spot_img
Homeຂ່າວການພັດທະນາເລີ່ມຈັດຕັ້ງປະຕິບັດ ໂຄງການຄຸ້ມຄອງປ່າໄມ້ ແບບຍືນຍົງໃນລາວ

ເລີ່ມຈັດຕັ້ງປະຕິບັດ ໂຄງການຄຸ້ມຄອງປ່າໄມ້ ແບບຍືນຍົງໃນລາວ

Published on

ວັນທີ 24 ກຸມພາຜ່ານມານີ້, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ຮ່ວມກັບ ກະຊວງກະສິກຳ ແລະ ປ່າໄມ້, ໄດ້ຈັດກອງປະຊຸມ ເພື່ອລິເລີ່ມໂຄງການສະໜັບສະໜູນ ການຄຸ້ມຄອງປ່າໄມ້ແບບຍືນຍົງ, ໂດຍໄດ້ຮັບການສະໜັບສະໜູນຈາກ ອົງການໄຈກາ ແລະ ບໍລິສັດ ໂກກູໄຊ ກັອກໂຍ (Kokusai Kogyo), ໂຄງການດັ່ງກ່າວຈະດຳເນີນໄປ 5 ປີ, ນັບແຕ່ເດືອນພະຈິກ 2015 ເປັນຕົ້ນໄປ, ໂດຍແບ່ງອອກເປັນ 2 ໄລຍະຄື:  ແຕ່ເດືອນພະຈິກ 2015 ເຖິງ ເດືອນທັນວາ 2017 ແລະ ແຕ່ເດືອນມັງກອນ 2018 ເຖິງ ເດືອນຕຸລາ 2020 ເພື່ອເພີ່ມທະວີການຄຸ້ມຄອງປ່າໄມ້ແບບຍືນຍົງ ໃຫ້ມີຄວາມເຂັ້ມແຂງ, ໂດຍນຳເອົາວຽກງານຕ່າງໆ ມາເຊື່ອມເຂົ້າໃນຍຸດທະສາດຂອງຂະແໜງການ ແລະ ປັບປຸງແຫລ່ງຂໍ້ມູນຂ່າວສານດ້ານປ່າໄມ້, ໃນໂອກາດນີ້ ພາກສ່ວນກ່ຽວຂ້ອງ ຍັງໄດ້ແນະນຳກ່ຽວກັບສະພາບລວມຂອງໂຄງການດັ່ງກ່າວ ໃຫ້ທີ່ປະຊຸມໄດ້ຮັບຮູ້ ແລະ ເຂົ້າໃຈ, ພ້ອມທັງແນະນຳ ແລະ ປຶກສາຫາລື ກ່ຽວກັບກິດຈະກຳຕ່າງໆຂອງໂຄງການ ແລະ ໄດ້ກຳນົດວຽກງານຕ່າງໆ ເພື່ອປະສານງານກັບໂຄງການອື່ນໆ. ນອກນີ້ ທີ່ປະຊຸມຍັງໄດ້ ຄາດຄະເນຜົນໄດ້ຮັບ ໃນແຕ່ລະໄລຍະຈັດຕັ້ງປະຕິບັດຜ່ານມາ ເພື່ອເຮັດໃຫ້ວຽກງານຕ່າງໆຂອງໂຄງການ ດຳເນີນໄປຢ່າງມີປະສິດທິຜົນ.

ກອງປະຊຸມດັ່ງກ່າວ ພາຍໃຕ້ການເປັນປະທານຂອງ ທ່ານຫົວໜ້າກົມຄຸ້ມຄອງຊັບພະຍາກອນປ່າໄມ້, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ມີບັນດາພາກສ່ວນຕ່າງໆເຂົ້າຮ່ວມເປັນຈຳນວນຫລາຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...