spot_img
Homeຂ່າວເຫດການລັດຖະມົນຕີຕ່າງປະເທດມາເລເຊຍ ຈະເດີນທາງຢ້ຽມຢາມ ສປປ ລາວ 27-29 ກຸມພານີ້!

ລັດຖະມົນຕີຕ່າງປະເທດມາເລເຊຍ ຈະເດີນທາງຢ້ຽມຢາມ ສປປ ລາວ 27-29 ກຸມພານີ້!

Published on

ໂດຍຕອບສະໜອງຕາມຄຳເຊີນຂອງ ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ດາໂຕະ ສິຣິ ເອນິຟາ ເອມານ ລັດຖະມົນຕີວ່າການ ກະຊວງການຕ່າງປະເທດ ແຫ່ງ ມາເລເຊຍ ແລະ ຄະນະ ຈະເດີນທາງມາຢ້ຽມ ຢາມ ສປປ ລາວ ຢ່າງເປັນທາງການໃນລະຫວ່າງວັນທີ 27-29 ກຸມພາ 2016 ເພື່ອເສີມຂະຫຍາຍການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ສປປ ລາວ ແລະ ມາເລເຊຍ.

ຊີວະປະຫວັດຫຍໍ້ທ່ານ ດາໂຕະ ສິຣິ ເອນິຟາ ເອມານ ຮານິບ ເອັມມານ (DATO’ SRI ANIFAH AMAN HANIFF AMMAN) ປີ 1979 ຈົບການສຶກສາທີ່ມະຫາວິທະຍາໄລບັກກິງແຮມ ປະເທດອັງກິດ ສາຂາວິຊາປັດສະຍາ, ເສດຖະກິດ ແລະ ກົດໝາຍ; 1991 ສະມາຊິກຄະນະກຳມະການຮັບຜິດຊອບຊົ່ວຄາວ ຂອງພັກອົງການແຫ່ງຊາດມາເລ ເຂດເລືອກຕັ້ງບິວຟອດ ແຂວງຊາ; 1994 ສສ ສັງກັດ ພັກອົງການແຫ່ງຊາດມາເລ ລົງສະໝັກເຂົ້າເປັນສະມາຊິກ ແນວຮ່ວມພັກ Barisan Nasional ເຂດເລືອກຕັ້ງ 22 Klias ເມື່ອກ່ອນຮູ້ຈັກໃນນາມເຂດ 36 Klias; 1994-1995 ຫົວໜ້າການເງິນ ສັງກັດພັກອົງການແຫ່ງຊາດມາເລ ເຂດບິວຟອດ ແຂວງຊາບາ; 1994-1997 ຫົວໜ້າຄະນະກຳມະການເລືອກຕັ້ງ ເຂດເມືອງບິວຟອດ; 1999-2004 ສະມາຊິກລັດຖະສະພາ ສັງກັດ ພັກອົງການແຫ່ງຊາດມາເລ ສສ ເຂດບິວຟອດ ແຂວງຊາບາ; ມີນາ 2004-ປັດຈຸບັນ ສະມາຊິກລັດຖະສະພາ ສັງກັດພັກອົງການແຫ່ງຊາດມາເລ ສສ ເຂດຄິມານິດ ແຂວງຊາບາ; ກໍລະກົດ 2004- ປັດຈຸບັນ ຫົວໜ້າຮັບຜິດຊອບຄິມານິດ ຂອງພັກອົງການແຫ່ງຊາດມາເລ; 1999-2004 ດຳລົງຕຳແໜ່ງເປັນ ລັດຖະມົນຕີຊ່ວຍວ່າການ ກະຊວງອຸດສາຫະກຳ; 2004-2008 ດຳລົງຕຳແໜ່ງເປັນລັດຖະມົນຕີຊ່ວຍວ່າການ ກະຊວງອຸດສາຫະກຳປູກຝັງ ແລະ ສິນຄ້າ; 2009-ປັດຈຸບັນ ດຳລົງຕຳແໜ່ງເປັນລັດຖະມົນຕີວ່າການ ກະຊວງການຕ່າງປະເທດມາເລເຊຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...