Redbin ທຸລະ​ກິດ​ໃຫ້​ເຊົ່າ​ກ່ອງ​ມ້ຽນ​ເຄື່ອງ​ທີ່​ກຳລັງ​ມີ​ການ​ແຂ່ງຂັນ​ດຸ​ເດືອ​ດ​ໃນ​ສະຫະລັດ ​ໂດຍ​ເປັນ​​ຄວາມ​ຄິດ​ຂອງ​ອະດີດ​ພະນັກງານ​ຂົນ​ສົ່ງ​ສິນຄ້າ​ຊາວ​ສະຫະລັດ​ທີ່​ຫັນ​ຕົວ​ເອງ​ມາ​ເປີດ​ບໍລິສັດ​ຜູ້​ໃຊ້​ບໍລິການ​ເຊົ່າ​ກ່ອງ​ມ້ຽນ​ເຄື່ອງ ຄ່າ​ບໍລິການ 5 ​ໂດ​ລາ​ສະຫະລັດ​ຄິດ​ໄລ່​ເປັນ​ເງິນ​ລາວ​ປະມານ 40 ພັນ​ກວ່າ​ກີບ​ຕໍ່​ກ່ອງ 1 ໜ່ວຍ ​ໃຫ້​ເຊົ່າ​ໃນ​​ໄລຍະ​ເວລາ 1 ​ເດືອນ ຜູ້​ສົນ​ໃຈ​ສາມາດ​ໃຊ້​ບໍລິການ​ຕິດ​ຕໍ່​ຜ່ານ​ແອບ​ພລິ​ເຄ​ເຊິ​ນບໍລິສັດ ຊຶ່ງ​ເຈົ້າ​ໜ້າ​ທີ່​ຈະ​ນຳ​​ກ່ອງພລາສຕິກ​ສີ​ແດງ​ຂະໜາດກວ້າງ 17 ນິ້ວ ຍາວ 27 ນິ້ວ ສູງ 12 ນິ້ວ ສົ່ງ​ໃຫ້​ເຖິງ​ໜ້າ​ເຮືອນ ​ເມື່ອ​ລູກ​ຄ້າ​​ເກັບມ້ຽນ​ສິ່ງ​ຂອງ​ແລ້ວ ສາມາດ​ຮຽກ​ເຈົ້າ​ໜ້າ​ທີ່​ກັບ​ໄປ​​ເກັບ​ກ່ອງ​ມາ​ຍັງ​ສາງ​ສິນຄ້າ ​ແລະ​ສາມາດ​ໃຊ້​ແອບ​ພລິ​ເຄ​ເຊິ​ນກວດ​ສອບ​ຂໍ້​ມູນ​ໄດ້​ວ່າ ກ່ອງ​ບັນຈຸ​ສິ່ງ​ຂອງ​ເດີນທາງ​ເຖິງ​ສາງ​ສິນຄ້າ​ແລ້ວຫຼື​ຍັງ ​ແລະ​ຖ້າ​ຕ້ອງການ​ສິ່ງ​ຂອງ​ຄືນ​ຈະ​ມີ​ໜ້າ​ທີ່​ນຳ​ສິ່ງ​ຂອງ​ມາ​ຄືນ​ໃຫ້​ໃນ 24 ຊົ່ວ​ໂມງ.