ວັນທີ 3 ກຸມພານີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງຄຳມ່ວນ ໄດ້ຮັບແຫຼ່ງຂ່າວຈາກພົນລະເມືອງດີວ່າ ຈະມີກຸ່ມຄົນບໍ່ດີຈຳນວນໜຶ່ງເຄື່ອນໄຫວລັກລອບຂົນສົ່ງຊື້-ຂາຍຢາເສບຕິດ (ປະເພດຢາບ້າ) ຢູ່ຂອບເຂດບ້ານທ່າເດື່ອ ແລະ ບ້ານທ່າງາມ ເມືອງທ່າ ແຂກດັ່ງນັ້ນທາງເຈົ້າໜ້າທີ່ຈຶ່ງໄດ້ນຳກຳລັງພະນັກງານວິຊາສະເພາະລົງກວດ ກາຕິດຕາມເປົ້າໝາຍສະຖານທີ່ດັ່ງກ່າວເຫັນວ່າມີມູນຄວາມຈິງຈາກນັ້ນຈຶ່ງໄດ້ວາງແຜນຈັດກຳລັງເພື່ອດຳເນີນການສະກັດກັ້ນຢ່າງຮີບດ່ວນ.
ພໍມາຮອດເວລາ 14: 30 ໂມງຂອງວັນດຽວກັນໃນຂະນະທີ່ເປົ້າໝາຍ ກຳລັງຊື້-ຂາຍຢາເສບຕິດກັນຢູ່ນັ້ນຈຶ່ງ ໄດ້ຖືກເຈົ້າໜ້າທີ່ເຂົ້າຈັບກຸມໄດ້ຜູ້ຕ້ອງຫາ 1 ຄົນຄື : ທ້າວ ພອນໄຊ ວົງສີນນະສອນ ( ໂຕ້ ) ອາຍຸ 28 ປີ ຢູ່ບ້ານຜັກເພື້ອ ເມືອງໄຊບູລີ ແຂວງສະຫວັນນະເຂດ ພ້ອມຂອງກາງຢາບ້າ 5.971 ເມັດ 573,23 ກິໂລກຣາມມາດຳເນີນຄະດີ.
ປະຈຸບັນຄະດີລາຍນີ້ທາງເຈົ້າໜ້າທີ່ ພະແນກຕຳຫຼວດສະກັດກັ້ນ ແລະຕ້ານຢາເສບຕິດແຂວງຄຳມ່ວນພວມດຳເນີນການສືບສວນ-ສອບສວນເພື່ອຂະຫຍາຍ ຜົນຫາກຸ່ມແກ້ງທີ່ຮ່ວມຂະບວນການເພື່ອມາດຳເນີນຄະດີຕາມລະບຽບກົດໝາຍ.
ທີ່ມາ: