spot_img
Homeຂ່າວພາຍ​ໃນກຽມຈັດງານແຂ່ງຂັນກ໊ອຟລະດັບປະເທດ ຄັ້ງທີ 4 ປະຈໍາປີ 2016 ໃນວັນທີ 12 ມີນາ ທີ່ຈະມາເຖິງນີ້

ກຽມຈັດງານແຂ່ງຂັນກ໊ອຟລະດັບປະເທດ ຄັ້ງທີ 4 ປະຈໍາປີ 2016 ໃນວັນທີ 12 ມີນາ ທີ່ຈະມາເຖິງນີ້

Published on

ສະຫະພັນກີລາກ໊ອຟແຫ່ງຊາດລາວ ຮ່ວມກັບ ວາລະສານທາເກັດ ຈະຈັດງານແຂ່ງຂັນກີລາກ໊ອຟລະດັບປະເທດ ຄັ້ງທີ 4 ຢູ່ສະໜາມກ໊ອຟລອງວຽນ ເມືອງຫາດຊາຍຟອງ ນະຄອນຫຼວງວຽງຈັນ ໃນວັນທີ 21 ມີນາ 2016 ໂດຍໄດ້ມີພິທີຖະແຫຼງຂ່າວຂຶ້ນໃນຕອນບ່າຍວັນທີ 16 ກຸມພາ 2016 ທີ່ໂຮງແຮມລັດສະໝີພລາຊາ ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ສູນທອນ ສິຣິສັກ ປະທານສະຫະພັນກີລາກ໊ອຟແຫ່ງຊາດລາວ ທ່ານ ໄຊຍະສອນ ປັນຍາທິບ ຜູ້ອໍານວຍການວາລະສານທາເກັດ ມີບັນດາຜູ້ໃຫ້ການສະໜັບສະໜູນ ແລະ ສື່ມວນຊົນທຸກຂະແໜງການເຂົ້າຮ່ວມ.

…….ທ່ານປະທານສະຫະພັນກີລາກ໊ອຟແຫ່ງຊາດລາວ ຖະແຫຼງວ່າ ການຈັດງານແຂ່ງຂັນກີລາກ໊ອຟໃນເທື່ອນີ້ ຈັດຂຶ້ນໃນທຸກໆປີຕິດຕໍ່ກັນ ເຊິ່ງເລີ່ມແຕ່ປີ 2013 ເປັນຕົ້ນມາ ແລະ ປີນີ້ກໍເປັນປີທີ 4 ແລ້ວ ແນໃສ່ເພື່ອພັດທະນາວົງການກີລາກ໊ອຟລາວໃຫ້ເຕີບໃຫຽ່ເຂັ້ມແຂງ ທັງເປັນການພົບປະແລກປ່ຽນປະສົບການ ແລະ ຄົ້ນຫາພອນສະຫວັນ ເພື່ອຄັດເລືອກເອົາໂຕແທນນັກກີລາດີເດັ່ນ ເຂົ້າຮ່ວມແຂ່ງຂັນລາຍການໃນລະດັບພາກພື້ນ ແລະ ສາກົນ.

…….ຂະນະທີ່ທ່ານ ໄຊຍະສອນ ປັນຍາທິບ ກໍໄດ້ກ່າວວ່າ ການແຂ່ງຂັນກີລາກ໊ອຟໃນເທື່ອນີ້ ແມ່ນເປັນການເປີດກວ້າງໃຫ້ທຸກພາກສ່ວນໃນສັງຄົມເຂົ້າຮ່ວມ ໂດຍຮັບສະໝັກແຕ່ວັນທີ 16 ກຸມພາ 2016- 07 ມີນາ 2016 ມີສ່ວນຫຼຸດພິເສດສໍາຫຼັບຜູ້ທີ່ມາລົງທະບຽນ ແລະ ຊໍາລະເງິນພາຍໃນໄລຍະທີ່ກໍານົດ ຄ່າລົງທະບຽນພຽງແຕ່ 1 ລ້ານກີບຕໍ່ 1 ທ່ານ ຈາກລາຄາເດີມ  1.200.000 ກີບຕໍ່ 1 ທ່ານ (ຍົກເວັ້ນສາຍ Junior ແມ່ນບໍ່ມີສ່ວນຫຼຸດ ຄ່າລົງທະບຽນແມ່ນ 800.000 ກີບຕໍ່ 1 ທ່ານ) ສ່ວນລາງວັນກໍມີຫຼາກຫຼາຍປະເພດຄື ສາຍ Enaiienge Junior ຊະນະເລີດອັນດັບ 1 ຈະໄດ້ຮັບຂັນລາງວັນ ເງິນສົດ 2 ລ້ານກີບ ດື່ມເຄື່ອງດື່ມສະຕຣິງຟຣີ 1 ປີ ຈາກບໍລິສັດເບຍລາວ ບັດສ່ວນຫຼຸດມູນຄ່າ 16 ລ້ານກີບ ແລະ ຂອງຂວັນຈາກລາວຟອດຊີຕີ ແລະ ບັດສະມາຊິກອ່ານວາລະສານຟຣີ 5 ປີ ຈາກວາລະສານທາເກັດ ສາຍ Professional ລາງວັນຊະນະເລີດ ອັນດັບ 1 ຈະໄດ້ຮັບຂັນລາງວັນ ແລະ ເງິນສົດ 3 ລ້ານກີບ ບັດສ່ວນຫຼຸດມູນຄ່າ 16 ລ້ານກີບ ພ້ອມບັດສະມາຊິກອ່ານວາລະສານທາເກັດຟຣີ 5 ປີ ລາງວັນ ສໍາລັບຜູ້ທີ່ຕີໄກຫຼຸມ 16 ອັນດັບທີ 1 ປະກອບມີ ບັດສ່ວນຫຼຸດ ມູນຄ່າ 16 ລ້ານກີບ ພ້ອມຂອງຂວັນຈາກຜູ້ສະໜັບສະໜູນ ລາງວັນສໍາລັບຜູ້ຕີໃກ້ຫຼຸມ 3 ອັນດັບທີ 1 ປະກອບມີ ເງິນສົດ 5 ລ້ານກີບ ບັດສ່ວນຫຼຸດມູນຄ່າ 16 ລ້ານກີບ ພ້ອມຂອງຂວັນຈາກຜູ້ສະໜັບສະໜູນ ລາງວັນ Hole In One ຫຼຸມພາ 3 (ຫຼຸມທີ 5.7.12.17) ຈະໄດ້ຮັບເງິນສົດ 5 ລ້ານກີບ ບັດສ່ວນຫຼຸດມູນຄ່າ 16 ລ້ານກີບ ແລະ ຂອງຂວັນຈາກຜູ້ສະໜັບສະໜູນ ນອກນີ້ ຍັງມີລາງວັນອື່ນໆອີກຢ່າງຫຼວງຫຼາຍ.

ຂໍ້ມູນຈາກ http://www.vtetoday.la/

ບົດຄວາມຫຼ້າສຸດ

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...

ປະຫວັດ ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ

ທ່ານ ສຸຣິຍະ ຈຶງຮຸ່ງເຮືອງກິດ ຮັກສາການນາຍົກລັດຖະມົນຕີ ແຫ່ງຣາຊະອານາຈັກໄທ ສຳນັກຂ່າວຕ່າງປະເທດລາຍງານໃນວັນທີ 1 ກໍລະກົດ 2025, ພາຍຫຼັງສານລັດຖະທຳມະນູນຮັບຄຳຮ້ອງ ສະມາຊິກວຸດທິສະພາ ປະເມີນສະຖານະພາບ ທ່ານ ນາງ ແພທອງທານ...

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...