ເພື່ອເປັນການສືບຕໍ່ຢອດວັກແຊັງກັນພະຍາດໂປລິໂອ ໃຫ້ແກ່ປະຊາຊົນດາບັນດາເຜົ່າ ໃຫ້ບັນລຸຕາມຄາດໝາຍແຜນການທີ່ລັດຖະບານ ກໍຄືກະຊວງສາທາລະນະສຸກ ໄດ້ກຳນົດໄວ້ດັ່ງນັ້ນກົມອະນາໄມ ແລະ ສົ່ງເສີມສຸຂະພາບ, ກະຊວງສາທາລະນະສຸກ ຈຶ່ງໄດ້ອອກແຈ້ງການສະບັບເລກທີ 0087/ກອສຜ, ລົງວັນທີ 4 ກຸມພາ 2016 ເຖິງບັນດາພະແນກສາທາລະນະສຸກໃນທົ່ວປະເທດ ແລະ ນະຄອນຫຼວງວຽງຈັນ ໃຫ້ເອົາໃຈໃສ່ບໍລິການຢອດວັກແຊັງ ກັນພະຍາດໂປລິໂອ ໃຫ້ແກ່ປະຊາຊົນບັນດາເຜົ່າ,ຜູ້ທີ່ມີແຜນເດີນທາງໄປຕ່າງປະເທດ ແລະ ຊາວຕ່າງປະເທດທີ່ດຳລົງຊີວິດຢູ່ລາວ ໃນຂອບເຂດທົ່ວປະເທດດັ່ງນີ້: (1) ໃຫ້ໂຮງໝໍໃຫຍ່ 4 ແຫ່ງໃນນະຄອນຫຼວງວຽງຈັນຄື: ໂຮງໝໍມະໂຫສົດ, ໂຮງໝໍມິດຕະ ພາບ 150 ຕຽງ, ໂຮງໝໍແມ່ ແລະ ເດັກ ແລະ ໂຮງໝໍເສດຖາທິລາດ, ໃຫ້ວັກແຊັງກັນພະຍາດໂປລິໂອ ແກ່ປະຊາຊົນລາວບັນດາເຜົ່າ ແລະ ຜູ້ທີ່ຈະເດີນທາງໄປຕ່າງປະເທດກ່ອນ 1 ເດືອນ,ພ້ອມນັ້ນໃຫ້ຢອດວັກແຊັງກັນພະຍາດໂປລິໂອ ໃຫ້ແກ່ຊາວຕ່າງປະເທດ ທີ່ອາໃສ່ຢູ່ລາວ, ລວມທັງທູດຕານຸທູດ ທີ່ຈະອາໃສ່ຢູ່ລາວເປັນເວລາໜຶ່ງເດືອນໄປ ແລະ ທຸກຄັ້ງທີ່ຢອດຢາ ໃຫ້ອອກໃບຢືນຢັນການຢອດຢາໃຫ້ພ້ອມ, (2) ໃຫ້ບັນດາໂຮງໝໍແຂວງ, ໂຮງໝໍເມືອງ, ສຸກສາລາໃນຂອບເຂດທົ່ວປະເທດ ແລະ ນະຄອນຫຼວງວຽງຈັນ ໃຫ້ວັກແຊັງກັນພະຍາດໂປລິໂອ ແກ່ປະຊາຊົນລາວບັນດາເຜົ່າ, ຜູ້ທີ່ຈະເດີນທາງໄປຕ່າງປະເທດໜຶ່ງເດືອນ ກ່ອນການເດີນທາງ, ແລະ ໃຫ້ວັກຊິກແກ່ຊາວຕ່າງປະເທດ ທີ່ອາໃສ່ຢູ່ໃນເຂດແຂວງຂອງຕົນ ເປັນເວລາໜຶ່ງເດືອນຂື້ນໄປ, ຖ້າເຂົາເຈົ້າມີຄວາມຕ້ອງການພ້ອມທັງອອກໃບຢືນຢັນ, ດັ່ງນັ້ນ, ຈຶ່ງອອກແຈ້ງການດັ່ງກ່າວ ເພື່ອພ້ອມກັນຈັດຕັ້ງປະຕິບັດໃຫ້ມີປະສິດທິຜົນສູງ.
ແຫລ່ງຂ່າວ:
