spot_img
Homeຂ່າວທ້ອງຖິ່ນສະຫວັນນະເຂດ ສົ່ງເຂົ້າສານໄປຈີນຄັ້ງທີ 2

ສະຫວັນນະເຂດ ສົ່ງເຂົ້າສານໄປຈີນຄັ້ງທີ 2

Published on

   ນັບ​ເປັນ​ຄັ້ງ​ທີ 2 ທີ່​ສະ­ຫວັນ​ນະເຂດ​ໄດ້​ສົ່ງ​ອອກ​ເຂົ້າ­ສານ​ທີ່​ຜະ­ລິດ​ໃນແຂວງ​ຂອງ​ຕົນ​ໄປ ສປ ຈີນ, ຊຶ່ງ​ການສົ່ງ​ອອກ​ເຂົ້າ­ສານ​ໃນ​ຄັ້ງ​ນີ້​ມີ​ຈຳ­ນວນ 500 ໂຕນ.

   ພິ­ທີ​ຈັດ​ສົ່ງ​ເຂົ້າ­ສານ​ຈຳ­ນວນ​ດັ່ງ­ກ່າວໄດ້​ຈັດ​ຂຶ້ນ​ທີ່​ຂົວ​ມິດ­ຕະ­ພາບ 2 ສະ­ຫວັນ ນະ​ເຂດ-ມຸກ­ດາ​ຫານ ໃນ​ວັນ​ທີ 5 ກຸມ­ພາ 2016. ໃຫ້​ກຽດ​ຮ່ວມ​ໃນ​ພິ­ທີ​ສົ່ງ​ມີ ທ່ານ ດຣ. ບຸນ​ຂວາງ ຄຳ​ບຸນ​ເຮືອງ ລັດ​ຖະ​ມົນ ຕີ​ຊ່ວຍ​ວ່າ­ການ​ກະ­ຊວງ​ກະ­ສິ­ກຳ-ປ່າ­ໄມ້, ທ່ານ ຄຳ​ລຸຍ ຍາດ­ຕິ​ວົງ ຫົວ­ໜ້າ​ພະ​ແນກ ກະ­ສິ­ກຳ-ປ່າ­ໄມ້ ແຂວງ​ສະ­ຫວັນ​ນະ​ເຂດ ພ້ອມ​ດ້ວຍ​ພາກ­ສ່ວນ​ທີ່​ກ່ຽວ­ຂ້ອງ​ເຂົ້າ​ຮ່ວມ.

ການ​ສົ່ງ​ອອກ​ເຂົ້າ­ສານ​ໄປ​ທີ່​ປະ­ເທດ ສປ ຈີນ ໃນ​ຄັ້ງ​ນີ້​ກໍ່​ແມ່ນ​ເປັນ​ໄປ​ຕາມ ບົດ​ບັນ­ທຶກ​ລະ­ຫວ່າງ​ພະ​ແນກ​ກະ­ສິ­ກຳ-ປ່າ­ໄມ້​ແຂວງ​ສະ­ຫວັນ​ນະ​ເຂດ ແລະ ອົງ­ການ​ສະ­ບຽງ​ອາ­ຫານ​ຂອງ​ແຂວງ ຫູ​ນານ ສປ ຈີນ ທີ່​ໄດ້​ເຊັນ​ກັນ​ໃນ​ວັນ​ທີ 26 ທັນ­ວາ 2014 ໂດຍ​ແມ່ນ​ບໍ­ລິ­ສັດ ຊວນ​ເຢ (ລາວ) ຈຳ­ກັດ ເປັນ​ຕົວ​ແທນ ໃຫ້​ແກ່​ແຂວງ​ຫູ​ນານ ເປັນ​ຜູ້​ຈັດ​ຕັ້ງ​ປະ­ຕິ­ບັດ​ການ​ຜະ­ລິດ​ເຂົ້າ​ເປັນ​ສິນ­ຄ້າ​ເພື່ອ ສົ່ງ​ອອກ​ໄປ ສປ ຈີນ ແລະ​ກໍ່​ໄດ້​ດຳ­ເນີນ ການ­ເຄື່ອນ­ໄຫວ​ຈັດ​ຕັ້ງ​ປະ­ຕິ­ບັດ​ຢ່າງ ຈິງ​ຈັງ ນອກ​ນັ້ນ​ທັງ​ສາມ​ຝ່າຍ​ຄື: ກົມ ປູກ­ຝັງ​ຂອງ ສປປ ລາວ, ອົງ­ການ​ສະ ບຽງ​ອາ­ຫານ​ແຂວງ​ຫູ​ນານ ແລະ​ພະ ແນກ​ກະ­ສິ­ກຳ-ປ່າ­ໄມ້​ແຂວງ​ສະ­ຫວັນ​ນະ ເຂດ​ໄດ້​ເຊັນ​ບົດ​ບັນ­ທຶກ​ກ່ຽວ​ກັບ​ແຜນ ການ​ສຳ​ຫຼວດ ແລະ​ສ້າງ​ເຂດ​ພັດ­ທະ­ນາ ກະ­ສິ­ກຳ​ທັນ​ສະ­ໄໝ

ແນ­ໃສ່​ສ້າງ​ແຂວງ​ສະ­ຫວັນ​ນະ​ເຂດ​ເປັນ ບ່ອນ​ທົດ​ລອງ​ແນວ​ພັນ​ໃໝ່, ຝຶກ​ອົບ­ຮົມ ສ້າງ​ບຸກ​ຄະ­ລາ​ກອນ​ດ້ານ​ເຂົ້າ, ສາ­ທິດ ອຸ­ປະ­ກອນ​ກົນ​ຈັກ​ທັນ​ສະ­ໄໝ, ສ້າງ​ລານ ຕາກ, ເຄື່ອງ​ອົບ​ເມັດ, ເຄື່ອງ​ຄັດ​ເມັດ, ສ້າງ​ໂຮງ­ງານ​ປຸງ​ແຕ່ງ, ຫຸ້ມ​ຫໍ່, ສ້າງ ສາງ​ເກັບ​ຮັກ­ສາ ແລະ​ອື່ນໆ ສຳ­ລັບ​ການ ຈັດ​ຕັ້ງ​ປະ­ຕິ­ບັດ​ໃນ​ຮູບ​ແບບ 2+3 ຢູ່ ເມືອງ​ຈຳ​ພອນ ແມ່ນ​ມີ​ເນື້ອ­ທີ່ 2 ພັນ ເຮັກ­ຕາ ໃນ​ປີ 2015 ຜ່ານ​ມາ. ຍ້ອນ ເຫັນ​ໄດ້​ຄວາມ​ສຳ­ຄັນ​ຂອງ​ການ​ຮ່ວມ ມື​ດັ່ງ­ກ່າວ​ລັດ­ຖະ­ບານ ສປ ຈີນ ຈິ່ງ​ຕົກລົງ​ອະ­ນຸ­ມັດ​ໂກ​ຕາ​ນຳ​ເຂົ້າ​ເຂົ້າ­ສານ​ຈຳ ນວນ 8 ພັນ​ໂຕນ ໃຫ້​ແກ່​ບໍ­ລິ­ສັດ​ຊວນ ເຢ (ລາວ) ໃນ​ສົກ​ປີ 2015-2016 ເພື່ອ​ບັນ­ລຸ​ເປົ້າ​ໝາຍ​ທາງ​ບໍ­ລິ­ສັດ​ໄດ້​ສະ ໜອງ​ແນວ​ພັນ​ເຂົ້າ ແລະ​ຝຸ່ນ​ໃຫ້​ຊາວ​ກະ ສິ​ກອນ​ທີ່​ເປັນ​ເຄືອ​ຂ່າຍ​ໃນ​ເຂດ​ພື້ນ​ທີ່ ໂຄງ­ການ ສ່ວນ​ລາ­ຄາ​ເກັບ​ຊື້​ເຂົ້າ​ຈາກ ຊາວ​ກະ­ສິ­ກອນ​ແມ່ນ​ໃນ​ລາ­ຄາ 2.700 ກີບ​ຕໍ່​ກິ​ໂລ, ສະ­ນັ້ນ ໂຄງ­ການ​ຜະ­ລິດ​ເຂົ້າ ເປັນ​ສິນ­ຄ້າ​ເພື່ອ​ສົ່ງ​ອອກ​ໄປ ສປ ຈີນ ຈຳ­ນວນ 8 ພັນ​ໂຕນ ທີ່​ລັດ­ຖະ­ບານ ສປ ຈີນ ມອບ​ໃຫ້ ສປປ ລາວ ໃນ​ປີ 2015, ທາງ​ແຂວງ​ມີ​ຄວາມ​ພ້ອມ​ໃນ​ການ​ວາງ ແຜນ​ເກັບ​ຊື້​ເຂົ້າ​ຈາກ​ແຫຼ່ງ​ປຸງ​ແຕ່ງ ແລະ ສົ່ງ​ອອກ​ຈາກ​ແຫຼ່ງ​ຕ່າງໆ​ຄື: ພື້ນ​ທີ່​ຊຸກ­ຍູ້ ການ​ຜະ­ລິດ 2+3 ຂອງ​ເມືອງ​ຈຳ​ພອນ ຈຳ­ນວນ 3 ຈຸດ​ເຊັ່ນ: ຍອດ​ບັກ,ໂພນ ທອງ-ໂພນ​ມ່ວງ ແລະ​ຫ້ວຍ​ທວດ. ສ່ວນ​ພື້ນ​ທີ່​ທົ່ວ​ໄປ​ຂອງ​ແຂວງ​ສະ­ຫວັນ​ນະ​ເຂດ​ເຊັ່ນ: ເມືອງ​ສອງ​ຄອນ, ເມືອງ​ໄຊ​ພູ​ທອງ, ເມືອງ​ໄຊ ບູ​ລີ, ເມືອງ​ໄກ­ສອນ ພົມ­ວິ­ຫານ, ເມືອງ​ອຸ­ທຸມ­ພອນ ແລະ​ເມືອງ​ອື່ນໆ ຄາດ ວ່າ​ຈະ​ບັນ­ລຸ​ໄດ້ 6 ພັນ​ໂຕນ.

ທີ່ມາ:logo

ບົດຄວາມຫຼ້າສຸດ

ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ

ລາວ-ກໍາປູເຈຍ ລົງນາມສືບຕໍ່ຮ່ວມມືດ້ານການປັກຫຼັກໝາຍຊາຍແດນ ວັນທີ 26 ກໍລະກົດ2025 ລາວ-ກຳປູເຈຍ ຈັດກອງປະຊຸມຄະນະກຳມະການຊາຍແດນຮ່ວມ ຄັ້ງທີ 8 ທີ່ນະຄອນຫຼວງພະນົມເປັນ, ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍພະນະທ່ານທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ, ປະທານຄະນະກໍາມະການຊາຍແດນຮ່ວມລາວ-ກໍາປູເຈຍແລະຄະນະຜູ້ແທນຝ່າຍກໍາປູເຈຍນໍາໂດຍພະນະທ່ານລາມເຈຍ,...

ເຫດການຄາຕະກຳ! ເຂີຍໂຫດບໍ່ພໍໃຈເມຍແຊຣໂພສລົງເຟສບຸກ ໃຊ້ອາວຸດປືນຍິງຄອບຄົວ ພ້ອມຈົບຊີວິດຕົນເອງ ລວມທົງໝົດ 5 ສົບ

ເຂີຍໂຫດບໍ່ພໍໃຈເມຍ ທີ່ແຊຣລົງເຟສບຸກ ຈຶ່ງກໍ່ເຫດຄາຕະກຳ ແລ້ວຈົບຊີວິດຕົນເອງຕາມ ປກສ ແຂວງຊຽງຂວາງ ລາຍງານວ່າ: ວັນທີ 15 ກໍລະກົດ 2025 ຜ່ານມານີ້, ເຈົ້າໜ້າທີ່ກອງບັນຊາການ ປ້ອງກັບຄວາມສະຫງົບ ແຂວງຊຽງຂວາງໄດ້ຮັບລາຍງານ...

ເດັກນ້ອຍອາຍຸ 11 ປີ ຊາວບຣາຊິນ ມີແຂ້ວ 81 ເຫຼັ້ມ

ແພດສຸດອຶ້ງ! ເດັກນ້ອຍຜູ້ຍິງອາຍຸ 11 ປີ ຊາວບຣາຊິນ ໄປຖອນແຂ້ວຢູ່ຄລີນິກ ແຕ່ຜົນສະແກນພົບວ່າມີແຂ້ວຫຼາຍເຖິງ 81 ເຫຼັ້ມ. ສຳນັກຂ່າວຕ່າງປະເທດລາຍງານໃນວັນທີ 16 ກໍລະກົດ 2025 ຜ່ານມາ, ກ່ຽວກັບເລື່ອງລາວສຸດອຶ້ງເມື່ອມີເດັກນ້ອຍຜູ້ຍິງຊາວບຣາຊິນ...

ນາຍົກລັດຖະມົນຕີ ຕ້ອນຮັບທິມນັກກິລາ ສະໂມສອນບານເຕະ WIG Naga

ນາຍົກລັດຖະມົນຕີ ຕ້ອນຮັບ ການເຂົ້າຢ້ຽມຂໍ່ານັບຄູຝຶກ ແລະ ນັກກິລາ ຈາກສະໂມສອນ WIG Naga ທີ່ຄວ້າແຊັມບານເຕະ ລາຍການ IBER Cup 2025 ຮຸ່ນອາຍຸບໍ່ເກີນ...