ສຳນັກຂ່າວຕ່າງປະເທດ ລາຍງານໃນວັນທີ 22 ມີນານີ້ວ່າ ມື້ວານນີ້ (21 ມີນາ) ທ່ານ ຣາອູນ ກາສໂຕຣ ປະທານປະເທດກູບາ ແລະ ທ່ານ ບາຣັກ ໂອບາມາ ປະທານາທິບໍດີ ແຫ່ງ ສະຫະລັດອາເມຣິກາ ໄດ້ຖະແຫລງການຮ່ວມກັນ ໃນໂອກາດທີ່ຜູ້ນຳສະຫະລັດອາເມຣິກາ ຢ້ຽມຢາມສາທາລະນະລັດກູບາ ຢ່າງເປັນທາງການ ທີ່ນະຄອນຫລວງລາຮາວານ ໂດຍທັງສອງຝ່າຍໄດ້ເຫັນດີຮ່ວມກັນ ໃນການຍົກເລີກມາດຕະການ ຫ້າມການຄ້າຂາຍລະຫວ່າງສອງປະເທດຢ່າງສິ້ນເຊີງ.
ທັງນີ້ ເນື່ອງຈາກລັດຖະບານສະຫະລັດອາເມຣິກາ ໄດ້ດຳເນີນມາດຕະການຂວ້ຳບາດເສດຖະກິດ ຕໍ່ປະເທດກູບາ ເປັນເວລາ 50 ປີຜ່ານມາ ຊຶ່ງທ່ານ ບາຣັກ ໂອບາມາ ໄດ້ກ່າວວ່າ ” ສິ່ງທີ່ເຮົາເຮັດມາຕະຫລອດ 50 ປີ ບໍ່ມີຕໍ່ຜົນປະໂຫຍດຂອງເຮົາ ຫລື ຂອງປະຊາຊົນກູບາ “