກເຕີບໂຕໃນລະດັບ 7,6% ຕ່ຳກວ່າປີຜ່ານມາເລັກນ້ອຍທີ່ເຕີບໂຕ 7,8% GDP ສະເລ່ຍຕໍ່ຫົວຄົນບັນລຸ 15,4 ລ້ານກີບ, ສະເພາະສົກປີ 20152016 ນີ້ຄາດວ່າເສດຖະກິດຂອງລາວຈະເຕີບໂຕປະມານ7,7%ແລະສົກ20162017ເສດຖະກິດຈະເຕີບໂຕລະດັບ7,9%ແລະກອງປະຊຸມແມ່ນມີຄວາມສຳຄັນຢ່າງຍິ່ງທີ່ຈະໄດ້ນຳສະເໜີຜົນການຕິດຕາມ, ວິເຄາະແລະວິໄຈກ່ຽວກັບເສດຖະກິດມະຫາພາກໃນສົກປີຜ່ານມາແລະທ່າອຽງໃນຊຸມປີຕໍ່ໜ້າ, ຊຶ່ງເປັນວຽກຂອງສະຖາບັນຄົ້ນຄວ້າເສດຖະກິດແຫ່ງຊາດເພື່ອສະໜອງຂໍ້ມູນປະກອບສ່ວນໃຫ້ແກ່ການຕິດຕາມແລະປະເມີນການຈັດຕັ້ງປະຕິບັດແຜນພັດທະນາເສດຖະກິດສັງຄົມຂອງສປປລາວ, ອີກຢ່າງໜຶ່ງກໍເເປັນການປະເມີນເສດຖະກິດໂດຍນຳໃຊ້ເຄື່ອງມືຈຳລອງເສດຖະກິດທີ່ມີວິທະຍາສາດຊຶ່ງສະຖາບັນຄົ້ນຄວ້າເສດຖະກິດແຫ່ງຊາດໄດ້ພັດທະນາຂຶ້ນທັງນຳໃຊ້ແລະສືບຕໍ່ພັດທະນາປັບປຸງຢ່າງເປັນປົກກະຕິ.
ຂະນະທີ່ທ່ານດຣ. ລີເບີລີບົວປາວກ່າວວ່າ: ເພື່ອເປັນການເຜີຍແຜ່ບົດລາຍງານເສດຖະກິດຂອງລາວແລະເພື່ອເປັນໃຈກາງໃນການສ້າງປື້ມບົດລາຍງານຫົວນີ້ຈະລວມມີເນື້ອໃນ 5 ພາກຄື: 1. ກ່ຽວກກັບສະພາບເສດຖະກິດຂອງສາກົນໃນສົກປີ 20142015, 2. ກ່ຽວກັບເສດຖະກິດມະຫາພາກຂອງສປປລາວ, 3. ການເຕີບໂຕແລະສະຖຽນລະພາບຂອງເສດຖະກິດມະຫາພາກ, 4. ສະເໜີຄວາມຄືບໜ້າໃນການພັດທະນາທີ່ພົ້ນເດັ່ນ ແລະພາກສຸດທ້າຍການສະເໜີທ່າອ່ຽງຂອງເສດຖະກິດສາກົນແລະຜົນການພະຍາກອນກ່ຽວກັບທ່າອ່ຽງເສດຖະກິດລາວໃນສົກປີ 20152016 ແລະ 20162017 ວ່າຍັງມີປັດໄຈໃດແດ່ທີ່ຈະສົ່ງຜົນກະທົບຕໍ່ເສດຖະກິດສັງຄົມປະເທດພວກເຮົາ, ລວມທັງປັດໄຈສິ່ງແວດລ້ອມທີ່ສາມາດກະທົບຕໍ່ເສດຖະກິດພວກເຮົາເປັນຕົ້ນໂຄງການໃຫຍ່ເຊັ່ນ: ໂຄງການລົດໄຟ, ໂຄງການດາວທຽມ, ບັນດາເຂື່ອນໄຟຟ້າທີ່ຈະສົ່ງຜົນຕໍ່ເສດຖະກິດໃນປີ 20152016, ພ້ອມທັງເບິ່ງຄືນປັດໄຈທີ່ພົ້ນເດັ່ນບໍ່ວ່າຈະເປັນການປະຕິບັດບັນດາເປົ້າໝາຍສະຫັດສະວັດດ້ານການພັດທະນາ, ຄວາມຄືບໜ້າເປົ້າໝາຍເພື່ອຫຼຸດພົ້ນສະຖານະພາບປະເທດດ້ອຍພັດທະນາໃນປີ 2020 ສະນັ້ນພວກເຮົາຕ້ອງຮູ້ວ່າພວກເຮົາປະຕິບັດຮອດໃສ, ຄວາມຄືບໜ້າບາງຂົງເຂດເສດຖະກິດທີ່ເປັນປັດໄຈທີ່ສຳຄັນຕໍ່ການພັດທະນາເສດຖະກິດເຊັ່ນ: ບັນດາເຂດເສດຖະກິດພິເສດແລະເຂດເສດຖະກິດສະເພາະທີ່ເປັນໂຄງການຂະໜາດໃຫຍ່ແລະຈະເປັນໂຕຂັບເຄື່ອນເສດຖະກິດຕ້ອງມີການປະເມີນຄືນແລະໃນເງື່ອນໄຂຂອງການເຊື່ອມໂຍງກັບປະຊາຄົມເສດຖະກິດອາຊຽນໃນການກຽມພ້ອມດ້ານຕ່າງໆທີ່ມີຄວາມຈຳເປັນອັນພື້ນຖານວ່າມີຫຍັງແດ່ເປັນຕົ້ນ.
ທີ່ມາ: