spot_img
Homeຂ່າວການສຶກສາມັດທະຍົມສົມບູນ ໂພນທັນ ຈັດກິດຈະກໍາປຸກຈິດສໍານຶກເພື່ອສະແດງອອກເຊິ່ງຄວາມກະຕັນຍູຮູ້ຄຸນ

ມັດທະຍົມສົມບູນ ໂພນທັນ ຈັດກິດຈະກໍາປຸກຈິດສໍານຶກເພື່ອສະແດງອອກເຊິ່ງຄວາມກະຕັນຍູຮູ້ຄຸນ

Published on

ໃນຕອນບ່າຍວັນທີ 04 ມີນາ 2016 ບັນດາຜູ້ມີຄຸນະວຸດ ຜູ້ອາວຸໂສ ການນໍາເມືອງໄຊເຊດຖາ ແລະ ຄູ-ອາຈານ ພ້ອມດ້ວຍຜູ້ປົກຄອງ ແລະ ນ້ອງນັກຮຽນພາຍໃນໂຮງຮຽນມັດທະຍົມສົມບູນ ໂພນທັນ ເມືອງໄຊເຊດຖາ ນະຄອນຫຼວງວຽງຈັນ ໄດ້ພ້ອມກັນຈັດກິດຈະກໍາເພື່ອລະນຶກເຖິງບຸນຄຸນບັນພະບຸລຸດ ເນື່ອງໃນໂອກາດວັນແມ່ຍິງສາກົນ ຄົບຮອບ 106 ປີ ຂຶ້ນຢູ່ທີ່ເດີ່ນໂຮງຮຽນດັ່ງກ່າວ.

ເຂົ້າຮ່ວມໃນພິທີຄັ້ງນີ້ ມີພະອາຈານໃຫຽ່ ດຣ.ມະຫາ ເວດ ມະເສໄນ ຮອງປະທານ ແລະ ຜູ້ປະຈໍາການສູນກາງອົງການພຸດທະສາສະໜາສໍາພັນລາວ ພະອາຈານໃຫຽ່ ບຸນສີ ວົງພູມີ ຄະນະປະຈໍາສູນກາງອົງການພຸດທະສາສະໜາສໍາພັນລາວ ທັງເປັນປະທານໂຄງການເມດຕາທັມ ທ່ານ ບຸນປີງ ປັນຍາຈິດ ຮອງເຈົ້າເມືອງໆໄຊເຊດຖາ ທ່ານ ອາຈານ ອ້ອມເພັງ ບ່າວວັນຄໍາ ຜູ້ອໍານວຍການໂຮງຮຽນ ມສ. ໂພນທັນ ມີພະເຖລານຸເຖລະ ຄູ ອາຈານ ແລະ ນ້ອງນັກຮຽນເຂົ້າຮ່ວມຈໍານວນຫຼວງຫຼາຍ.

ໃນໂອກາດຈັດກິດຈະກໍາສໍາຄັນນີ້ ທ່ານ ອ້ອມເພັງ ບ່າວວັນຄໍາ ຜູ້ອໍານວຍການໂຮງຮຽນ ມສ. ໂພນທັນ ໄດ້ໃຫ້ຮູ້ວ່າ ໂຮງຮຽນ ມສ. ໂພນທັນ ເຖິງຈະເປັນສະຖາບັນລະດັບສາມັນທີ່ຍັງຖືວ່າເປັນແຫ່ງໃໝ່ ເນື່ອງຈາກຫາກໍໄດ້ຮັບອະນຸມັດຈາກເຈົ້າຄອງນະຄອນຫຼວງວຽງຈັນ ແລະ ໄດ້ໄຂການຮຽນ-ການສອນ ເມື່ອວັນທີ 01 ກັນຍາ 2014 ຜ່ານມາ ແຕ່ວ່າ ຄູ ອາຈານ ພາຍໃນໂຮງຮຽນກໍໄດ້ຖ່າຍທອດຄວາມຮູ້ຕາມ 5 ຫຼັກມູນການສຶກສາ ເພື່ອປູກຈິດສໍານຶກໃຫ້ນັກຮຽນມີຈັນຍາທໍາ ຄຽງຄູ່ວິຊາຄວາມຮູ້ອັນເປັນພື້ນຖານຂອງຄວາມສໍາເລັດໃນຊີວິດ ແລະ ກິດຈະກໍາທາງວັດທະນະທໍາ ໂດຍສະເພາະແມ່ນການສະແດງອອກເຖິງຄວາມກະຕັນຍູ ຮູ້ບຸນຄຸນຕໍ່ພໍ່ແມ່ ຕໍ່ຄູ-ອາຈານ ຕໍ່ພະນັກງານ ອາວຸໂສບໍານານ ກໍຄືທ່ານຜູ້ນໍາແມ່ນນຶ່ງໃນບົດຮຽນກ່ຽວກັບຄຸນສົມບັດສຶກສາ ທີ່ ມສ. ໂພນທັນ ຕັ້ງໜ້າສິດສອນທັງທິດສະດີ ແລະ ພາກປະຕິບັດໂຕຈິງ.

ສໍາລັບກິດຈະກໍາຄັ້ງນີ້ ປະກອບມີການຕັ້ງກອງບຸນເພື່ອອຸທິດໄປເຖິງຜູ້ມີບຸນຄຸນຕາມປະເພນີດີງາມຂອງລາວເຮົາ ແລະ ມີການຟັງທໍາມະເທສະໜາ ໂດຍພະອາຈານໃຫຽ່ ດຣ. ມະຫາ ເວດ ມະເສໄນ ແລະ ພະອາຈານໃຫຽ່ ບຸນສີ ວົງພູມີ ຈາກນັ້ນ ກໍມີພິທີຂໍຂະມາຕໍ່ຄູບາ-ອາຈານ ເພື່ອລະນຶກເຖິງບຸນຄຸນຍິ່ງໃຫຽ່ ທັງເປັນການຂໍອະໄພໃນສິ່ງທີ່ເຫຼົ່າສິດເຄີຍລ່ວງເກີນ ເຊິ່ງຖືເປັນອີກນຶ່ງວັດທະນະທໍາດີງາມຄູ່ສັງຄົມລາວ.

ຂໍ້ມູນຈາກ http://www.vtetoday.la/

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...