spot_img
Homeອຸບັດເຫດແລະປາກົດການຫຍໍ້ທໍ້ຂັບໄວແຫກໂຄ້ງ! ເສຍຊີວິດຄາທໍ່ນ້ຳກ້ອງທາງ ເຂດບ້ານຈຳປາ ຕຳຫລວດເຕືອນ ໃຫ້ລະວັງຖະໜົນມື່ນ!

ຂັບໄວແຫກໂຄ້ງ! ເສຍຊີວິດຄາທໍ່ນ້ຳກ້ອງທາງ ເຂດບ້ານຈຳປາ ຕຳຫລວດເຕືອນ ໃຫ້ລະວັງຖະໜົນມື່ນ!

Published on

ຊາຍໜຸ່ມຂັບລົດຈັກດ້ວຍຄວາມໄວສູງ ເສຍຫລັກເລີຍໂຄ້ງຕຳກັບຂອບທາງ ຟົ້ງໄປກ້ອງທໍ່ນ້ຳເສຍຂ້າງທາງ ເສຍຊີວິດຄາທີ່.

ເຈົ້າໜ້າທີ່ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ທ່ຽງຄືນຂອງວັນທີ 25 ມັງກອນນີ້, ຢູ່ຖະໜົນເລກທີ 11, ເຂດບ້ານຈຳປາ ເມືອງສີໂຄດຕະບອງ ນະຄອນຫລວງວຽງຈັນ ໄດ້ເກີດອຸປະຕິບັດລົດຈັກໂນວາ ບໍ່ມີໝາຍເລກທະບຽນ ຂັບຂີ່ມາແຕ່ທາງບ້ານວຽງຄຳ ມຸ່ງໜ້າໄປທາງບ້ານໃໝ່ ເມືອງສີໂຄດຕະບອງ, ດ້ວຍຄວາມໄວສູງ ແລ້ວເກີດເຫດເສຍຫລັກ ເລີຍໂຄ້ງໄປຕຳເອົາຂອບທາງ ເຮັດໃຫ້ຕີນໜ້າຂອງລົດຈັກເປ່ເພໜັກ, ສ່ວນຄົນຂັບນອນເສຍຊີວິດ ຢູ່ໃນທໍ່ນ້ຳເສຍກ້ອງເສັ້ນທາງ.

ເຈົ້າໜ້າທີ່ ຍັງໃຫ້ຮູ້ວ່າ: ປັດຈຸບັນຢູ່ປະເທດເຮົາ ໄດ້ພົບກັບສະພາບອາກາດໜາວແຮງຜິດປົກກະຕິ ເຮັດໃຫ້ບາງພື້ນທີ່ມີນ້ຳໝອກກ້າມ ແລະ ຖະໜົນມື່ນ ອາດພາໃຫ້ເກີດອຸປະຕິເຫດໄດ້ງ່າຍ, ດັ່ງນັ້ນ ຈຶ່ງຮຽກຮ້ອງໃຫ້ຜູ້ຂັບຂີ່ທຸກຄົນ ຈົ່ງມີສະຕິໃນການຂັບຂີ່ ແລະ ຄວນຫລີກເວັ້ນ ການຂັບຂີ່ໃນຍາມຄ່ຳຄືນ ແມ່ນຈະເປັນການດີທີ່ສຸດ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...