spot_img
Homeສຸຂະພາບ ແລະ ສີ່ງແວດລ້ອມກະຊວງສາທາຯເຕືອນ ລະວັງພະຍາດ ໄຂ້ຫວັດໃຫຍ່-ປອດອັກເສບ ໃນລະດູໜາວ!

ກະຊວງສາທາຯເຕືອນ ລະວັງພະຍາດ ໄຂ້ຫວັດໃຫຍ່-ປອດອັກເສບ ໃນລະດູໜາວ!

Published on

ຂປລ. ທ່ານ ສຈ.ດຣ ນາງ ດວງ​ດາວ ສຸກ​ອາ​ລຸນ ຮອງ​ຜູ້ອຳນວຍການ​ໂຮງໝໍ​ມະ​ໂຫສົດ ​ໃຫ້​ຮູ້​ວ່າ: ​ໃນ​ສະພາບ​ອາກາດ​ທີ່​ໜາວ​ເຢັນ, ພວກ​ເຮົາ​ຕ້ອງ​ໄດ້​ເອົາ​ໃຈ​ໃສ່​ຮັກສາ​ສຸຂະພາບ​ຂອງ​ຕົນ​ເອງ​ເປັນ​ພິ​ເສດ ​ໂດຍ​ການ​ປະຕິບັດ​ຫລັກການ ອະນາ​ໄມ 3 ສະອາດ, ກິນ​ອາຫານ​ໃຫ້​ຄົບ​ 5 ​ໝູ່, ສິ່ງ​ສຳຄັນ​ຕ້ອງ​ເຮັດ​ໃຫ້​ຮ່າງກາຍ​ອົບ​ອຸ່ນ ​ແລະ ຕ້ອງ​​ເອົາ​ໃຈ​ໃສ່​ປ້ອງ​ກັນ​ພະຍາດ​ທີ່​ມັກ​ເກີດ​ໃນ​ລະດູ​ໜາວ ​ເຊັ່ນ: ພະຍາດໄຂ້ຫວັດ ແລະ ໄຂ້ຫວັດໃຫຍ່ ​ເຊິ່ງມີ​ອາການສະ​ແດງ​ອອກ​​ໃນ​ເບື້ອງ​ຕົ້ນ​ແມ່ນຕັນດັງ, ນ້ຳມູກໄຫລ, ໄອ, ຈາມເຈັບຫົວແຮງ, ມີໄຂ້ສູງ, ເມື່ອຍຕາມຕົນໂຕ ​ແລະ ອາດມີອາການປຸ້ນທ້ອງ ເຊິ່ງວິ​ຮັກສາ​​ຕ້ອງນອນພັກຜ່ອນ​ໃຫ້ພຽງພໍ, ເຊັດຕົນຕົວ ແລະ ກິນຢາຫລຸດຜ່ອນໄຂ້ ​ເມື່ອ​ອາການ​ບໍ່​ດີ​ຂຶ້ນຄວນໄປພົບແພດ.

ອີກ​ພະຍາດ​ໜຶ່ງ ​ທີ່​ຕາມ​ມາຈາກ​ເປັນຫວັດ ​ແມ່ນພະຍາດອັກ​ເສບ​ປອດ ​ເຊິ່ງຈະ​ມີ​ອາການໄອ, ແໜ້ນເອິກ, ມີໄຂ້ສູງ ແລະ ຫາຍໃຈຫອບ ມັກພົບຫລັງຈາກເປັນໄຂ້ຫວັດຊ້ຳເຮື້ອ ຫລື ຮຸນແຮງ. ວິທີຮັກສາ​ແມ່ນຄວນໄປພົບ​ແພດ ​ແລະ ອີກ​ພະຍາດ​ໜຶ່ງ​ ສ່ວນ​ໃຫຍ່​ມັກ​ເກີດ​ກັບ​ເດ​ັກນ້ອຍ ​ແມ່ນພະຍາດໝາກສຸກໝາກໃສ ໂດຍ​ອາການ​ເລີ່​ມຕົ້ນ ​ແມ່ນ​ຈະ​ມີໄຂ້ຕ່ຳ, ຕໍ່ມາຈະມີຜື່ນແດງ, ຕຸ່ມນູນໃສໆ ຈາກນັ້ນ ຈະເປັນຕຸ່ມໜອງ, ສ່ວນວິທີຮັກສາ​ແມ່ນ ຕາມອາການຄົນ​ເຈັບ ສ່ວນໃຫຍ່ຈະເຊົາຈາກອາການ ດັ່ງກ່າວໃນເວລາບໍ່ດົນ. ອີກ ​ພະຍາດ​ໜຶ່ງ​ທີ່​ໜ້າ​ເປັນ​ຫ່ວງ ​ແມ່ນພະຍາດຖອກທ້ອງ ​ໂດຍ​ຈະ​ມີ​ອາການຖ່າຍເປັນນ້ຳ, ຮ່ວມກັບອາການໄຂ້ ແລະ ປວດຮາກ ​ເຊິ່ງວິທີ​ຮັກສາ​ແມ່ນ​ຕ້ອງ​ດື່ມນ້ຳຫລາຍໆ ​ໂດຍ​ສະ​ເພາະ​ແມ່ນ​ນ້ຳທີ່​ປະສົມ​ເກືອ​ແຮ່, ຖ້າອາການ​ຍັງ​ບໍ່​ດີ​ຂຶ້ນໃຫ້ໄປພົບແພດ.

ທ່ານຮອງ ​ຜູ້ອຳນວຍການ​ໂຮງໝໍ​ມະ​ໂຫສົດ ຍັງ​ໃຫ້​ຮູ້​ວ່າ: ບັນດາ​ພະຍາດທີ່ກ່າວມານັ້ນ ກຸ່ມ​ສ່ຽງ​ທີ່​ມັກ​ເກີດ​ພະຍາດ​ແມ່ນ​ເດັກນ້ອຍ ​ແລະ ຜູ້​ສູງ​ອາຍຸ ​ເນື່ອງ​ຈາກ​ພູມ​ຕ້ານທານ​ຕໍ່​ພະຍາດ​ມີ​ຕ່ຳ, ສະນັ້ນ ພວກ ​ເຮົາ​ຕ້ອງ​ໄດ້​ເອົາ​ໃຈ​ໃສ່​ເປັນ​ພິ​ເສດ ກັບ​ກຸ່ມ​ຄົນ​ດັ່ງກ່າວ ຖ້າ​ມີ​ອາການ​ຂອງ​ພະຍາດ​ໃດ​ໜຶ່ງ​ຄວນ​ເອົາ​ໃຈ​ໃສ່​ຕິດຕາມ ​ແລະ ປະຕິບັດ​ຕາມ​ຄຳ​ແນະນຳ​ດັ່ງກ່າວ ​ແຕ່​ຖ້າ​ອາກາດ​ຍັງ​ບໍ່​ດີ​ຂຶ້ນ​ຄວນ​ໄປ​ພົບ​ແພດ​ຢ່າງ​ຮີບ​ດ່ວນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...