spot_img
Homeຂ່າວເຫດການປະທານສະພາແຫ່ງຊາດ ເຂົ້າຮ່ວມສະຫຼອງວັນເລືອກຕັ້ງ ຂອງສະພາແຫ່ງຊາດຫວຽດນາມ ຄົບຮອບ 7

ປະທານສະພາແຫ່ງຊາດ ເຂົ້າຮ່ວມສະຫຼອງວັນເລືອກຕັ້ງ ຂອງສະພາແຫ່ງຊາດຫວຽດນາມ ຄົບຮອບ 7

Published on

2-1

ໂດຍຕອບສະໜອງ ຕາມການເຊີນຂອງສະຫາຍ ຫງວຽນ ຊິງ ຮຸ່ງ ກຳມະການ ກົມການເມືອງສູນກາງພັກ ກອມມູນິດຫວຽດນາມ ປະ ທານສະພາແຫ່ງຊາດ ແຫ່ງ ສສ ຫວຽດນາມ, ຄະນະຜູ້ແທນ ຂັ້ນສູງສະພາແຫ່ງຊາດ ແຫ່ງ ສປປ ລາວ ນຳໂດຍສະຫາຍ ນາງ ປານີ ຢາທໍ່ຕູ້ ກຳມະການ ກົມການເມືອງສູນກາງພັກ ປະທານສະພາແຫ່ງຊາດ ໄດ້ເດີນ ທາງ ແລະ ເຂົ້າຮ່ວມພິທີສະ ເຫຼີມສະຫຼອງວັນເລືອກຕັ້ງທົ່ວ ປະເທດ ເທື່ອທຳອິດຂອງສະພາແຫ່ງ ຊາດຫວຽດນາມ ຄົບຮອບ 70 ປີ (6/1/1946-6/1/2016) ທີ່ກົມການເມືອງສູນກາງພັກ ກອມມູນິດຫວຽດນາມ, ສະພາ ແຫ່ງຊາດ, ລັດຖະບານ ແລະ ຄະນະກຳມະການແນວໂຮມ ແຫ່ງຊາດຫວຽດນາມ ໄດ້ຈັດ ຂຶ້ນໃນວັນທີ 6 ມັງກອນ 2016 ທີ່ສະພາແຫ່ງຊາດ ແຫ່ງ ສສ ຫວຽດນາມ ນະຄອນຫຼວງ ຮ່າໂນ້ຍ.
ສະຫາຍປະທານສະພາ ແຫ່ງຊາດ ແລະ ຄະນະ ໄດ້ຮັບ ການຕ້ອນຮັບຢ່າງອົບອຸ່ນ ສະ ໜິດສະໜົມຈາກ ສະຫາຍປະ ທານສະພາແຫ່ງຊາດ ແຫ່ງ ສສ.ຫວຽດນາມ, ໃນໂອກາດ ໂອ້ລົມສະຫາຍປະທານສະພາ ແຫ່ງຊາດລາວ ໄດ້ສະແດງ ຄວາມປິຕິຊົມຊື່ນ ແລະ ຍ້ອງຍໍ ຊົມເຊີຍຢ່າງສຸດໃຈຕໍ່ພັກ, ສະ ພາແຫ່ງຊາດ, ລັດຖະບານ ແລະ ປະຊາຊົນຫວຽດນາມ ທີ່ໄດ້ຈັດຕັ້ງງານສະເຫຼີມສະ ຫຼອງວັນເລືອກຕັ້ງສະພາແຫ່ງ ຊາດທົ່ວປະເທດຫວຽດນາມ ຄົບຮອບ 70 ປີໃນຄັ້ງນີ້; ການ ເລືອກຕັ້ງທີ່ຈັດຂຶ້ນໃນວັນທີ 6 ມັງກອນ 1946 ນັ້ນຖືເປັນເຫດ ການປະຫວັດສາດທີ່ມີຄວາມ ໝາຍສຳຄັນຍິ່ງຕໍ່ປະເທດຊາດ ຫວຽດນາມ, ເປັນເທື່ອທຳອິດທີ່ ປະຊາຊົນຫວຽດນາມ ໄດ້ມີ ໂອກາດນຳໃຊ້ສິດປະຊາທິປະ ໄຕຂອງຕົນປ່ອນບັດເອົາຜູ້ ແທນຂອງຕົນ, ເຮັດໃຫ້ສາກົນ ໄດ້ຮັບຮູ້ປະເທດຫວຽດນາມ ໃນນາມປະເທດເອກະລາດ ທີ່ ມີອະທິປະໄຕຄົບຖ້ວນ. ການ ເລືອກຕັ້ງສະພາທົ່ວປະເທດ ຄັ້ງທຳອິດຂຶ້ນ ໃນເງື່ອນໄຂທີ່ ສັດຕູທັງພາຍໃນ ແລະ ພາຍ ນອກບຸກລຸກໂຈມຕີ, ສະພາບ ການເມືອງ, ເສດຖະກິດ-ສັງ ຄົມ ມີຄວາມຫຍຸ້ງຍາກສັບສົນ ທີ່ສຸດ ແຕ່ປະຊາຊົນຫວຽດນາມ ກໍຍັງສາມາດຈັດຕັ້ງການເລືອກ ຕັ້ງດັ່ງກ່າວສຳເລັດ, ໃນເຫດ ການປະຫວັດສາດດັ່ງກ່າວນັ້ນ ປະທານ ໂຮ່ຈິມິນ ໄດ້ຮັບການ ເລືອກຕັ້ງດ້ວຍຄະແນນສູງສຸດ ເຖິງ 98,4% ຂອງບັດທັງໝົດ. ນີ້ແມ່ນເຫດການທີ່ມີຄວາມ ໝາຍສຳຄັນພິເສດຕໍ່ສະພາ ແຫ່ງຊາດ ແລະ ປະຊາຊົນ ຫວຽດນາມ ແມ່ນເຫດການປະ ຫວັດສາດໃນຂະບວນວິວັດ ແຫ່ງການຕໍ່ສູ້ປົດປ່ອຍຍາດ ເອົາເອກະລາດມາສູ່ປະຊາຊົນ ຫວຽດນາມ ແລະ ທັງເປັນຂີດ ໝາຍປະຫວັດສາດ ໃນການ ເສີມສ້າງປະຊາທິປະໄຕຢ່າງ ແທ້ຈິງ ເທື່ອທຳອິດຂອງຫວຽດ ນາມ.
ຂະນະດຽວກັນ, ສະຫາຍ ປະທານສະພາແຫ່ງຊາດລາວ ໄດ້ສະແດງຄວາມເພິ່ງພໍໃຈ ແລະ ຕີລາຄາສູງຕໍ່ສາຍພົວ ພັນ ແລະ ການຮ່ວມມືລະຫວ່າງ ສອງຊາດລາວ-ຫວຽດນາມ ເວົ້າລວມ ກໍຄືສອງສະພາແຫ່ງ ຊາດລາວ-ຫວຽດນາມ ໄດ້ຮັບ ການເສີມຂະຫຍາຍທັງໃນລວງ ເລິກ ແລະ ລວງກວ້າງ ທີ່ມີປະ ສິດທິຜົນສູງຂຶ້ນ ສາມາດຕອບ ສະໜອງໄດ້ຕາມຄວາມຮຽກ ຮ້ອງຕ້ອງການ ໃນການພັດທະ ນາຂອງແຕ່ລະປະເທດ.
ພິທີສະເຫຼີມສະຫຼອງວັນ ເລືອກຕັ້ງທົ່ວປະເທດເທື່ອທຳ ອິດຂອງສະພາແຫ່ງຊາດຫວຽດ ນາມ ຄົບຮອບ 70 ປີ ໄດ້ຈັດ ຕັ້ງຂຶ້ນຢ່າງສະຫງ່າຜ່າເຜີຍ ໂດຍມີບັນດາການນຳຂັ້ນສູງ ຂອງພັກ, ສະພາແຫ່ງຊາດ, ລັດຖະບານ, ອະດີດການນຳ ຂັ້ນສູງ, ຜູ້ຊົງຄຸນວຸດທິ, ພະນັກ ງານອາວຸໂສ, ບຳນານ, ຕາງ ໜ້າອຳນາດການປົກຄອງທ້ອງ ຖິ່ນຈາກບັນດາແຂວງ ແລະ ບັນດາທູຕານຸທູດເຂົ້າຮ່ວມ ເປັນຈຳນວນຫຼວງຫຼາຍ, ພ້ອມ ນີ້ ຍັງມີຄະນະຜູ້ແທນຂັ້ນສູງ ສະພາແຫ່ງຊາດລາວ ແລະ ຄະນະຜູ້ແທນຂັ້ນສູງສະພາ ແຫ່ງຊາດກຳປູເຈຍ ກໍໄດ້ເຂົ້າ ຮ່ວມເປັນກຽດ. ໃນພິທີດັ່ງກ່າວ ສະຫາຍ ຫງວຽນ ຝູ ຈ້ອງ ເລຂາທິການໃຫຍ່ພັກກອມມູ ນິດຫວຽດນາມ ໄດ້ກ່າວຢ່າງ ຈະແຈ້ງວ່າ: ກ່ອນນີ້ 70 ປີ (ວັນທີ 6/1/1946), ພຽງແຕ່ 5 ເດືອນຫຼັງຈາກຍາດໄດ້ເອກະ ລາດຈາກຝຣັ່ງ ໂດຍການນຳ ພາຂອງ ປະທານ ໂຮ່ຈິມິນ ດ້ວຍນ້ຳໃຈຮັກຊາດທີ່ດູດດື່ມ ແລະ ຄວາມກະຕືລືລົ້ນຂອງ ປະຊາຊົນຫວຽດນາມ, ພົນລະ ເມືອງຫວຽດນາມໃນທົ່ວປະ ເທດ ອາຍຸແຕ່ 18 ປີຂຶ້ນໄປ ໄດ້ອອກມາປ່ອນບັດເອົາຕົວ ແທນຂອງຕົນເປັນເທື່ອທຳອິດ ໂດຍບໍ່ຢ້ານກົວຕໍ່ການໂຈມຕີ ມ້າງເພຂອງຜູ້ຮຸກຮານ ແລະ ຕໍ່ຕ້ານ. ສະຫາຍເລຂາທິການ ໃຫຍ່ພັກກອມມູນິດຫວຽດນາມ ຍັງໄດ້ເນັ້ນໃຫ້ເຫັນຄວາມສຳ ຄັນຂອງການເລືອກຕັ້ງສະພາ ແຫ່ງຊາດທົ່ວປະເທດ ແລະ ບົດບາດຂອງສະພາແຫ່ງຊາດ ຊຶ່ງເປັນອົງການຕົວແທນສູງ ສຸດຂອງປະຊາຊົນ, ແມ່ນອົງ ການສິດອຳນາດແຫ່ງຊາດສູງ ສຸດຂອງ ສສ ຫວຽດນາມ.

 

ແຫລ່ງຂ່າວ:

ປຊຊ

ບົດຄວາມຫຼ້າສຸດ

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...