ໃນວັນທີ 20 ກຸມພາ 2016 ນີ້…ທາງກຸ່ມຖ່າຍພາບ ຫຼັງກ້ອງ ຈະໄດ້ເລີ່ມຈັດງານວາງສະແດງພາບຖ່າຍ ແລະ ເຜີຍແຜ່ຂໍ້ມູນຜ່ານການສະແດງຕ່າງໆກ່ຽວກັບບັນຫາ “ການຄ້າມະນຸດ” ແລະ “ການແຕ່ງງານກ່ອນໄວ” ແກ່ໄວໜຸ່ມ ແລະ ປະຊາຊົນລາວ, ໃຫ້ມີຄວາມກຽມພ້ອມຮັກສາຕົນເອງ ກໍ່ຄືຄົນໃນຄອບຄົວໃຫ້ປອດໄພຈາກ ບັນຫາໄພໃກ້ໂຕເຫຼົ່ານີ້ !
ສະຖານທີ່ຈັດງານ: ສະຖາບັນຝຣັ່ງ.
ງານເລີ່ມຕັ້ງແຕ່ເວລາ: 10:00 ເຊົ້າ – 18:00ແລງ.
ການສະແດງຕ່າງໆເລີ່ມເວລາ: 14:00 ແລງເປັນຕົ້ນໄປ.
ສອບຖາມຂໍ້ມູນເພີ່ມເຕີມ: vansanaphon@yahoo.com
ໂຄງການ “10,000 ພາບຖ່າຍໃຫ້ນ້ອງ” ເປັນໂຄງການເພື່ອສົ່ງເສີມໃຫ້ເດັກນ້ອຍລາວໃນເຂດຫ່າງໄກສອກຫຼີກຢູ່ທົ່ວປະເທດລາວ ທີ່ຍັງຂາດໂອກາດເຂົ້າເຖີງໂລກພາຍນອກ ຂາດໂອກາດໄດ້ຮັບຄວາມຮູ້ ແລະ ແຮງບັນດານໃຈໃໝ່ໆຈາກສີນລະປະ ເທັກໂນໂລຍີ ວັດທະນະທຳຕ່າງໆທີ່ມີໃນລາວ ແລະ ຢູ່ທົ່ວໂລກ. ພວກເຮົາ ກຸ່ມຖ່າຍພາບຫຼັງກ້ອງຈື່ງໄດ້ຈັດໂຄງການນີ້ຂື້ນມາໂດຍມີຄວາມເຊື່ອວ່າ ພາບຖ່າຍນັ້ນສາມາດເປັນສີ່ງໜື່ງທີ່ສາມາດບັນທືກເກັບຄວາມຊົງຈຳໃນໄວເດັກທີ່ພວກເຂົາບໍ່ເຄີຍໄດ້ຮັບເປັນຂອງຕົນເອງ, ມັນຍັງສາມາດເປັນສີ່ງຢ້ຳເຕືອນໃຫ້ພວກເຂົາໄດ້ຄິດຫາປະສົບການ ແລະ ຄວາມຮູ້ທີ່ໄດ້ມາຈາກຊ່າງພາບ ຫຼັງກ້ອງ ກໍ່ຄື ສີນລະປີນອິດສະຫຼະທີ່ສົນໃຈຮ່ວມເຮັດກິດຈະກຳຕ່າງໆເຊັ່ນ ການຫຼີ້ນດົນຕີ, ການສາຍຮູບເງົາ/ສາລະຄະດີ ກາງແຈ້ງ, ການສິດສອນພາສາອັງກິດ, ສິດສອນທັກສະຕ່າງໆ ເພື່ອສົ່ງເສີມໃຫ້ເດັກນ້ອຍມີຄວາມຮູ້ເພີ່ມຂື້ນເພື່ອຫຼີກໄພຈາກບັນຫາ “ການຄ້າມະນຸດ” ແລະ “ການແຕ່ງງານກ່ອນໄວ”.