spot_img
Homeຂ່າວພາຍ​ໃນລາ​ຄາ​ສິນຄ້າ​ຢູ່​ຕະຫຼາດ​ຕ່າງໆ ​ໃນ​ນະຄອນ​ຫຼວງ​ວຽງ​ຈັນ ​ເລີ່​ມປັບ​ລົງ​ສູ່​ສະພາບ​ປົກກະຕິ!

ລາ​ຄາ​ສິນຄ້າ​ຢູ່​ຕະຫຼາດ​ຕ່າງໆ ​ໃນ​ນະຄອນ​ຫຼວງ​ວຽງ​ຈັນ ​ເລີ່​ມປັບ​ລົງ​ສູ່​ສະພາບ​ປົກກະຕິ!

Published on

ດັ່ງທີ່ເຫັນ​ນຳ​ກັນ​ແລ້ວ​ວ່າ​ ໃນລະ​ຫວ່າງ 4-5 ວັນ​ຜ່ານ​ມາ​, ຊຶ່ງ​​ເປັນ​ໄລຍະ​ຂອງ​ການ ສະ​ເຫລີ​ມສະຫລອງ​ເທສະການ​ປີ​ໃໝ່ຂອງ​ຊາວ​ຫວຽດນາມ ​ແລະ ຊາວ​ຈີນ ​​ແລະ ຄື​ດັ່ງ​ທຸກໆ​ປີ​ ພໍ​ຮອດ​​ເທສະການ​ດັ່ງກ່າວ ​ລາຄາ​ສິນຄ້າ​ຢູ່​ຕາມ​ຕະຫຼາດ​ ຕ່າງໆ​ ໃນ​ນະຄອນ​ຫຼວງ​ວຽງ​ຈັນ ກໍ​ຄື​ທົ່ວປະ​​ເທດ ​ໄດ້​ມີ​ການ​​ເໜັງ​ຕີງ​ຂຶ້ນ​ເລັກໜ້ອຍ​ ຕາມ​ກົນ​ໄກ​ຕະຫຼາດ​ ​​ແລະ ຈາກ​ການ​ລົງ​ຕິດຕາມ​ສະພາບ​ລາ​ຄາ​ສິນຄ້າ​ ຢູ່​ຕະຫຼາດ​ໃຫຍ່​ຫລາຍ​ແຫ່ງ ໃນ​ນະຄອນຫຼວງຂອງ​ນັກ​ຂ່າວ​ພວກ​ເຮົາ​ ໃນ​ວັນ​ທີ 10 ກຸມພາ​ນີ້, ​ເຫັນ​ວ່າ​​ສິນຄ້າຫລາຍ​ປະ​ເພດ ​ໄດ້ມີ​ການ​ປັບລາຄາ​ລົງ ​ສູ່​ສະພາບ​ປົກກະຕິ​ແລ້ວເຊັ່ນ: ຕະຫຼາດ​ຂົວ​ດິນ, ຕະຫຼາດ​​ໂພນສະຫວ່າງ ,ຕະຫຼາດ​ສະພານ​ທອງ ​ແລະ ຕະຫຼາດ​ອື່ນໆ ຊິ້ນ​ງົວ​ໄລຍະເທສະ​ການ​ດັ່ງກ່າວ ​ລາຄາຈະ​ຢູ່​ທີ່ 75-80 ພັນ​ກີບຕໍ່ກິ​ໂລ, ປັດຈຸ​ບັນ​ແມ່ນ 70-75 ພັນ​ກີບຕໍ່ກິ​ໂລ, ຊີ້ນ​ໝູ​ໄລຍະ​​ເທສະ​ການ 40-45 ພັນ​ກີບຕໍ່ກິ​ໂລ, ປັດຈຸ​ບັນ​ເຫລືອ​ພຽງ 30-40 ພັນກີບຕໍ່ກິ​ໂລ, ​ເປັດ​ໄກ່​ໄລຍະ​ເທສະ​ການ 50-55 ພັນ​ກີບຕໍ່ກິ​ໂລ, ປັດຈຸບັນ 45-50 ພັນ​ກີບ​ຕໍ່ກິ​ໂລ, ປາ​ກະຊັງ​ໄລຍະ​​ເທສະ​ການ 20 – 25 ພັນ​ກີບຕໍ່ກິ​ໂລ, ປັດຈຸບັນຫລຸດ​ລົງ​ເຫລືອ​ພຽງ 18- 20 ພັນ​ກີບ​ຕໍ່ກິ​ໂລ, ສ່ວນພືດ​ຜັກ​ຕ່າງໆ​​ເຊັ່ນ: ຫອມ​ບົວ, ຫອມປ້ອມ, ຜັກ​ສະຫຼັດ, ໜາກນາວ, ໝາກ​​ເຜັດ, ໝາກເລັ່ນ ​​ແລະ ຜັກ​ອື່ນ​ ທີ່​ມີ​ການ​ປັບ​ຂື້ນ​ລາຄາ​ໄລຍະ​ປີ​ໃໝ່ ​ກໍ​ເຫັນ​ວ່າລາຄາ​​ເລີ່​ມປັບ​ລົງ​ ຢູ່​ໃນເກນ​ປົກກະຕິແລ້ວ,​ເຖິງ​ຢ່າງ​ໃດ​ກໍ​ຕາມ​ ຜູ້​ບໍລິ​ໂພ​ກບາງ​ສ່ວນ ​ໄດ້​ໃຫ້​ຂໍ້​ຄິດ​ເຫັນ​ວ່າ: ການ​ປັບ​ຂື້ນ​ລາ​ຄາ​ສິນຄ້າ​ຄື​ດັ່ງກ່າວ ​ເປັນ​ການ​ສວຍ​ໂອກາດ​ຂອງ​ຊາວ​ຄ້າ​ຂາຍ​ເອງ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...