ລາຄານໍ້າມັນດິບເບຣນໃນຕະຫຼາດອາຊີມື້ນີ້ ສັນຍານສົ່ງມອບເດືອນມີນາປັບຫຼຸດລົງຕໍ່າສຸດໃນຮອບຫຼາຍປີຜ່ານມາທີ່ບາເຣລລະ 27,67 ໂດລາສະຫະລັດ ຫຼື 4,4 % ຈາກທີ່ປິດຕະຫຼາດເມື່ອທ້າຍອາທິດຜ່ານມາ ຫຼັງຈາກທີ່ເບຣນເຄີຍປິດຕະຫຼາດໃນລະດັບຕໍ່າກວ່າ 28 ໂດລາສະຫະລັດ ຄັ້ງຫຼັງສຸດເມື່ອເດືອນພະຈິກ 2013.
ການທີ່ອາເມລິກາ ແລະ ສະຫະພາບເອີຣົບຍົກເລິກລົງໂທດອິຣ່ານແລ້ວ ເມື່ອທ້າຍອາທິດຜ່ານມາຕາມສັນຍາໃນຂໍ້ຕົກລົງນິວເຄຍເມື່ອປີກ່ອນ ຈະເຮັດໃຫ້ນໍ້າມັນຈາກອິຣ່ານກັບເຂົ້າສູ່ຕະຫຼາດໂລກອີກຄັ້ງ ສົ່ງຜົນໃຫ້ລາຄານໍ້າມັນຂອງວັນທີ 18 ມັງກອນເດືອນນີ້ລຸດລົງຫຼາຍທີ່ສຸດໃນຮອບຫຼາຍສິບປີ ແລະ ສົ່ງຜົນຕໍ່ລາຄານໍ້າມັນໃນອາຊີຂອງເຊົ້າມື້ດຽວກັນທັນທີ ຂະນະທີ່ຄວາມກັງວົນຕົກຢູ່ກັບຊາອຸດິອາຣັບບີຢ່າງເຫັນໄດ້ຈະແຈ້ງຈາກການທີ່ດັດຊະນີຕະຫຼາດຫຼັກຊັບຊາອຸດິອາຣັບບີຫຼຸດລົງກວ່າ 5 % ເມື່ອທ້າຍອາທິດຜ່ານມາ.
ຊາອຸດິອາຣັບບີ ເປັນຜູ້ຜະລິດນໍ້າມັນລາຍໃຫຍ່ທີ່ສຸດໃນອົງການກຸ່ມປະເທດຜູ້ສົ່ງອອກນໍ້າມັນ (ໂອເປັກ) ລວມທັງແຂ່ງຂັນກັບອິຣ່ານໃນການເປັນຜູ້ນຳໂລກ ແລະ ແກນນຳໂອເປັກຊຶ່ງອິຣ່ານກໍເປັນສະມາຊິກໃນນັ້ນເຊັ່ນກັນ (ຕາມຂ່າວຕ່າງປະເທດ).
ທີ່ມາ:
