ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 61 ປີ (ວັນທີ 22 ມີນາ 1955-22 ມີນາ 2016), ວັນທີ 22 ມີນານີ້ ທີ່ອະນຸສາວະລີນັກຮົບນິລະນາມ (ດາວແດງ) ນະຄອນຫຼວງວຽງຈັນ, ບັນດາຜູ້ນຳພັກ-ລັດ ຊຶ່ງນຳໂດຍ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ພ້ອມດ້ວຍການນຳຂັ້ນສູງຂອງພັກປະຊາ ຊົນ ປະຕິວັດລາວ, ຄະນະລັດຖະບານ, ຄະນະສະພາແຫ່ງຊາດ,
ຄະນະ ປກຊ-ປກສ, ຄະນະອົງການປົກຄອງນະຄອນຫຼວງວຽງຈັນ, ອົງການຈັດຕັ້ງມະຫາຊົນ, ກະຊວງການຕ່າງປະເທດ, ກະຊວງໂຍທາທິການ ແລະ ຂົນສົ່ງ, ສະຖາບັນການເມືອງ ແລະ ການປົກ ຄອງແຫ່ງຊາດ, ຄະນະໂຄສະນາອົບຮົມ ສູນກາງພັກ, ຄະນະພົວພັນ ຕ່າງປະເທດສູນກາງພັກ, ອົງການກວດສອບແຫ່ງລັດ, ທະ ນາຄານການຄ້າຕ່າງປະເທດ ແລະ ຄະນະກະຊວງສາທາລະ ນະສຸກຕາມລຳດັບ.
ການວາງພວງມາລາ ເພື່ອ ເປັນການສະແດງເຖິງຄວາມ ເຄົາລົບຮັກ ຄວາມກະຕັນຍູຮູ້ ບຸນຄຸນເຖິງຄຸນງາມຄວາມດີ ຂອງບັນພະບູລຸດລາວ ກໍຄື ຂອງພັກປະຊາຊົນ ປະຕິວັດ ລາວໃນເມື່ອກ່ອນ ຊຶ່ງຄຸນງາມ ຄວາມດີ ແລະ ຜົນງານໃຫຍ່ ຫຼວງດັ່ງກ່າວ ແມ່ນໄດ້ຖືກຈາ ລຶກໄວ້ໃນປະຫວັດສາດ ແລະ ຊີວິດຈິດໃຈຂອງທົ່ວພັກ ທົ່ວ ລັດ ກໍຄືທົ່ວປວງຊົນລາວທັງ ຊາດຕະຫຼອດກາລະນານ
ໃນວັນດຽວກັນ ທີ່ຫໍພິພິ ທະພັນ ໄກສອນ ພົມວິຫານ, ບັນດາການນຳພັກ-ລັດ ກໍໄດ້ ວາງກະຕ່າດອກໄມ້ ເນື່ອງໃນ ໂອກາດວັນສ້າງຕັ້ງພັກເຊັ່ນ ດຽວກັນ.

ແຫລ່ງຂ່າວຈາກ: ໜັງສືພິມປະຊາຊົນ