ນາງ ຮິລລາຣີ ຄລິມຕັນ ຜູ້ສະໝັກຊີງຕຳແໜ່ງປະທານາທິບໍດີສະຫະລັດຈາກພັກເດໂມແຄຣດ ແລະ ທ້າວ ໂດນັລ ທຣັມ ຜູ້ສະໝັກຈາກພັກຣີພັບບລິກັນຕ່າງມີຄະແນນນຳໃນການເລືອກຕັ້ງຂັ້ນຕົ້ນວັນອັງຄານ ຊຶ່ງມີການລົງຄະແນນສຽງພ້ອມກັນໃນ 11 ລັດຕາມຄວາມຄາດໝາຍ.
ຜົນສຳຫຼວດຊີ້ ທັງສອງມີໄຊຊະນະໃນລັດອາລະບາມາ, ຈໍເຈຍ ແລະເທັນເນັສຊີ ຂະນະທີ່ຄລິມຕັນຍັງມີຄະແນນນຳໃນລັດເວີຈີເນຍ ແລະ ອາຄັນຊໍ ສ່ວນທຣັມມີຄະແນນນຳໃນລັດແມສຊາຊູເຊດ ຂະນະທີ່ທ້າວເບີນີ ແຊນເດີ ຜູ້ສະໝັກຈາກພັກເດໂມແຄຣດໄດ້ຮັບໄຊຊະຍະໃນບ້ານເກີດທີ່ລັດເວີນອນ ຂະນະທີ່ທຣັມມີຄະແນນສູສີກັບຜູ້ສະໝັກອີກ 2 ລາຍໃນລັດເວີນອນ ແລະເວີຈີເນຍ ທັງນີ້ຄາດວ່າຜົນສະຫຼຸບຄະແນນແບບເປັນທາງການຈະຕາມມາໃນໄວໆນີ້.