Homeວັນນະກຳລະຫວ່າງ...ຄວາມດີ ກັບ ຄວາມຮັກ! ທ່ານຈະເລືອກສິ່ງໃດ???

ລະຫວ່າງ…ຄວາມດີ ກັບ ຄວາມຮັກ! ທ່ານຈະເລືອກສິ່ງໃດ???

Published on

ເລື່ອງຂອງຄວາມຮັກມັກເປັນເລື່ອງທີ່ເດົາໃຈຍາກ ຫາຈຸດສິ້ນສຸດລຳບາກ ຕັດສິນໄດ້ຍາກຫຼາຍ
ຂ້ອຍມີຕົວຢ່າງ 3 ຄົນທີ່ຮັກກັບແບບພົວພັນທັງຄວາມດີ ແລະ ຄວາມຮັກ ມາໃຫ້ທ່ານຊ່ວຍວິເຄາະ ໃຜໂຊກດີ ຫຼື ໃຜໂຊກຮ້າຍ!

ຝ່າຍຍິງເປັນຄົນງາມ ມີການສຶກສາ ການງານດີ ມັກທ່ຽວ ແລະ ຮັກອິດສະຫຼະ
ນາງມີແຟນຄົນທຳອິດເປັນໜຸ່ມໜ້າຕາປານກາງ ດຸໝັ່ນ ມີອານາຄົດ ແລະ ຮັກນາງຫຼາຍ ຮຽກໄດ້ວ່າເທໃຈໃຫ້ເຕັມຮ້ອຍ ຢາກແຕ່ງງານກັບນາງ ໃຫ້ກຽດ ແລະ ບໍ່ເຄີຍນອກໃຈເລີຍ.
ເມື່ອເປັນແຟນກັນມາໄດ້ 2 ປີ ຝ່າຍຍິງໄປພົບຜູ້ຊາຍອີກຄົນ ເຊິ່ງກໍ່ເປັນເພື່ອນກັບຜູ້ຊາຍຄົນທຳອິດຂອງນາງ
ຜູ້ຊາຍຄົນທີ 2 ນີ້ ເປັນຄົນລວຍ, ຮັກອິດສະຫຼະ, ເປັນນັກທ່ຽວ, ຮັກສະໜຸກ ທັງຄູ່ເຂົ້າກັນໄດ້ດີ ເບິ່ງແລ້ວເໝືອນຈະຮັກກັນຫຼາຍ.

ຝ່າຍຍິງໄດ້ປ່ຽນໃຈມາຮັກຜູ້ຊາຍຄົນທີສອງໂດຍທີ່ນາງໄດ້ຍອມຮັບກັບຊາຍຄົນທຳອິດວ່າ ນາງຮັກຜູ້ຊາຍຄົນທີສອງ. ສ່ວນຜູ້ຊາຍຄົນທຳອິດນັ້ນ ນາງບອກວ່າເຂົາເປັນຄົນດີທີ່ສຸດ ນາງເຄີຍຮັດ ແຕ່ບໍ່ແມ່ນຕອນນີ້!      

ທັງສາມຄົນແມ່ນຮູ້ຈັກກັນໝົດ! ຄົນທີ່ຕັດສິນໃຈຈະເລືອກກໍ່ຄື ຝ່າຍຍິງ.    
ນາງຂໍເວລາກັບຜູ້ຊາຍຄົນທຳອິດປະມານ 3 ເດືອນ ຂໍໃຊ້ຊີວິດຢູ່ກັບຜູ້ຊາຍຄົນທີ່ນາງຮັກ (ແຕ່ບໍ່ແນ່ໃຈວ່າອານາຄົດຈະເປັນແນວໃດ) ແລ້ວຈະກັບມາຫາຜູ້ຊາຍຄົນທຳອິດຂອງນາງ.

ພໍຄົບເວລາສາມເດືອນ ນາງກໍ່ກັບມາບອກຜູ້ຊາຍຄົນທຳອິດວ່າ “ນາງຮັກກັບຜູ້ຊາຍຄົນທີ່ສອງ ແຕ່ນາງຄິດວ່າຄົງໄປກັນບໍ່ໄດ້ດ້ວຍດີ ຄົງບໍ່ມີອານາຄົດທີ່ດີກັບຜູ້ຊາຍຄົນນັ້ນ ນາງຈະບອກເລີກກັບເຂົາ” ແລະ ກັບມາຫາຜູ້ຊາຍຄົນທຳອິດ ທີ່ນາງບອກວ່າເຂົາເປັນຄົນດີທີ່ສຸດໃນຊີວິດ.
ຜູ້ຊາຍຄົນທຳອິດທຳໃຈບໍ່ໄດ້ ລະແວງວ່ານາງບໍ່ຮັກເຂົາຄືເກົ່າ ຖ້າຄົບໄປນາງອາດຈະກັບຄືນໄປຫາຜູ້ຊາຍຄົນທີ່ສອງທີ່ນາງຮັກອີກ
ສ່ວນຜູ້ຊາຍຄົນທີສອງກໍ່ບອກວ່າ ຮັກຜູ້ຍິງ ແຕ່ບໍ່ແນ່ໃຈວ່າຈະແຕ່ງງານນຳຫຼືບໍ່ ເພາະຍັງຢາກເປັນໂສດຕໍ່ໄປ.

ຖ້າທ່ານຕ້ອງການຊ່ວຍຕັດສິນໃຈໃນກໍລະນີນີ້ທ່ານຈະເຮັດແນວໃດ?
ມະນຸດທີ່ຈະເປັນຄູ່ຄອງກັນນັ້ນຕ້ອງມີທັງຄວາມຮັກ ແລະ ຄວາມດີ ຖ້າໄປຮັກຄົນທີ່ບໍ່ມີຄວາມດີກໍ່ໄປບໍ່ລອດ ແລະ ຖ້າຢູ່ກັບຄົນດີໂດຍບໍ່ຮັກ ກໍ່ຈະທໍລະມານເມື່ອຕົນເອງມີຄົນຮັກຢູ່ ຄວາມຮັກ ທົດແທນຄວາມດີບໍ່ໄດ້ ແຕ່ຄວາມດີທົດແທນຄວາມຮັກໄດ້ ໂດຍສະເພາະຖ້າຍັງບໍ່ມີຄົນຮັກມາກ່ອນ.

ຄົນທີ່ຈະເບິ່ງເຫັນຄວາມດີ ແລະ ຢາກຢູ່ກັບຄວາມດີ ຕ້ອງເປັນຄົນທີ່ຢາກມີຊີວິດສະຫງົບ ແລະ ໝັ້ນຄົງ ແຕ່ຖ້າຢາກສະໜຸກ ຫວືຫວາ ຕື່ນເຕັ້ນ ຄົງຈະເລືອກທາງຄວາມຮັກຫຼາຍກ່ວາ ແລະ ພ້ອມໄປຕາຍເອົາດາບໜ້າ.

ເຫັນໃຈຜູ້ຊາຍຄົນທຳອິດ ແລະ ເຫັນໃຈຜູ້ຍິງທີ່ເວົ້າຕົງກັບໃຈຈົນຜູ້ຊາຍຮັບບໍ່ໄດ້…ເຮີ້ຍ!!!

ພາສາຂອງຄວາມດີມັນບໍ່ຫວານວາບຫວິວເທົ່າກັບພາສາຂອງຄວາມຮັກດອກ ມາລອງຟັງພາສາຄວາມຮັກມ່ວນໆ ຈັກປະໂຫຍກໜຶ່ງ “ຂ້ອຍ ຮັກ ເຈົ້າ ເພາະເຈົ້າງາມສະເໝີ ສຳລັບຂ້ອຍ”. ແຕ່ຖ້າຟັງປະໂຫຍກຄຳເວົ້າກ່ຽວກັບຄວາມດີ ຍົກຕົວຢ່າງຄຳນີ້ “ຄວາມດີ ສະຫງ່າງາມສະເໝີ” ເຊິ່ງຄົງຈະຊ່ວຍໃຫ້ຄົນທີ່ເປັນຄົນດີ ບັນເທົາຄວາມເຈັບປວດໜ້ອຍລົງໃນເລື່ອງຄວາມຮັກທີ່ມັກບໍ່ຄ່ອຍສົມຫວັງເລີຍ.

ເມື່ອອ່ານຈົບແລ້ວທ່ານລອງຄິດທົບທວນວ່າ ສຳລັບຕົວທ່ານເອງເດ ລະຫວ່າງ…ຄວາມດີ ກັບຄວາມຮັກ ທ່ານຈະເລືອກສິ່ງໃດ???

 

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...