ເພື່ອເປັນການກະກຽມຄວາມພ້ອມ ໃຫ້ແກ່ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ VIII ແລະ ການເລືອກຕັ້ງສະມາຊິກສະພາປະຊາຊົນຂັ້ນແຂວງ ນະຄອນຫຼວງ ວັນທີ 7 ມີນາ 2016 ທ່ານ ດຣ. ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ລົງພົບປະຢ້ຽມຢາມ ຕິດຕາມຊຸກຍູ້ຂະບວນການກະກຽມ ໃຫ້ແກ່ບັ້ນເລືອກຕັ້ງໃນຄັ້ງນີ້ ຢູ່ທີ່ສະໂມສອນເມືອງນາຊາຍທອງ ໂດຍມີທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ ການນຳຂອງເມືອງ ແລະ ບັນດາອະນຸກຳມະການເລືອກຕັ້ງຂັ້ນເມືອງເຂົ້າຮ່ວມ.
ໂອກາດນີ້ ທ່ານ ວິລະສັກ ນາມມຸນຕີ ເຈົ້າເມືອງນາຊາຍທອງ ໄດ້ລາຍງານກ່ຽວກັບການກະກຽມເລືອກຕັ້ງໃນຄັ້ງນີ້ວ່າ: ເມືອງນາຊາຍທອງມີ 54 ບ້ານ ມີພົນລະເມືອງທັງໝົດ 73.503 ຄົນ ຍິງ 37.428 ຄົນ ຜ່ານການລົງເກັບກຳສະຖິຕິຜູ້ທີ່ມີສິດ ໃນການປ່ອນບັດເລືອກຕັ້ງອາຍຸ 18 ປີຂຶ້ນເມືອ ມີຈຳນວນ 44.817 ຄົນ ແບ່ງເປັນໜ່ວຍເລືອກຕັ້ງ 59 ໜ່ວຍ ໃນນັ້ນ ປະຈຳບ້ານ 57 ໜ່ວຍ ແລະ ໜ່ວຍເລືອກຕັ້ງຂອງກົມກອງລວມໝູ່ມີ 2 ໜ່ວຍ.
ແຫລ່ງຂ່າວ:
