spot_img
Homeຂ່າວເຫດການມອບ-ຮັບໜ້າທີ່ ເລຂາຄະນະບໍລິຫານງານ ສູນກາງ ຊປປລ

ມອບ-ຮັບໜ້າທີ່ ເລຂາຄະນະບໍລິຫານງານ ສູນກາງ ຊປປລ

Published on

ສູນ​ກາງ​ຊາວ​ໜຸ່ມ​ປະຊາຊົນປະຕິວັດ​ລາວ (​ຊປປລ) ໄດ້​ຈັດພິທີມອບ-ຮັບໜ້າທີ່​ລະຫວ່າງສະຫາຍ ​ດຣ. ວິໄລ​ວົງ ບຸດ​ດາ​ຄຳ ເລຂາ​ຄະນະ​ບໍລິຫານ​ງານ​ສູນກາງ ​ຊປປລ ສະໄໝ​ທີ VI (ຜູ້​ເກົ່າ) ແລະ ສະຫາຍ ​ດຣ. ສອນ​ທະນູ ທຳ​ມະ​ວົງ ເລຂາ​ຄະນະ​ບໍລິຫານ​ງານສູນ​ກາງ ​ຊປປລ ສະໄໝ​ທີ VII (ຜູ້​ໃໝ່) ຂຶ້ນ​ໃນ​ວັນ​ທີ 1 ກຸມພາ 2016 ຜ່ານ​ມາ ​ທີ່​ສູນກາງ​ຊາວ​ໜຸ່ມ ​ປປ ລາວ ໂດຍການ​ເຂົ້າ​ຮ່ວມ​ເປັນ​ສັກຂີ​ພິຍານຂອງ​ສະຫາຍ ຈັນ​ສີ ໂພ​ສີຄຳ ກຳມະການ​ກົມ​ການເມືອງ​ສູນກາງ​ພັກ ຄະນະ​ເລຂາທິການ​ສູນກາງ​ພັກ ຫົວໜ້າ​ຄະນະ​ຈັດ​ຕັ້ງ​ສູນກາງ​ພັກ ມີ​ບັນດາ​ຄະນະ​ພັກ​ຄະນະ​ນຳ​ສູນ​ກາງ​ຊາວ​ໜຸ່ມ ​ຊປປລ ເຂົ້າ​ຮ່ວມ.

ທ່ານ ທອງ​ວັນ ທຳ​ມະ​ວົງ ຮອງ​ຫົວໜ້າ​ກົມ​ຄຸ້ມ​ຄອງ​ພະນັກງານ​ຄະນະ​ຈັດ​ຕັ້ງ​ສູນ​ກາງ​ພັກ ກ່າວ​ວ່າ: ອີງ​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ໃນ​ໄລຍະ​ໃໝ່ ອີງໃສ່​ຄຳ​ສັ່ງ​ແນະນຳຂອງ​ກົມ​ການເມືອງ​ສູນ​ກາງ​ພັກ ເລກ​ທີ 28/​ກມສພ ລົງ​ວັນ​ທີ 16/12/2015 ວ່າ​ດ້ວຍ​ການຍົກຍ້າຍ​ພະນັກງານ​ການ​ນຳ​ຂັ້ນສູງ ​ໄປ​ຮັບ​ໜ້າທີ່​ໃໝ່ ​ອີງ​ຕາມ​ການຕົກລົງ​ເຫັນ​ດີ​ກອງ​ປະຊຸມ​ຮ່ວມຂອງ​ກົມ​ການເມືອງ​ສູນ​ກາງ​ພັກ ກັບ​ຄະນະ​ເລຂາທິການ​ສູນ​ກາງພັກ ຄັ້ງ​ວັນ​ທີ 27 ພະຈິກ 2015 ກົມ​ການເມືອງ​ສູນ​ກາງ​ພັກ ຍົກຍ້າຍສະຫາຍ ​ດຣ. ວິໄລ​ວົງ ບຸດ​ດາ​ຄຳ ເລຂາ​ຄະນະ​ພັກ ເລຂາ​ຄະນະ​ບໍລິຫານ​ງານ​ສູນ​ກາງ ​ຊປປລ ໄປ​ຮັບ​ໜ້າທີ່​ໃໝ່​ຢູ່​ສະພາແຫ່ງ​ຊາດ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...