ສຳນັກຂ່າວຕ່າງປະເທດ ລາຍງານໃນວັນທີ 21 ກຸມພາຜ່ານມານີ້ວ່າ ພາຍຸໄຊໂຄນຄວາມໄວສູງສຸດເປັນປະຫວັດການ ໄດ້ພັດຖະຫລົ່ມປະເທດຟິຈິ ສ້າງຄວາມເສຍຫາຍຫລາຍບ້ານ ໃນພື້ນທີ່ຫ່າງໄກສອກຫລີກ ເບື້ອງຕົ້ນພົບຜູ້ເສຍຊີວິດແລ້ວຢ່າງໜ້ອຍ 10 ຄົນ ໂດຍກະແສລົມແຮງ ແລະ ຝົນຕົກລົງມາຢ່າງໜັກ ເຮັດໃຫ້ເຮືອນຊານ, ລະບົບໄຟຟ້າ, ນ້ຳປະປາ ແລະ ລະບົບໂທລະຄົມມະນາຄົມຕ່າງໆ ໄດ້ຮັບຄວາມເສຍຫາຍ ມີປະຊາຊົນໄດ້ຮັບຜົນກະທົບ ຫລາຍກ່ວາ 900,000 ຄົນ.
ທ່ານ ແຟຣັງ ໄບນະບາມາ ນາຍົກລັດຖະມົນຕີຟິຈິ ໄດ້ອອກມາຢືນຢັນວ່າ ຍອດຜູ້ເສຍຊີວິດຈາກໄພທຳມະຊາດຄັ້ງນີ້ ຈະເພີ່ມຂຶ້ນຢ່າງແນ່ນອນ ແລະ ປະກາດພາວະສຸກເສີນພາຍໃນປະເທດ ເປັນເວລາ 30ວັນ ພ້ອມກັບສັ່ງປິດໂຮງຮຽນ ຈົນກວ່າຈະສາມາດຟື້ນຟູລະບົບໄຟຟ້າ ແລະ ນ້ຳປະປາ ໃຫ້ກັບຄືນມາໃຊ້ໄດ້ເປັນປົກກະຕິ.