spot_img
Homeຂ່າວການພັດທະນາໂຍທາຯ ວາງ​ແຜນພັດທະນາ​ບ້ານ ​ແລະ ສ້າງ​ບ້ານ​ໃຫຍ່​ ໃຫ້​ກາຍ​ເປັນ​ຕົວ​ເມືອງ​ໃນ​ຊົນນະບົດ

ໂຍທາຯ ວາງ​ແຜນພັດທະນາ​ບ້ານ ​ແລະ ສ້າງ​ບ້ານ​ໃຫຍ່​ ໃຫ້​ກາຍ​ເປັນ​ຕົວ​ເມືອງ​ໃນ​ຊົນນະບົດ

Published on

ສະຫາຍ ດຣ. ບຸນ​ຈັນ ສິນ​ທະ​ວົງ ​, ລັດຖະມົນຕີ​ວ່າການ​ກະຊວງ ​ໂຍທາ​ທິການ ​ແລະ ຂົນ​ສົ່ງ ​ໄດ້​ສະ​ເໜີ​ກ່ຽວ​ກັບ​ການວາງ​ແຜນ​ຜັງ​ພັດທະນາ​ບ້ານ ​ແລະ ສ້າງ​ບ້ານ​ໃຫຍ່​​ ໃຫ້​ກາຍ​ເປັນ​ຕົວ​ເມືອງ​ໃນ​ຊົນນະບົດ ຕໍ່​ກອງ​ປະຊຸມ​ໃຫຍ່​ຜູ້​​ແທນ​ທົ່ວ​ປະ​ເທດ ຄັ້ງ​ທີ X ຂອງ​ພັກ, ​ທີ່​ໄດ້​ອັດ​ລົງ​ດ້ວຍ​ຜົນສຳ​ເລັດ​ອັນ​ຈົບງາມ ໃນ​ທ້າຍ​ອາທິດ​ຜ່ານ​ມາ​ນີ້, ​ໂດຍ​ໄດ້​ຊີ້​ໃຫ້​ເຫັນວ່າ: ​ໃນ 5 ປີຜ່ານມາວຽກ​ງານ​ໂຍທາ​ທິການ ​ແລະ ຂົນ​ສົ່ງ, ​​ໄດ້​ຖື​ສຳຄັນ​ວຽກງານ​ພັດທະນາ​ຕົວ​ເມືອງ ຕິດ​ພັນ​ກັບ​ການ​ພັດທະນາ​ຊົນນະບົດ ຕາມ​ທິດ​ສາມ​ສ້າງ ຕາມວິຊາ​ການ​ທີ່​ຂະ​ແໜງ​ການ​ຕົນ​ຮັບຜິດຊອບ, ​ໃນ​ນີ້ໄດ້​​ສູ້​ຊົນ​ຄົ້ນຄວ້າ​ການຈັດ​ຕັ້ງປະຕິບັດ​ ການວາງ​ແຜນຜັງ​ລວມຂອງ​ຕົວ​ເມືອງ, ​ໄດ້​ສຳ​ເລັດ​ໂດຍ​ພື້ນ​ຖານ​ໃນ 148 ​ເມືອງທົ່ວປະເທດ ຈາກ​ນັ້ນ ​ໄດ້​ຄົ້ນຄວ້າ​ຊອກ​ຫາ​ທຶນຮອນ​ ຈາກ​ອົງການ​ຈັດ​ຕັ້ງ​ສາກົນ ບັນດາ​ປະ​ເທດ​ເພື່ອ​ນມິດ ​ແລະ ງົບປະມານ​ພາຍ​ໃນ ​ມາ​ສືບ​ຕໍ່​ພັດທະນາ​ພື້ນຖານ​ໂຄງ​ລ່າງ​ຕົວ​ເມືອງ ຢ່າງເປັນລະບົບ,ອັນ​ພົ້ນ​ເດັ່ນ​ແມ່ນ​ໄດ້​​ເອົາ​ໃຈ​ໃສ່​ສົມທົບ​ກັບ ​ອົງການ​ປົກຄອງ​ທ້ອງ​ຖິ່ນ ປຸກລະດົມ​ທຸກ​ພາກສ່ວນ ​ເຂົ້າ​ຮ່ວມ​ການ​ລົງທຶນ​ກໍ່ສ້າງນ້ຳ​ປະປາ​ຂະໜາດ​ນ້ອຍ ຕາມ​ແນວທາງ​ນະ​ໂຍບາຍ​ຂອງ​ພັກ​ທີ່​ວ່າ: ລັດ ​ແລະ ປະຊາຊົນ​ພ້ອມ​ກັນ​ເຮັດ, ​ເຊິ່ງປະຕິບັດ​ໄດ້ 25 ບ້ານ ​ແລະ 10 ຕົວ​ເມືອງ, ​ທີ່​ນອນ​ໃນ​ແຂວງວຽງ​ຈັນ, ​ໄຊ​ຍະ​ບູລີ, ບໍລິ​ຄຳ​ໄຊ ສະ​ຫວັນນະ​ເຂດ, ຫລວງ​ພະ​ບາງ ​ແລະ ​ແຂວງ​ວຽງຈັນ. ສຳລັບ​ແຂວງ​ສາລະ​ວັນ ​ໄດ້​ເອົາ​ການ​ພັດທະນາ​ຕົວ​ເມືອງ ຕິດ​ພັນ​ກັບ​ການ​ກໍ່ສ້າງ​ເສັ້ນທາງ​ຫລວງ​ແຫ່ງ​ຊາດ ແລະ ເທດສະບານຫຼາຍຕົວເມືອງໄດ້ຮັບການປູຢາງ.

ພ້ອມ​ນີ້ ຄະນະ​ພັກ​ກະຊວງ ຍທຂ ຍັງ​ໄດ້​ຊີ້​ນຳ​ຄົ້ນ​ຄວ້າ​ ສ້າງ​ຕົວ​ແບບ​ປຶ້ມ​ຄູ່​ມື​ ການວາງ​ແຜນຜັງ​ບ້ານ​ພັດທະນາ, ບ້ານ​ໃຫຍ່ ​ແລະ ຕົວ​ເມືອງ​​ໃນ​ຊົນນະບົດ ໃຫ້​ຮູ້ຈັກ​ເຖິງ​ພື້ນຖານ​ດ້ານ​ວິຊາ​ການ​ໃນ​ລະດັບ​ໃດ​ໜຶ່ງ​, ​ໂດຍ​ສະ​ເພາະ​ແມ່ນ​​ນາຍບ້ານ, ​ເຈົ້າ​ເມືອງ, ​ຮອງ​ເຈົ້າ​ເມືອງ ​ແລະ ວິຊາ​ການ ສາມາດ​ເຂົ້າ​ໃຈ ​ແລະ ຮັບ​ຮູ້​ໄດ້​ດ້ານ​ຫລັກການ​ພື້ນຖານ ​ໃນ​ການວາງ​ແຜນຜັງ​ພັດທະນາ​ບ້ານ, ສ້າງ​ບ້ານ​ໃຫຍ່ ​ແລະ ຕົວ​ເມືອງ​ໃນ​ຊົນນະບົດ, ພ້ອມ​ນັ້ນ ຍັງ​ໄດ້ດຳເນີນການ​ເຜີຍ​ແຜ່​ ໃຫ້​ແກ່​ພະນັກງານວິຊາ​ການ ​ທີ່​ຮັບຜິດຊອບ​ວາງ​ແຜນຜັງ​ເມືອງ ​ແລະ ຜັງ​ບ້ານ​ຢູ່​ຂັ້ນ​ພະ​ແນ​ກ ຍທຂ ນະຄອນຫລວງ​ວຽງ​ຈັນ ​ແລະ ຫ້ອງການ​ເມືອງ ​ໃນ​ທົ່ວ​ປະ​ເທດ ແລະ ​ໄດ້​ທົດ​ລອງ​ນຳ​ໃຊ້​ຢູ່​ເມືອງ​ກະລຶມ​ໃໝ່ ​ແຂວງ​ເຊ​ກອງ ​ແລະ ​ຕົວ​ແບບ​ສ້າງ​ຜັງ​ບ້ານ​ຜາ​ລະ​ແວກ, ​ຜັງ​ບ້ານ​ເມືອງ​ອອມ ​ແລະ ຜັງ​ເມືອງ​ລ່ອງ​ແຈ້ງ ​ແຂວງ​ໄຊ​ສົມບູນ, ຜ່ານ​ການຈັດ​ຕັ້ງ​ປະຕິບັດ​ ທົດ​ລອງ​ຕົວ​ຈິງ ຢູ່​ເມືອງ​ກະລຶມ​ໃໝ່ ​ໃນ 2 ບ້ານ ​ແລະ 1 ​ເມືອງ​ຢູ່​ແຂວງ​​ໄຊ​ສົມບູນ ສາ ມາດ​ສະຫລຸບ​ໄດ້​ເບື້ອງ​ຕົນ​ວ່າ: ປຶ້ມຄູ່​ມື​ດັ່ງກ່າວ ​ເປັນ​ພື້ນຖານອັນດີ ​ໃຫ້​ແກ່​ການ​ນຳ​ໃຊ້​ເປັນຕົວ​ແບບ​, ​ແຕ່​ຍັງຈະຕ້ອງ​ໄດ້​ສືບ​ຕໍ່​ປັບປຸງ​ບາງ​ດ້ານ ທີ່​ຍັງ​ບໍ່​ທັນ​ລະອຽດ​ຄົບ​ຖ້ວນ ​ເພື່ອ​ເຮັດ​ໃຫ້​ຖືກຕ້ອງ​ ກັບ​ສະພາບ​ຕົວ​ຈິງ​ຂອງ​ແຕ່ລະ​ທ້ອງ​ຖິ່ນອີກດ້ວຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...