spot_img
Homeຂ່າວເຫດການປະຊາຊົນສະເໜີໃຫ້ ຜູ້ຮັບສະໝັກເລືອກຕັ້ງ ຊ່ວຍແກ້ໄຂບັນຫາພື້ນຖານໂຄງລ່າງ!

ປະຊາຊົນສະເໜີໃຫ້ ຜູ້ຮັບສະໝັກເລືອກຕັ້ງ ຊ່ວຍແກ້ໄຂບັນຫາພື້ນຖານໂຄງລ່າງ!

Published on

ຂປລ. ຂະບວນການພົບປະໂຄສະນາ ຫາສຽງຂອງຜູ້ສະໜັກ ສສຊ ຊຸດທີ VIII ເຂດ 9 ແຂວງຊຽງຂວາງ, ເຂດ 12 ແຂວງຄໍາມ່ວນ ແລະ ເຂດ 14 ແຂວງສາລະວັນ ໄດ້ສືບຕໍ່ພົບປະ ໂຄສະນາຫາສຽງຢູ່ບັນດາເມືອງຕ່າງໆ ພາຍໃນແຂວງ ເພື່ອແນໃສ່ໃຫ້ການເລືອກຕັ້ງ ສະມາຊິກສະພາແຫ່ງຊາດ ຊຸດທີ VIII ມີ​ຜົນສຳ​ເລັດ​ ຕາມ​ຄາດໝາຍ​ທີ່​ວາງ​ໄວ້. ໂອກາດດັ່ງກ່າວ ພໍ່ແມ່ປະຊາຊົນແຕ່ລະກຸ່ມບ້ານ ທີ່ ສສຊ ລົງຫາສຽງກໍໄດ້ສະເໜີ ຄວາມຄິດເຫັນ ແລະ ຂໍໃຫ້ຜູ້ແທນ ທີ່ໄດ້ຮັບເລືອກຕັ້ງ ເປັນຜູ້ແທນ ໄດ້ເອົາໄປຄົ້ນຄວ້າພິຈາລະນາ ໂດຍສະເພາະ ການພັດທະນາພື້ນຖານ ໂຄງລ່າງຂອງເມືອງ, ຂອງບ້ານທີ່ມີ ຄວາມຈໍາເປັນເຊັ່ນ: ໂຮງຮຽນ, ຊົນລະປະທານ, ເສັ້ນທາງເຂົ້າບ້ານ ທີ່ສາມາດທ່ຽວໄດ້ 2 ລະດູ ເພື່ອເປັນການແກ້ໄຂ ຊີວິດການເປັນຢູ່ ຂອງປະຊາຊົນ ໃຫ້ດີຂຶ້ນເທື່ອລະກ້າວ.

​ໃນ​ນັ້ນເຂດ​ເລືອກ​ຕັ້ງ​ທີ 9 ​ແຂວງ​ຊຽງ​ຂວາງ​​ ບັນດາ ສສຊ ໄດ້​ສືບຕໍ່ລົງ​ໂຄສະນາ​ຫາ​ສຽງ  ຢູ່ ​ເມືອງໜອງ​ແຮດ ​ເຊິ່ງ​ເປັນ​ເມືອງ​ທີ 6 ຂອງ​ແຂວງ ​ເຊິ່ງລວມມີ​ທັງ​ໝົດ 6 ຈຸດ​ ຄື: ກຸ່ມ​ຄັງ​ພະ​ນຽນ, ສຳນັກງານ​ຂອງ​ເມືອງ, ກຸ່ມ​ບໍ​ກໍ​ບໍ​ເຍຍ, ກຸ່ມ​ຫ້ວຍ​ລີ​ມ, ກຸ່ມ​ພູ​ຫົວຊ້າງ ​ແລະ ກຸ່ມ​ພະ​ແຄະ. ​ໃນ​ການ​ລົງ​ໄປ​ແຕ່ລະ​ຈຸດ ຄະນະ​ຜູ້​ແທນ​ແມ່ນ​ໄດ້​ຮັບ ​ການ​ຕ້ອນຮັບ​ຈາກ​ ຄະນະ​ພັກ-ອຳນາດ​ການ​ປົກຄອງ ​ແລະ ມວນ​ຊົນ​ ໃນ​ເຂດ​ດັ່ງກ່າວ​ ຢ່າງ​ມີ​ບັນຍາກາດ​ຟົດ​ຟື້ນ ​ແລະ ອົບ​ອຸ່ນ​. ຜູ້​ຮັບ​ສະໝັກ​ຮັບເລືອກ​ຕັ້ງ​ ເປັນ​ສະມາຊິກ​ສະພາ​ແຫ່ງ​ຊາດ​ ຊຸດ​ທີ VIII ​ເຂດ​ເລືອ​ຕັ້ງ​ທີ 9 ​ແຂວງ​ຊຽງ​ຂວາງ ມີ​ທັງ​ໝົດ 9 ທ່ານ, ຍິງ 2 ທ່ານ, ​ເລືອກ​ເອົາ 6 ທ່ານ.

ສ່ວນການເຄື່ອນໄຫວຫາສຽງ ຂອງຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ ເຂດທີ 12 ແຂວງຄຳມ່ວນ ສືບຕໍ່ເຄື່ອນໄຫວທີ່ເມືອງໄຊບົວທອງ ເຊິ່ງເປັນເມືອງທີ 6 ແລະ ຈຸດທີ 45 ໃນຈຳນວນ 92 ຈຸດຂອງແຂວງຄຳມ່ວນ ເຊິ່ງມີພໍ່ແມ່ປະຊາຊົນ ຜູ້ມີສິດປ່ອນບັດເລືອກຕັ້ງ ນັບແຕ່ອາຍຸ 18 ປີຂຶ້ນໄປ ເຂົ້າຮ່ວມ ຢ່າງຫລວງຫລາຍ. ທົ່ວແຂວງຄຳມ່ວນ ໄດ້ກຳນົດຈຸດເຄື່ອນໄຫວ ຫາສຽງທັງໝົດຈຳນວນ 92 ຈຸດ, ມີໜ່ວຍປ່ອນບັດເລືອກຕັ້ງ ສສຊ ທັງໝົດ 342 ໜ່ວຍ, ມີຜູ້ລົງສະໝັກຈຳນວນ 11 ທ່ານ ເລືອກເອົາ 8 ທ່ານ. ສະເພາະເມືອງໄຊບົວທອງ ແມ່ນໄດ້ກຳນົດເອົາ 10 ຈຸດ ເພື່ອໃຫ້ຜູ້ສະໝັກຮັບເລືອກຕັ້ງ ລົງເຄື່ອນໄຫວຫາສຽງ ຄື: ຈຸດບ້ານນານ້ອຍ, ຈຸດຊອກທາງ, ຈຸດໂພນນາດີ, ຈຸດນາໂມ້, ຈຸດປ່າກ້ວຍ-ໜອງບອນ, ຈຸດນາພ້າວ, ຈຸດສະໂມສອນເມືອງ, ຈຸດນາກະດອມ, ຈຸດແກ້ງຈອນ ແລະ ຈຸດບ້ານຜາໂຄ້ງ ແລະ ເປັນຈຸດທີ 45 ທີ່ຄະນະທີມງານ ຫາສຽງລົງເຄື່ອນໄຫວ. ເມືອງໄຊບົວທອງ ມີຜູ້ມີສິດ ປ່ອນບັດເລືອກຕັ້ງ ຈຳນວນ 13.210 ຄົນ, ຍິງ 6.781 ຄົນ, ມີ 23 ໜ່ວຍ ປ່ອນບັດເລືອກຕັ້ງ.

ພ້ອມ​ນີ້, ຄະນະຜູ້ສະໜັກ ສສຊ ຊຸດທີ VIII ເຂດ 14 ແຂວງສາລະວັນ ຈຳນວນ 11 ທ່ານ ໄດ້ສືບ ຕໍ່ລົງພົບປະຫາສຽງ ນໍາປະຊາຊົນຢູ່ ເມືອງລະຄອນເພັງ, ທົ່ວເມືອງ ປະກອບມີ 75 ບ້ານ, ມີ 47 ໜ່ວຍປ່ອນບັດ, ມີພົນລະເມືອງ 48 ພັນກວ່າຄົນ, ຍິງ 24 ພັນກວ່າຄົນ ໃນນັ້ນ ຜູ້ມີສິດບ່ອນບັດ 29 ພັນກວ່າຄົນ, ຍິງ 14 ພັນກວ່າຄົນ. ການລົງພົບປະຫາສຽງ ຢູ່ເມືອງລະຄອນເພັງ ໃນຄັ້ງນີ້ ຜູ້ສະໜັກ 11 ທ່ານ ໄດ້ລົງເຄື່ອນໄຫວພົບປະຫາສຽງ ນໍາປະຊາຊົນ ມີ 8 ຈຸດ ຄື: ເທດສະບານເມືອງ, ບ້ານພູຖໍ້າພວງ, ບ້ານປາກຕະພານ, ບ້ານໜອງແສງ, ບ້ານຫລັກເກົ້າສິບ, ບ້ານດ່ານນາເລົາ, ບ້ານໂພນສູງ ແລະ ບ້ານບຸດຕະພານ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...