ພະແນກແຜນການ-ການລົງທຶນແຂວງບໍລິຄຳໄຊ ລົງນາມເຊັນສັນຍາອະນຸຍາດສຶກສາຄວາມເປັນໄປໄດ້ໂຄງການພັດທະນາກໍ່ສ້າງເຂດບໍລິການອ່າງຫ້ວຍສຽດ ເມືອງປາກຊັນແກ່ກຸ່ມບໍລິສັດ ຈົງ ກັງ ເຫີສຽງ (ລາວ) ການລົງທຶນຈຳກັດ ແລະກຸ່ມບໍລິສັດລັດວິສາຫະກິດພັດທະນາຊົນນະບົດໃໝ່.
ພິທີລົງນາມດັ່ງກ່າວຈັດຂຶ້ນວັນທີ 28 ມັງກອນຜ່ານມານີ້ແຂວງບໍລິຄຳໄຊ, ຕາງໜ້າໃຫ້ແຂວງ ບໍລິຄຳໄຊ ເຊັນໂດຍ ທ່ານ ພອນພິລາດ ສິດສາທອນ ຫົວໜ້າ ພະແນກແຜນການ-ການລົງທຶນແຂວງ, ຕາງໜ້າໃຫ້ ບໍລິສັດ ເຊັນໂດຍ ທ່ານ ສູເຫວີ້ຍມີນ ປະທານ ບໍລິ ສັດ ຈົງກັງເຫີສຽງ (ລາວ) ການລົງທຶນຈຳກັດ ແລະ ທ່ານ ສຸພາມິດ ບູນລາ ກຸ່ມ ບໍລິສັດລັດວິສາຫະກິດພັດທະນາຊົນນະບົດໃໝ່ ໂດຍ ມີຮອງຫົວໜ້າພະແນກຊັບພະຍາກອນ ທຳມະຊາດ ແລະສິ່ງແວດລ້ອມແຂວງແລະເຈົ້າເມືອງໆປາກຊັນເຊັນຮ່ວມເປັນສັກຂີພິຍານໂດຍຊ້ອງໜ້າທ່ານ ບຸນເສັງປະທຳມະວົງ ຮອງເຈົ້າແຂວງຜູ້ຊີ້ນຳວຽກງານເສດຖະກິດຂອງແຂວງ, ມີຫົວໜ້າພະແນກການທີ່ກ່ຽວຂ້ອງ, ພະນັກ ງານ, ວິຊາການທັງສອງຝ່າຍເຂົ້າຮ່ວມ.
ໂຄງການສຶກສາສຳຫຼວດ ແລະອອກແບບຄວາມເປັນໄປໄດ້ໃນການພັດທະນາເຂດບໍລິການອ່າງຫ້ວຍສຽດ ເມືອງ ປາກຊັນ ແຂວງບໍລິຄຳໄຊ ຄາດວ່າຈະສຳຫຼວດໃນຂອບເຂດສວນກຸ ຫຼາບເກົ່າ, ເຂດສະຫງວນອ່າງຫ້ວຍສຽດ,ເຂດໜ້ານ້ຳ ແລະເຂດສະໜາມກ໊ອຟໃນ ເນື້ອທີ່ ໂດຍປະມານ 674,48 ເຮັກຕາໃນໄລຍະຜ່ານມາເຂດດັ່ງກ່າວກໍ່ໄດ້ມີ ຫຼາຍບໍລິສັດ ໃຫ້ຄວາມສົນໃຈໃນການພັດທະນາ ແລະເປັນເຂດໜຶ່ງທີ່ຄົນທົ່ວໄປຮູ້ ຈັກກັນດີໃນນາມເຂດສວນກຸຫຼາບ ມາຮອດປະຈຸບັນ ໂດຍແມ່ນກຸ່ມບໍລິສັດ ຈົງກັງ ເຫີສຽງ (ລາວ) ການລົງທຶນ ຈຳກັດຮ່ວມກັບກຸ່ມບໍລິສັດລັດວິສາຫະກິດພັດທະນາຊົນນະບົດໃໝ່ ເປັນຜູ້ລົງທຶນໃນ ການລົງສຳຫຼວດ, ອອກແບບ, ໄລ່ລຽງ ບົດວິພາກເສດຖະກິດ ແລະບົດປະເມີນ ຜົນກະທົບທາງດ້ານສິ່ງແວດລ້ອມສັງ ຄົມ ເພື່ອຜ່ານພະແນກການກ່ຽວຂ້ອງ ຂອງແຂວງຮັບຮອງ ຖ້າມີຄວາມເປັນໄປ ໄດ້ທາງແຂວງ ຈິ່ງພິຈາລະນາໃຫ້ບໍລິສັດ ສືບຕໍ່ລົງທຶນພັດທະນາການກໍ່ສ້າງຕໍ່ໄປ ໄລຍະເວລາຂອງການຈັດຕັ້ງ MOU ກຳນົດ 6 ເດືອນ.
ທີ່ມາ: