spot_img
Homeຂ່າວການພັດທະນາອົບຮົມຄູຝຶກ ກ່ຽວກັບການໂຄສະນາຕ້ານການສໍ້ລາດບັງຫຼວງ

ອົບຮົມຄູຝຶກ ກ່ຽວກັບການໂຄສະນາຕ້ານການສໍ້ລາດບັງຫຼວງ

Published on

ຕອນເຊົ້າວັນທີ 14 ມີນາ 2016, ຄະນະກວດກາ ສູນກາງພັກ, ອົງການກວດກາ ລັດຖະບານໄດ້ຈັດກອງປະຊຸມ ຝຶກອົບຮົມຄູຝຶກກ່ຽວກັບການ ໂຄສະນາເຜີຍແຜ່ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ທີ່ໂຮງແຮມນະ ຄອນສັກ, ນະຄອນຫຼວງວຽງ ຈັນ ພາຍໃຕ້ການເປັນປະທານ ຂອງ ທ່ານ ໄຊຄຳ ອຸ່ນມີໄຊ ຮອງປະທານຄະນະກວດກາ ສູນກາງພັກ, ອົງການກວດກາ ລັດຖະບານ, ມີ ທ່ານ ປີເຕີ ລີຈີ ທີ່ປຶກສາຕ້ານການສໍ້ລາດບັງຫຼວງຂົງເຂດພາກພື້ນອາຊີ-ປາຊີຟິກ, ຮັບຜິດຊອບວຽກງານກົດໝາຍສະພາທະນາຍຄວາມ ສະຫະລັດອາເມຣິກາ, ຕາງໜ້າ ສະຖານທູດ ອາເມຣິກາ ປະຈຳ ລາວ, ຫົວໜ້າກົມ, ຮອງກົມຈາກ ຄະນະກວດກາສູນກາງພັກ, ອົງການກວດກາລັດຖະບານ, ຫົວໜ້າກົມ, ຮອງກົມຈາກບັນ ດາກະຊວງ-ອົງການເຂົ້າຮ່ວມ.
ໂອກາດດັ່ງກ່າວ ທ່ານ ໄຊຄຳ ອຸ່ນມີໄຊ ໄດ້ສະເໜີ ຄວາມໝາຍຄວາມສຳຄັນກ່ຽວ ກັບການຈັດກອງປະຊຸມຝຶກ ອົບຮົມຄູຝຶກວຽກງານສະກັດ ກັ້ນ ແລະ ຕ້ານການສໍ້ລາດບັງ ຫຼວງໃຫ້ແກ່ ຄະນະນຳຂອງກົມກວດກາລັດ ແລະ ຕ້ານການສໍ້ລາດບັງຫຼວງ ຂອງກະຊວງ, ອົງການຄັ້ງນີ້ ແມ່ນເພື່ອເຮັດ ໃຫ້ນັກສຳມະນາກອນໃຫ້ກາຍ ເປັນຄູຝຶກວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ  ໃຫ້ມີບົດບາດຂະຫຍາຍຕົວ ໃໝ່ ເພື່ອຕອບສະໜອງກັບ ຄວາມຮຽກຮ້ອງຕ້ອງການຂອງ ໜ້າທີ່ວຽກງານໃນໄລຍະໃໝ່ ແລະ ຮຽກຮ້ອງມາຍັງນັກສຳ ມະນາກອນຈົ່ງຍົກສູງຄວາມ ຮັບຜິດຊອບຂອງຕົນ ເຮັດໃຫ້ ຊຸດຝຶກອົບຮົມຄັ້ງນີ້ດຳເນີນໄປ ດ້ວຍດີ ແລະ ບັນລຸຜົນຕາມຈຸດ ປະສົງ ແລະ ຄາດໝາຍທີ່ວາງໄວ້.
ການຝຶກອົບຮົມຄັ້ງນີ້ໄດ້ຮັບຟັງການບັນຍາຍເນື້ອໃນເອກະສານສຳຄັນຕ່າງໆຈາກຊ່ຽວຊານຕ່າງປະເທດ ແລະ ຄູ-ອາຈານ ຂອງລາວ ເປັນຕົ້ນ ແມ່ນກ່ຽວກັບການຕິດຕາມ ຮ່ອງຮອຍການເງິນທີ່ສໍ້ລາດ ບັງຫຼວງ, ເນື້ອໃນພື້ນຖານຂອງ ກົດໝາຍວ່າດ້ວຍການຕ້ານ ການສໍ້ລາດບັງຫຼວງ, ຍຸດທະ ສາດຕ້ານການສໍ້ລາດບັງຫຼວງ, ຍຸດທະສາດຕ້ານການສໍ້ລາດ ບັງຫຼວງຂອງລັດຖະບານ ແຕ່ ນີ້ຮອດປີ 2020, ກົດໝາຍວ່າ ດ້ວຍການສົ່ງຜູ້ຮ້າຍຂ້າມແດນ, ກົດໝາຍວ່າດ່ວຍການຕ້ານ ການຟອກເງິນ, ກົດໝາຍວ່າ ດ້ວຍການກວດກາລັດ, ດຳລັດ ວ່າດ້ວຍການປະຢັດ ແລະ ຕ້ານ ການຟູມເຟືອຍ ແລະ ເອກະ ສານກ່ຽວກັບເຂົ້າຮ່ວມເປັນພາ ຄີຂອງອົງການຈັດຕັ້ງສາກົນ ແລະ ພາກພື້ນ. ນອກຈາກການ ຮັບຟັງການເຜີຍແຜ່ແລ້ວກໍຈະ ໄດ້ຄົ້ນຄວ້າສົນທະນາ, ປຶກສາ ຫາລືແລກປ່ຽນຄວາມຄິດ ຄວາມ ເຫັນ ໂດຍອີງຕາມຂໍ້ເຈາະຈີ້ມ ຂອງຜູ້ບັນຍາຍທີ່ໄດ້ວາງອອກ ເພື່ອເຮັດໃຫ້ນັກສຳມະນາກອນ ເຂົ້າໃຈຕໍ່ບັນຫາຢ່າງເລິກເຊິ່ງ. ຊຸດຝຶກອົບຮົມຈະດຳເນີນຮອດ ວັນທີ  18/3/2016.

ແຫລ່ງຂ່າວຈາກ: ໜັງສືພິມປະຊາຊົນ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...