spot_img
Homeຂ່າວການພັດທະນາສະຫະລັດອາເມຣິກາ ສະໜັບສະໜູນການເຮັດວຽກເພື່ອໂພຊະນາການທີ່ດີຂຶ້ນຂອງເດັກໃນ ສປປ.ລາວ

ສະຫະລັດອາເມຣິກາ ສະໜັບສະໜູນການເຮັດວຽກເພື່ອໂພຊະນາການທີ່ດີຂຶ້ນຂອງເດັກໃນ ສປປ.ລາວ

Published on

ໂດຍການສະໜັບສະໜູນຈາກແຜນງານທູດວິທະຍາສາດຂອງສະຫະລັດອາເມຣິກາ ບັນດາຊ່ຽວຊານໃນຂະແໜງໂພຊະນາການກ່ຽວກັບເດັກນ້ອຍຈາກປະເທດລາວ ຫວຽດນາມ ກຳປູເຈຍ ມຽນມາ ແລະ ອົສຕຣາລີ ພ້ອມກັນເຮັດວຽກເພື່ອແກ້ໄຂບັນຫາສິ່ງທ້າທາຍທາງດ້ານໂພຊະນາການເດັກ ແລະ ລິເລີ່ມຂະບວນການສ້າງຄວາມກ້າວໜ້າທາງວິທະຍາສາດໃນອາຊີຕາເວັນອອກສະຫຼຽງໃຕ້ ທູດວິທະຍາສາດ ສະຫະລັດອາເມຣິກາ ທ່ານ ດຣ. ເຈີຣາດີນຣິກເມີນ ໃຫ້ການສະໜັບສະໜູນ ຈັດກອງປະຊຸມລະດັບຂົງເຂດເປັນຄັ້ງທຳອິດພາຍໃຕ້ຫົວຂໍ້ ພັດທະນາການວິທະຍາສາດທາງມັນສະໜອງ ແລະ ການຂາດໂພຊະນາການເຮັດໃຫ້ຈະເລີນເຕີບໃຫຍ່ຊ້າ ກໍລະນີສຶກສາທີ່ສຳຄັນເພື່ອປະຕິບັດໃນໄລຍະ 1.000 ວັນທຳອິດ ຈັດຂຶ້ນທີ່ຫຼວງພະບາງ ໃນວັນທີ 16-18 ມີນາ 2016.

ກອງປະຊຸມນີ້ ແມ່ນຄັ້ງທຳອິດຂອງສາມກອງປະຊຸມລະດັບຂົງເຂດທີ່ຈະຈັດຂຶ້ນໃນບັນດາປະເທດທີ່ມີສ່ວນຮ່ວມ ເຊິ່ງຈຸດປະສົງກໍເພື່ອສ້າງຄວາມຮັບຮູ້ໃຫ້ແກ່ບັນດານັກສັງຄົມວິທະຍາສາດກ່ຽວກັບຄວາມກ້າວໜ້າຂອງບັນຫາໂພຊະນາການທີ່ແກ່ຍາວ ການກຳນົດຍຸດທະສາດການແກ້ໄຂ ແລະ ການສ້າງແຜນການເພື່ອເຮັດໃຫ້ບັນຫາໂພຊະນາການຫຼຸດລົງໃນຂົງເຂດ ຮອດປີ 2020 ໃນວາລະດໍາເນີນກອງປະຊຸມ ຍັງຈະຊ່ອຍສ້າງເຄື່ອຂ່າຍບັນດານັກຄົ້ນຄວ້າມືອາຊີບໃນລະດັບຂົງເຂດທີ່ມີຄວາມສົນໃຈໃນການປະສານງານກັນຕໍ່ກັບຂະແໜງໂພຊະນາການຕ່ຳ ແລະ ການພັດທະນາທາງມັນສະໝອງ ເຊິ່ງເຄື່ອຂ່າຍຂອງບັນດາຜູ້ປະສານງານນີ້ ຈະຊ່ອຍວາງແນວທາງຄົ້ນຄວ້າໃນຂົງເຂດອາຊີຕາເວັນອອກສະຫຼຽງໃຕ້ ແລະ ຍັງຈະມີສ່ວນຮ່ວມໃນການພັດທະນາຍຸດທະສາດ ເພື່ອສ້າງຄວາມຮູ້ໃຫ້ສັງຄົມຂອງບັນດານັກສ້າງນະໂຍບາຍ ແລະ ຜູ້ນຳກ່ຽວກັບປັດໄຈທີ່ຈະປະກອບສ່ວນຊ່ອຍແກ້ໄຊບັນຫາພັດທະນາການຈະເລີນເຕີບໃຫຍ່ຊ້າຂອງເດັກໃນໄລຍະ 1.000 ວັນທຳອິດຂອງຊີວິດເດັກນ້ອຍ.

ແຜນງານທູດວິທະຍາສາດຂອງສະຫະລັດອາເມຣິກາ ແມ່ນນຶ່ງໃນຄວາມໝາຍໝັ້ນຂອງສະຫະລັດອາເມຣິກາ ໃນການມີສ່ວນຮ່ວມກັບສາກົນໃນວຽກງານວິທະຍາສາດ ແລະ ເຕັກໂນໂລຊີ ໂດຍທ່ານປະທານາທິບໍດີ ບາຣັກ ໂອບາມາ ໄດ້ປະກາດແຜນງານດັ່ງກ່າວຢູ່ນະຄອນຫຼວງເລີແກ ໃນເດືອນມິຖຸນາ 2009 ທີ່ຜ່ານມາ ແລະ ນີ້ແມ່ນການເດີນທາງມາລາວ ຄັ້ງທີ 3 ຂອງທ່ານ ດຣ. ຣິກເມິນ ເປັນຄັ້ງທີ 4 ທີ່ມາຂົງເຂດອາຊີຕາເວັນອອກສະຫຼຽງໃຕ້ ໃນຖານະທູດວິທະຍາສາດ ດຣ. ຣິກເມິນ ເປັນປະທານຄະນະເຄມີສາດຂອງມະຫາວິທະຍາໄລອໍຣິກອນ ແລະ ທັງເປັນສະມາຊິກຂອງສະພາວິທະຍາສາດແຫ່ງຊາດ ທ່ານຫາກໍໄດ້ຮັບຫຼຽນວິທະຍາສາດແຫ່ງຊາດ ເຊິ່ງເປັນລາງວັນສູງສຸດ ມອບໃຫ້ໂດຍລັດຖະບານສະຫະລັດອາເມຣິກາ ໃຫ້ແກ່ບັນດານັກທິທະຍາສາດ ວິສະວະກອນ ແລະ ນັກປະດິດສ້າງ ທ່ານເປັນປະທານສະມາຄົມຄວາມກ້າວໜ້າທາງດ້ານວິທະຍາສາດຂອງອາເມຣິກາ ແລະ ໄດ້ຮັບການມອບໝາຍຈາກປະທານປະເທດໃຫ້ເປັນສະມາຊິກຂອງຄະນະບໍລິຫານວິທະຍາສາດແຫ່ງຊາດ ດຣ. ຣິກເມິນ ໄດ້ປະກອບສ່ວນອຸທິດຄວາມພະຍາຍາມຂອງຕົນ ຊຸກຍູ້ໃຫ້ແມ່ຍິງມີບົດບາດໃນວຽກງານວິທະຍາສາດ ແລະ ວິສະວະກອນ ເຊິ່ງເປັນຜູ້ສ້າງຕັ້ງ ແລະ ປະທານກຳມາທິການວຽກງານຄວາມກ້າວໜ້າຂອງແມ່ຍິງໃນຂະແໜງເຄມີ ເປັນອົງການຈັດຕັ້ງຮາກຖານໃຫ້ການເຝິກອົບຮົມມືອາຊີບ ແລະ ມີເຄື່ອຂ່າຍນັກວິທະຍາສາດຍິງຫຼາຍກວ່າ 12.000 ຄົນທົ່ວປະເທດສະຫະລັດອາເມຣິກາ ແລະ ຢູ່ບັນດາປະເທດພວມພັດທະນາ.

ຂ່າວ/ພາບ: ຈະເລີນສຸກ ສໍປະເສີດ

ແຫລ່ງຂ່າວຈາກ: ວິທະຍຸ-ໂທລະພາບນະຄອນຫຼວງ

ບົດຄວາມຫຼ້າສຸດ

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...