spot_img
Homeຂ່າວການສຶກສາແຂວງຊຽງຂວາງ ຈັດພິທີສອບເສັງນັກຮຽນເກັ່ງຊັ້ນມັດທະຍົມສຶກສາຂັ້ນແຂວງ

ແຂວງຊຽງຂວາງ ຈັດພິທີສອບເສັງນັກຮຽນເກັ່ງຊັ້ນມັດທະຍົມສຶກສາຂັ້ນແຂວງ

Published on

ພິທີຈັດຕັ້ງການສອບເສັງນັກຮຽນເກັ່ງຊັ້ນມັດທະຍົມສຶກສາຂັ້ນແຂວງ ທົ່ວແຂວງຊຽງຂວາງ ປະຈຳສົກຮຽນ 2015 – 2016 ໄດ້ໄຂຂຶ້ນໃນຕອນເຊົ້າຂອງວັນທີ 17 ມີນາ 2016 ຜ່ານມາທີ່ສະໂມສອນໂຮງຮຽນສາມັນກິນນອນຊົນເຜົ່າແຂວງຊຽງຂວາງ ໂດຍພາຍໃຕ້ການເປັນປະທານຂອງທ່ານ ບົວລີ ພັນນາວົງ ກຳມະການພັກແຂວງ ຫົວໜ້າພະແນກສຶກສາທິການ ແລະ ກີລາແຂວງຊຽງຂວາງ ເຂົ້າຮ່ວມພິທີມີທ່ານ ໄຊປັນຍາ ໄຊຍະຈິດ ຫົວໜ້າຂະແໜງມັດທະຍົມສຶກສາພ້ອມຄະນະ ມີຄະນະກຳມະການຍາມຫ້ອງສອບ ກຳມະການກວດບົດ ແລະ ຄູນຳພານັກຮຽນ ພ້ອມດ້ວຍນ້ອງນັກສອບທີ່ມາຈາກແຕ່ລະເມືອງທົ່ວແຂວງເຂົ້າຮ່ວມ.

ທ່ານ ນາງ ວຽງເພັດ ເທບອຸດົມ ຮອງຫົວໜ້າຂະແໜງມັດທະຍົມ ພະແນກສຶກສາທິການ ແລະ ກີລາແຂວງຊຽງຂວາງໄດ້ກ່າວລາຍງານວ່າ ສໍາລັບການສອບເສັງຄັດເລືອກນັກຮຽນເກັ່ງຊັ້ນມັດທະຍົມສຶກສາຂັ້ນແຂວງຢູ່ແຂວງຊຽງຂວາງ ສົກຮຽນ 2015 – 2016 ນີ້ ມີນັກຮຽນທັງໝົດທີ່ເປັນໂຕແທນໃຫ້ແຕ່ລະເມືອງທົ່ວແຂວງເຂົ້າຮ່ວມ 46 ຄົນ ຍິງ 8 ຄົນ ໃນນັ້ນ ຊັ້ມ ມ. 4 ມີ 23 ຄົນ ຍິງ 4 ຄົນ ແລະ ຊັ້ນ ມ. 7 ມີ 23 ຄົນ ຍິງ 4 ຄົນ ສໍາລັບວິຊາທີ່ນຳມາສອບເສັງປະກອບມີ ວິຊາ ພາສາລາວ-ວັນນະຄະດີ ວິຊາຄະນິດສາດ ວິຊາເຄມີສາດ ແລະ ວິຊາຟີຊິກສາດ ແຕ່ລະວິຊາໃຊ້ເວລາສອບເສັງທັງໝົດ 90 ນາທີ ພາຍຫຼັງສຳເລັດການສອບເສັງພາກວິຊາການແລ້ວ ບັນດານ້ອງໆນັກສອບຍັງຈະໄດ້ເຂົ້າຮ່ວມຖາມ-ຕອບ ຄວາມຮູ້ຮອບໂຕ ເພື່ອຊີງເອົາຂອງຂວັນລາງວັນ ແລະ ໄປທັດສະນະສຶກສາສະຖານທີ່ທ່ອງທ່ຽວທີ່ສຳຄັນທາງປະຫວັດສາດຂອງແຂວງຕື່ມອີກ.

ທ່ານນາງ ວຽງເພັດ ເທບອຸດົມ ຍັງໃຫ້ຮູ້ຕື່ມອີກວ່າ ຈຸດປະສົງຂອງການຈັດການສອບເສັງນັກຮຽນເກັ່ງຂັ້ນແຂວງຄັ້ງນີ້ ນອກຈາກຈະເປັນການຄັດເລືອກເອົາໂຕແທນນັກຮຽນເກັ່ງແຕ່ລະວິຊາ ທີ່ເປັນໂຕແທນໃຫ້ແຂວງຊຽງຂວາງ ເພື່ອເຂົ້າຮ່ວມສອບເສັງນັກຮຽນເກັ່ງລະດັບຊາດທີ່ຈະຈັດຂຶ້ນຢູ່ນະຄອນຫຼວງວຽງຈັນໃນທ້າຍເດືອນເມສາ 2016 ນີ້ແລ້ວ ຍັງເປັນການສົ່ງເສີມພອນສະຫວັນຂອງນ້ອງໆນັກຮຽນທາງດ້ານຄວາມຮູ້ ຄວາມສາມາດ ສະຕິປັນຍາ ຫົວຄິດປະດິດສ້າງ ກະຕຸກຊຸກຍູ້ຂະບວນການຮຽນ-ການສອນ ຂອງຄູ ອາຈານ ແລະ ນັກຮຽນ ສ້າງຂະບວນການສອນດີ-ຮຽນເກັ່ງ ພາຍໃນໂຮງຮຽນຕື່ມອີກ.
ໂອກາດດຽວກັນ ທ່ານ ບົວລີ ພັນນາວົງ ກຳມະການພັກແຂວງ ຫົວໜ້າພະແນກສຶກສາທິການ ແລະ ກີລາແຂວງຊຽງຂວາງ ໄດ້ໃຫ້ກຽດຂຶ້ນໂອ້ລົມ ປະກອບຄຳຄິດຄຳເຫັນ ເຊິ່ງທ່ານໄດ້ຍົກໃຫ້ເຫັນພາລະບົດບາດການສ້າງນັກຮຽນເກັ່ງ ນອກຈາກເປັນການສົ່ງເສີມພອນສະຫວັນທາງດ້ານການຮຽນຂອງນັກຮຽນ ແລະ ຄັດເລືອກໂຕແທນນັກຮຽນເກັ່ງເຂົ້າຮ່ວມສອບເສັງລະດັບຕ່າງໆແລ້ວ ຍັງແມ່ນການຄັດເລືອກນັກຮຽນທີ່ດີ ມີຄວາມຮູ້ ຄວາມສາມາດ ມີຄຸນສົມບັດດີ ເພື່ອໄປຮຽນຕໍ່ ແລະ ຮັບຜິດຊອບໜ້າທີ່ໄດ້ດີ ທັງຮັບໃຊ້ປະເທດຊາດໄດ້ດີອີກດ້ວຍ ທ່ານຍັງໄດ້ຮຽກຮ້ອງໃຫ້ນ້ອງນັກສອບຈົ່ງໃຊ້ຄວາມພະຍາຍາມເຮັດບົດດ້ວຍຄວາມອຸ່ນອຽນທຸ່ນທ່ຽງ ບໍລິສຸດຍຸຕິທຳ ຄົ້ນຄິດພິຈະລະນາດ້ວຍຄວາມລະອຽດຖີ່ຖ້ວນ ແລະ ເຮັດບົດໃຫ້ເຕັມເວລາ ຄະນະຮັບຜິດຊອບການສອບເສັງກໍໃຫ້ເຮັດໜ້າທີ່ດ້ວຍຄວາມຮັບຜິດຊອບສູງ ພ້ອມກັນດຳເນີນບັ້ນສອບເສັງນັກຮຽນເກັ່ງຄັ້ງນີ້ໃຫ້ບັນລຸຕາມຄາດໝາຍທີ່ກຳນົດໄວ້.

ຂ່າວ/ພາບ: ຄານສີສະຫວັນ ພົງພັກດີ

ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...