ເຖິງແມ່ນວ່າໜັງຈີນສອງເລື່ອງຢ່າງ The Man From Macau 3 (ໂຄດຊຽນມາເກົ໋າ ຂະເຍົ່າເວກັດສ໌ 3) ແລະ The Monkey King 2 (ໄຊອິ໋ວ 2 ຕອນສຶກຣາຊາວານອນພິຊິດມານ) ຈະໂກຍເງິນຖະລົ່ມຖະລາຍໃນປະເທດຈີນໃນວັນປີໃໝ່ຈີນທີ່ຜ່ານມາກໍ່ຕາມແຕ່ສຳລັບໜັງເລື່ອງໃໝ່ຂອງຜູ້ກຳກັບ ແລະ ນັກສະແດງຊື່ດັງຢ່າງ ໂຈ ຊິງສື ເລື່ອງ The Mermaid  ນັ້ນກໍ່ເປັນໜັງອີກເລື່ອງທີ່ເຂົ້າສາຍພ້ອມກັນໃນວັນປີໃໝ່ຈີນ ແລະ ສາມາດສ້າງລາຍຮັບຢ່າງຖະລົ່ມຖະລາຍເຊັ່ນດຽວກັນ.

ຫຼັງຈາກເຂົ້າສາຍໃນໂຮງໜັງເປັນເວລາ 5 ວັນຕອນນີ້ໜັງທຳເງິນໄດ້ 187.3 ລ້ານຫຼຽນສະຫະລັດ ຈາກທຶນສ້າງ 60 ລ້ານຫຼຽນສະຫະລັດ ໂດຍຕົວໜັງເລື່ອງນີ້ ໂຈຊິງສື ໄດ້ນຳເອົາເລື່ອງລາວຄວາມເປັນແຟນຕາຊີປະສົມປະສານກັບມຸກຕະລົກ ແລະ ເລື່ອງລາວຄວາມຮັກ ນອກຈາກນີ້ຍັງພະຍາຍາມສອດແຊກເລື່ອງການອະນຸລັກທຳມະຊາດເອົາໄວ້ໃນໜັງອີກດ້ວຍ.

https://youtu.be/bKf2YodgiFI

ຂໍ້ມູນຈາກ http://movie.sanook.com/