ທ່ານ ອັງເດສ ອີເກີມັງ ລັດຖະມົນຕີວ່າການກະຊວງປ້ອງກັນປະເທດຊູແອັດເປີດເຜີຍວ່າ ລັດຖະບານກຽມເນລະເທດຜູ້ຂໍລີ້ໄພຫຼາຍເຖິງ 80 ພັນຄົນທີ່ເຂົ້າປະເທດໃນປີກ່ອນ ແລະຖືກປະຕິເສດການຂໍລີ້ໄພ.
ໜັງສືພິມຊູແອັດລາຍງານໂດຍອ້າງຄຳກ່າວຂອງທ່ານ ອີເກີມັງວ່າ ມີຜູ້ຂໍລີ້ໄພທີ່ຖືກເນລະເທດປະມານ 60 ພັນຄົນ ແຕ່ອາດຈະເພີ່ມຂຶ້ນເປັນ 80 ພັນຄົນ ລັດຖະບານໄດ້ຂໍໃຫ້ຕຳຫຼວດ ແລະ ເຈົ້າໜ້າທີ່ກວດຄົນເຂົ້າເມືອງດຳເນີນການເລື່ອງການເນລະເທດແລ້ວປົກກະຕິແລ້ວໃຊ້ເຮືອບິນການຄ້າສົ່ງກັບຜູ້ຖືກປະຕິເສດການຂໍລີ້ໄພ ແຕ່ເທື່ອນີ້ຕ້ອງໃຊ້ເຮືອບິນເຊົ່າເໝົາລຳ ເນື່ອງຈາກມີຈຳນວນຫຼາຍ, ຊຶ່ງຊູແອັດເປັນໜຶ່ງໃນສະມາຊິກສະຫະພາບເອີຣົບທີ່ຮັບຜູ້ລີ້ໄພຈຳນວນຫຼາຍທີ່ສຸດເມື່ອທຽບກັບອັດຕາສ່ວນປະຊາກອນ 9,8 ລ້ານຄົນ ໂດຍປີທີ່ຜ່ານມາຮັບຜູ້ລີ້ໄພແລ້ວ 160 ພັນຄົນ ແຕ່ປີນີ້ຈຳນວນຜູ້ຂໍລີ້ໄພເດີນທາງເຂົ້າຊູແອັດຫຼຸດລົງຫຼາຍຕັ້ງແຕ່ຊູແອັດເລີ່ມໃຊ້ວິທີກວດບັດປະຈຳຕົວທີ່ມີພາບຖ່າຍ ແລະຈັດເກັບຢູ່ໃນລະບົບກັບຜູ້ເດີນທາງໃນວັນທີ 4 ມັງກອນ.
ທາງການຂໍໃຫ້ເພີ່ມມາດຕະການຮັກສາຄວາມປອດໄພຕາມສູນຜູ້ລີ້ໄພແອອັດ ຫຼັງຈາກເກີດເຫດຊາວໜຸ່ມຊາຍໃນສູນເຍົາວະຊົນລີ້ໄພແທງເຈົ້າໜ້າທີ່ເສຍຊີວິດ ແລະສະພາບຄວາມແອອັດພາຍໃນສູນອາດເພີ່ມຄວາມຄຽດໃຫ້ເຍົາວະຊົນທີ່ລີ້ໄພສົງຄາມ.
ທີ່ມາ: