Homeຂ່າວການພັດທະນາໂຮງ​ໄຟ­ຟ້າ​ຫົງ​ສາ​ເປີດ​ເດີນ​ເຄື່ອງ​ໝ່ວຍ​ຜະ­ລິດ ທີ 3 ເປັນ​ທາງ​ການ

ໂຮງ​ໄຟ­ຟ້າ​ຫົງ​ສາ​ເປີດ​ເດີນ​ເຄື່ອງ​ໝ່ວຍ​ຜະ­ລິດ ທີ 3 ເປັນ​ທາງ​ການ

Published on

 

ໂຮງ​ໄຟ­ຟ້າ​ພະ­ລັງ­ງານ​ຄວາມຮ້ອນ​ຫົງ​ສາໜ່ວຍ​ທີ 3 ເລີ່ມ​ດຳ­ເນີນການ​ຈ່າຍ​ກະ­ແສ​ໄຟ­ຟ້າ​ແລ້ວ ຕັ້ງ­ແຕ່​ວັນທີ 1 ມີ­ນາ 2016 ​ຊຶ່ງ​ສຳ­ເລັດ​ກ່ອນການ​ກຳ­ນົດ​ຕາມ​ແຜນ​ງານ​ສັນ­ຍາ​ຊື້ຂາຍ​ໄຟ­ຟ້າ​ຝ່າຍ​ຜະ­ລິດ​ແຫ່ງ​ປະ­ເທດ​ໄທ (ກຟຜ) ທີ່​ກຳ­ນົດ​ໄວ້​ວັນ​ທີ 2 ມີ­ນາ 2016.

ທ່ານ ສົມ​ສັກ ສິດ­ທິ​ນາມ​ສຸ­ວັນ ອຳນວຍ​ການ​ໃຫຍ່ ບໍ­ລິ­ສັດໄຟ­ຟ້າ​ຫົງ​ສາຈຳ­ກັດ ໄດ້​ກ່າວ​ເຖິງ​ຄວາມ​ສຳ­ເລັດ​ຄັ້ງ​ນີ້ ວ່າ: “ການ​ທີ່​ບໍ­ລິ­ສັດສາ­ມາດ​ດຳ­ເນີນ ການ​ຈ່າຍ​ໄຟ​ຈາກ​ໜ່ວຍ​ທີ 3 ໄດ້​ກ່ອນ​ກຳນົດ​ຖື​ເປັນ­ຄວາມ​ສຳ­ເລັດ​ໃນ​ການ​ບໍ​ລິ ຫານ​ໂຄງ­ການ ແລະ​ການ​ຮ່ວມ​ມື​ຢ່າງ​ດີຈາກ​ຜູ້​ກ່ຽວ­ຂ້ອງ​ທຸກ​ພາກ­ສ່ວນ​ບໍ່​ວ່າ​ຈະເປັນ​ຜູ້​ຮັບ​ເໝົາ​ກໍ່­ສ້າງ ກຟຜ, ລັດ​ວິ​ສາ​ຫະກິດ​ໄຟ­ຟ້າ​ລາວ (ລຟລ- EDL), ຜູ້​ຮັບ ເໝົາ​ເດີນ​ເຄື່ອງ ແລະ​ສ້ອມ​ບຳ­ລຸງ, ໜ່ວຍງານ​ຈາກ​ລັດ­ຖະ­ບານ​ລາວ​ທຸກ​ລະ­ດັບຕະ­ຫຼອດ​ຈົນ​ປະ­ຊາ­ຊົນ​ໃນ​ແຂວງ​ນ່ານ (ປະ­ເທດ​ໄທ) ແລະ​ປະ­ຊາ­ຊົນ​ໃນ​ທ້ອງຖິ່ນ​ເມືອງ​ຫົງ​ສາ-ເມືອງ​ເງິນ ຊຶ່ງ​ຕ້ອງຂອບ­ໃຈ​ທຸກ​ທ່ານ ແລະ​ທຸກ​ຝ່າຍ​ມາ­ນະ​ທີ່ນີ້​ດ້ວຍ”.

ໂຮງ​ໄຟ­ຟ້າ​ພະ­ລັງ­ງານ​ຄວາມ​ຮ້ອນຫົງ​ສາ​ປະ­ກອບ​ດ້ວຍ​ໜ່ວຍ​ຜະ­ລິດ​ກະແສ​ໄຟ­ຟ້າ 3 ໜ່ວຍກຳ­ລັງ​ການ​ຜະ­ລິດ ໜ່ວຍ​ລະ 626 ເມ​ກາ​ວັດ ລວມ 1.878 ເມ​ກາ​ວັດ ຊຶ່ງ​ໜ່ວຍ​ທີ 1 ແລະ 2 ໄດ້​ສຳເລັດ ແລະ​ດຳ­ເນີນ​ການ​ຈ່າຍ​ກະ­ແສ​ໄຟ­ຟ້າ ຕັ້ງ­ແຕ່​ວັນ​ທີ 2 ມິ­ຖຸ­ນາ ແລະ 2 ພະ­ຈິກ 2015 ຕາມ​ລຳ­ດັບຕາມ​ກຳ­ນົດ​ທີ່​ລະ­ບຸໄວ້​ໃນ​ສັນ­ຍາ​ສຳ​ປະ­ທານ ແລະ ສັນ­ຍາ​ຊື້-ຂາຍ​ໄຟ­ຟ້າ​ທີ່​ມີ​ກັບ ກຟຜ ແລະ ລຟລ.

ໂຮງ​ໄຟ­ຟ້າ​ຫົງ​ສາ­ມີ​ຄວາມ​ສຳ­ຄັນ​ຕໍ່ຂອງ​ລາວ ແລະ​ໄທ​ເປັນ​ຢ່າງ​ຍິ່ງ​ເພາະໃຊ້​ຖ່ານ​ຫີນ​ທີ່​ຂຸດ​ຄົ້ນ​ໄດ້​ຈາກ​ພື້ນ​ທີ່​ຂອງ​ໂຄງການ​ເປັນ​ເຊື້ອ​ໄຟ​ລາ­ຄາ​ຈຶ່ງ​ບໍ່​ປ່ຽນ­ແປງຕາມ​ລາ­ຄາ​ເຊື້ອ​ໄຟ​ໃນ​ຕະ­ຫຼາດ​ໂລກ ​ດັ່ງນັ້ນ ຈິ່ງ​ມີ​ສ່ວນ​ຊ່ວຍ​ໃນ​ການ​ຫຼຸດ​ຄວາມສ່ຽງ​ດ້ານ​ລາ­ຄາ ແລະ​ຄວາມ​ສ່ຽງ​ໃນ​ແງ່ຂອງ​ຊະ­ນິດ​ເຊື້ອ​ໄຟ​ທີ່​ໃຊ້​ຜະ­ລິດ​ກະແສ​ໄຟ­ຟ້າ​ອີກ​ດ້ວຍ, ອີກ​ຢ່າງ​ໜຶ່ງ​ບໍ­ລິ­ສັດ​ໄດ້ເລືອກ​ໃຊ້​ເຕັກ​ໂນ​ໂລ​ຊີ​ທີ່​ເໝາະ​ສົມ​ໃນການ​ກໍ່­ສ້າງ​ໂຮງ​ໄຟ­ຟ້າ, ຕິດ​ຕັ້ງ​ອຸ­ປະ­ກອນຄວບ​ຄຸມ​ມົນ​ລະ​ພິດ​ຈາກ​ແຫຼ່ງ​ກຳ­ເນີດຕາມ​ມາດ­ຕະ­ຖານ​ຂອງ​ທະ­ນາ­ຄານ​ໂລກ ແລະ​ດຳ­ເນີນ​ການ​ຕິດ­ຕາມ​ວັດ­ແທກ​ຄຸນນະ​ພາບ​ສິ່ງ­ແວ­ດລ້ອມ​ຢ່າງ​ຈິງ​ຈັງ​ພາຍໃຕ້​ການ​ຕິດ­ຕາມ​ກວດ­ກາ​ຢ່າງ​ເຂັ້ມ​ງວດຈາກ​ລັດ­ຖະ­ບານ ແຫ່ງ ສປປ ລາວ ບໍ­ລິ­ສັດໄຟ­ຟ້າຫົງ​ສາ ຈຳ­ກັດ ເປັນ​ບໍລິ​ສັດ​ຈົດ​ທະ­ບຽນ​ພາຍ​ໃຕ້​ກະ­ຊວງ​ອຸດສາ​ຫະ​ກຳ ແລະ​ການ​ຄ້າຂອງ ສປປ ລາວ ມີ​ຜູ້​ຖືກ​ຮຸ້ນ​ຄື: ລັດ​ວິ​ສາ​ຫະ​ກິດ​ຖື​ຮຸ້ນ​ລາວຖື​ຮຸ້ນ 20%, ບໍ­ລິ­ສັດ ບ້ານ​ປູ ພາວ​ເວີ ຈຳກັດ (ມະ­ຫາ­ຊົນ) ຖື​ຮຸ້ນ 40% ແລະ ບໍ​ລິສັດ ອາ​ເອດຈ໌ ອິນ​ເຕີ​ເນ​ເຊິນ​ແນວ (ສິງກະ​ໂປ) ຄໍ​ປໍ​ເລ​ເຊິນ ຈຳ­ກັດ (ບໍ­ລິ­ສັດຍ່ອຍ​ຂອງບໍ­ລິ­ສັດ​ຜະ­ລິດ​ໄຟ­ຟ້າຣາດ​ຊະບູ​ລີ ໂຮນ​ດິ້ງ ຈຳ​ກັັດ (ມະ­ຫາ­ຊົນ) ຖື​ຮຸ້ນ 40%; ໃຊ້​ເງິນ​ລົງ­ທຶນ​ໃນ​ໂຄງ­ການ​ໂຮງໄຟ­ຟ້າ​ພະ­ລັງ­ງານ​ຄວາມ​ຮ້ອນ​ຫົງ​ສາ ທັງ​ໝົດ 3.710 ລ້ານ​ໂດ​ລາ​ສະ­ຫະ­ລັດໂດຍ​ບໍ­ລິ­ສັດ​ໄດ້​ຮັບ​ສຳ​ປະ­ທານ​ຈາກ​ລັດຖະ​ບານ​ລາວ​ໃນ​ການ​ປະ­ກອບ​ກິດ​ຈະ ການ​ບໍ່​ແຮ່​ຖ່ານ​ຫີນ​ໃນ​ເມືອງ​ຫົງ​ສາປ້ອນ​ໃຫ້​ກັບ​ໂຮງ​ໄຟ­ຟ້າ ເພື່ອ​ຜະ­ລິດ​ກະ­ແສ​ໄຟ­ຟ້າ​ຈຳ­ໜ່າຍ​ໃຫ້​ກັບ ລຟລ ແລະ ກຟຜ ເປັນ​ໄລ­ຍະ​ເວ­ລາ 25 ປີ (2016-2041).

ທີ່ມາ:logo

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...