spot_img
Homeຂ່າວການພັດທະນາຈະເລິ່ມກໍ່ສ້າງ ໂຮງງານນໍ້າປະປາແສນດິນ ເມືອງນາຊາຍທອງ ດູດນ້ຳງື່ມຂຶ້ນຜະລິດ 24 ພັນແມັດກ້ອນຕໍ່ມື້!

ຈະເລິ່ມກໍ່ສ້າງ ໂຮງງານນໍ້າປະປາແສນດິນ ເມືອງນາຊາຍທອງ ດູດນ້ຳງື່ມຂຶ້ນຜະລິດ 24 ພັນແມັດກ້ອນຕໍ່ມື້!

Published on

ໃນວັນທີ 24 ກຸມພານີ້, ທ່ານ ຄໍາເຜີຍ ວົງສາຄໍາຜຸຍ ອໍານວຍການລັດວິສາຫະກິດ ນໍ້າປະປານະຄອນຫລວງ ແລະ ຄະນະ, ໄດ້ລົງໄປຕິດຕາມເບິ່ງ ການບຸກເບີກເນື້ອທີ່ດິນຫລາຍກວ່າ 3 ເຮັກຕາ, ຢູ່ເຂດບ້ານແສນດິນ ເມືອງນາຊາຍທອງ ນະຄອນຫລວງວຽງຈັນ ເຊິ່ງແມ່ນສະຖານທີ່ກໍ່ສ້າງ ໂຮງງານຜະລິດນໍ້າປະປາແຫ່ງໃໝ່ ທີ່ມີກໍາລັງການຜະລິດ ປະມານ 24 ພັນແມັດກ້ອນຕໍ່ມື້ ທີ່ດູດເອົານໍ້າງື່ມຂຶ້ນມາຜະລິດ.

ທ່ານອໍານວຍການລັດວິສາຫະກິດດັ່ງກ່າວ ໃຫ້ຮູ້ວ່າ: ໂຮງງານແຫ່ງນີ້ມີມູນຄ່າກໍ່ສ້າງປະມານ 15 ລ້ານໂດລາສະຫະລັດ, ໂດຍແມ່ນບໍລິສັດເອເຊຍລົງທຶນພັດທະນາ ແລະ ກໍ່ສ້າງເປັນຜູ້ຮັບເໝົາ ແລະ ຄາດ ວ່າຈະໃຫ້ສໍາເລັດ ໃນປີ 2017. ການລົງມາເຮັດວຽກ ຂອງຄະນະນໍາລັດວິສາຫະກິດນໍ້າປະປາພວກເຮົາເທື່ອນີ້ ກໍເພື່ອເປັນການຕິດຕາມຊຸກຍູ້ໃຫ້ຜູ້ຮັບເໝົາ ໄດ້ດໍາເນີນວຽກງານການບຸກເບີກເນື້ອທີ່ ສໍາເລັດຕາມແຜນກໍານົດໄວ້ ເພື່ອສາມາດໄດ້ລົງມືກໍ່ສ້າງ ໃນເດືອນມີນາທີ່ຈະເຖິງນີ້ ແລະ ພາຍຫລັງກໍ່ສ້າງສໍາເລັດ ຈະສາມາດສະໜອງນໍ້າ ໃຫ້ແກ່ປະຊາຊົນໃນເຂດເມືອງນາຊາຍທອງ ຊົມໃຊ້ສະດວກສະບາຍ, ໂດຍຈະເຊື່ອມຕໍ່ກັບທໍ່ນໍ້າທີ່ມີຢູ່ແລ້ວ ໃນເຂດເມືອງດັ່ງກ່າວ.

ທ່ານອໍານວຍການ ໃຫ້ຮູ້ອີກວ່າ: ປັດຈຸບັນຄວາມຕ້ອງການໃຊ້ນໍ້າປະປາ ຢູ່ນະຄອນຫລວງວຽງຈັນມີຫລາຍກວ່າ 320 ພັນແມັດກ້ອນຕໍ່ມື້, ແຕ່ສາມາດສະໜອງນໍ້າໄດ້ພຽງ 280 ພັນແມັດກ້ອນຕໍ່ມື້, ກວມປະມານ 80% ໃນທົ່ວນະຄອນຫລວງວຽງຈັນ, ແຕ່ຮັບປະກັນວ່າຮອດປີ 2020 ປະຊາຊົນຈະມີນໍ້າປະປາ ຊົມໃຊ້ຢ່າງທົ່ວເຖິງແນ່ນອນ. ສະນັ້ນ ໃນໄລຍະທີ່ສະພາບການສະໜອງນໍ້າ ຍັງບໍ່ພຽງພໍຕາມຄວາມຕ້ອງການ ຄືດັ່ງປັດຈຸບັນນີ້ ກໍຂໍຮຽກຮ້ອງເຖິງພະນັກງານ, ທະຫານ, ຕໍາຫລວດ ຕະຫລອດຮອດປະຊາຊົນບັນດາເຜົ່າ ຈົ່ງໃຊ້ນໍ້າຢ່າງປະຢັດ, ຖ້າພົບກໍລະນີທໍ່ນໍ້າແຕກ, ຮົ່ວ ກໍໃຫ້ຮີບຮ້ອນແຈ້ງຫາພາກສ່ວນກ່ຽວຂ້ອງຮັບຊາບ ເພື່ອມາສ້ອມແປງແກ້ໄຂໄດ້ທັນເວລາ ແລະ ໃນນາມທ່ານ ຄໍາເຜີຍ ວົງສາຄໍາຜຸຍ ເປັນຜູ້ແທນທີ່ລົງສະໝັກເລືອກຕັ້ງ ເປັນສະມາຊິກສະພາແຫ່ງຊາດຊຸດທີ VIII ເຂດເລືອກຕັ້ງທີ 1 ນະຄອນຫລວງວຽງຈັນ, ເພິ່ນກໍໄດ້ຮຽກຮ້ອງໃຫ້ປະຊາຊົນລາວບັນດາເຜົ່າ ຜູ້ທີ່ມີສິດປ່ອນບັດເລືອກຕັ້ງ ຈົ່ງໄດ້ອອກໄປໃຊ້ສິດຂອງຕົນ ເລືອກເອົາສະມາຊິກສະພາແຫ່ງຊາດຊຸດໃໝ່ ແລະ ສະມາຊິກສະພາປະຊາຊົນທ້ອງຖິ່ນ, ນະຄອນຫລວງ ທີ່ຈະມີຂຶ້ນພ້ອມກັນທົ່ວປະເທດ ໃນວັນທີ 20 ມີນາທີ່ຈະເຖິງນີ້ ໃຫ້ເປັນຂະບວນຟົດຟື້ນ ແລະ ບັນລຸຜົນສໍາເລັດຈົບງາມ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...