ຜູ້ຜະລິດສະມາດໂຟນຈາກປະເທດຈີນ ນາມວ່າ UMi ໄດ້ປະກາດເປີດໂຕສະມາດໂຟນເຮືອທຸງລຸ້ນໃໝ່ນັ້ນກໍຄື UMi Touch ເຊິ່ງເປັັນສະມາດໂຟນທີ່ສາມາດເລືອກໄດ້ວ່າຈະຕິດຕັ້ງລະບົບໃດລະຫວ່າງ Android ແລະ Windows 10 Mobile ກໍໄດ້
UMi Touch ໂຕເຄື່ອງນັ້ນເຮັດມາຈາກໂລຫະໝົດເຄື່ອງ, ມາພ້ອມກັບໜ້າຈໍຂະໜາດ 5.5 ນິ້ວ, ຄວາມລະອຽດ 1920 x 1080 (Full HD) ພ້ອມກັບຈໍແບບ 2.5D. ໃຊ້ງານຊິບປະມວນຜົນ Mediatek 1.5 GHz Octa core ແລະ ຊິບປະມວນຜົນກຣາບຟິກ Mali T720. Rom 16 GB, RAM 3GB.
ກ້ອງຫຼັງຄວາມລະອຽດ 13 ລ້ານພິກເຊວ ໃຊ້ເຊັນເຊີຂອງ Sony IMX328 ແລະ ກ້ອງໜ້າຄວາມລະອຽດ 5 ລ້ານພິກເຊວ. ແບັດເຕີຣີ 4,000 mAh, ມີລະບົບສະແກນລາຍນິ້ວມືມາພ້ອມ. ສຳລັບໂຕເຄື່ອງຕອນນີ້ເປີດໃຫ້ສັ່ງຈອງແລ້ວໃນລາຄາພຽງແຕ່ $149.99 (1.220.000 ກີບ)
ສຳລັບ UMi Touch ນັ້ນແມ່ນຖືກອອກແບບມາເພື່ອສະມາດໂຟນ Android ໂດຍສະເພາະ ແລະມາພ້ອມກັບເວີຊັ່ນ 6.0 ເລີຍ. ແຕ່ວ່າທາງ UMi ບອກວ່າຈະຮອງຮັບລະບົບ Windows 10 Mobile ສຳລັບເຄື່ອງນີ້ແນ່ນອນ. ໂດຍທີ່ UMi ຈະເປີດໃຫ້ຜູ້ໃຊ້ເລືອດດາວໂຫຼດ ROM ຂອງລະບົບປະຕິບັດການ Windows 10 Mobile ມາເອງ. ແຕ່ໃນອະນາຄົດທາງ UMi ນັ້ນກຳລັງມີແຜນທີ່ຈະເປີດໂຕສະມາດໂຟນທີ່ມາພ້ອມກັບລະບົບ Windows 10 Mobile ໃນກ່ອງເລີຍ
ທີ່ມາ:mspoweruser