Home​ຂ່າວບັນເທິງປໍ ທິດສະດີ ສະຫະວົງ ພະເອກດັງຂອງໄທເສຍແລ້ວ

ປໍ ທິດສະດີ ສະຫະວົງ ພະເອກດັງຂອງໄທເສຍແລ້ວ

Published on

ຈາກອາການເປັນໄຂ້ເລືອດອອກຂັ້ນຮຸນແຮງ ຂອງ ປໍ ທິດສະດີ ສະຫະວົງ ດາລາພະເອກດັງ ປະຈຳຊ່ອງ 3 ຂອງໄທ ເຊິ່ງມີເກັດເລືອດຕ່ຳ ລວມທັງມີອາການໝາກໄຂ່ຫຼັງຕາຍ ປິ່ນປົວຢູ່ຫ້ອງມໍລະສຸມ ໂຮງໝໍລາມາທິບໍດີ ຕັ້ງແຕ່ວັນທີ 9 ພະຈິກ 2015 ໂດຍອາການໜັກຢ່າງໜ້າເປັນຫ່ວງ ແຕ່ມື້ທຳອິດທີ່ເຂົ້າຮັບການປິ່ນປົວ ຫົວໃຈຢຸດເຕັ້ນໄປຫຼາຍເທື່ອ ແພດຕ້ອງປ້ຳຫົວໃຈ ແລະເບິ່ງແຍງຢ່າງໃກ້ຊິດບໍ່ຂາດໄລຍະ.

ຫຼ້າສຸດມື້ນີ້ ວັນທີ 18 ມັງກອນ 2016 ທາງໂຮງໝໍໄດ້ອອກມາແຈ້ງຢ່າງເປັນທາງການວ່າ ປໍ ທິດສະດີ ໄດ້ເສຍຊີວິດລົງຢ່າງສະຫງົບແລ້ວ ໃນເວລາ 11:50 ນາທີ ຂອງມື້ດຽວກັນນີ້ ພາຍຫຼັງທີມແພດປິ່ນປົວອາການໄຂ້ຢ່າງສຸດຄວາມສາມາດ ທ່າມກາງຄວາມເສຍໃຈຂອງຄົນໃນຄອບຄົວ ແລະຄົນໃນແວດວົງບັນເທິງຂອງໄທ ລວມທັງບັນດາແຟນຄັບຕ່າງໆ ທັງພາຍໃນແລະຕ່າງປະເທດ, ລວມອາຍຸໄດ້ 38 ປີ.

ປໍ ທິດສະດີ ສະຫະວົງ ເກີດເມື່ອວັນທີ 23 ມັງກອນ 1978 ທີ່ຈັງຫວັດບຸລີລຳ ຈົບມັດທະຍົມຈາກໂຮງຮຽນບຸລີລຳພິທະຍາຄົມ, ຈົບການສຶກສາລະດັບປະລິນຍາຕີ ຈາກມະຫາວິທະຍາໄລລາຊະພັດຈັນກະເສມ ຄະນະວິທະຍາການຈັດການ ສາຂາບໍລິການຊັບພະຍາກອນມະນຸດ ພໍຈົບການສຶກສາແລ້ວ ໄດ້ໄປເຮັດວຽກທີ່ທະນາຄານໄທພານິດ ແລະຕັດສິນໃຈລາອອກເພື່ອຮັບວຽກການສະແດງຢ່າງເຕັມໂຕ ກ້າວເຂົ້າສູ່ວົງການບັນເທິງດ້ວຍການເປັນນາຍແບບ ຈາກນັ້ນກໍມີວຽກເຂົ້າມາເລື້ອຍໆ ທັງຖ່າຍແບບ ຖ່າຍໂຄສະນາ ທີ່ຫຼາຍໆຄົນ ຈື່ໄດ້ດີ ໄດ້ແກ່ ເບຍລີໂອ, ນ້ຳດື່ມຢູນິຟໄອເຟີມ, ບັດເຄຣດິດ ແລະອື່ນໆ

ຕໍ່ມາໄດ້ຮັບລາງວັນສຸດຍອດໜຸ່ມຄລີໂອ ປີ 2004 ທາງບາງກອກດຣາມ່າເຫັນແວຈຶ່ງເອີ້ນເຂົ້າໄປທົດລອງການສະແດງ ຫຼັງຈາກນັ້ນໄດ້ເຂົ້າຮຽນການສະແດງກັບຊ່ອງ 3 ໄດ້ຫຼິ້ນລະຄອນເລື່ອງ ລິຂະສິດຫົວໃຈ ເປັນເລື່ອງທຳອິດ.

ປໍ ທິດສະດີ ເປັນນັກສະແດງທີ່ໂດດເດັ່ນ ໄດ້ຮັບລາງວັນຫຼາຍລາງວັນ ນອກຈາກໄດ້ໃຫ້ຄວາມບັນເທີງແກ່ສັງຄົມແລ້ວ ໂຕເຂົາເອງໄດ້ບໍລິຈາກອະໄວຍະວະຕົນເອງໃຫ້ກັບ ສະພາກາຊາດໄທໄວ້ແລ້ວ ເມື່ອຫຼາຍປີກ່ອນ ໂດຍບອກວ່າຮ່າງກາຍເມື່ອສິ້ນລົມແລ້ວຈະບໍ່ມີປະໂຫຍດ ຖ້າບໍ່ໄດ້ມອບໃຫ້ຄົນອື່ນໄດ້ໃຊ້ປະໂຫຍດຕໍ່ໄປ.

ປໍ ທິດສະດີ

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...