spot_img
Homeຂ່າວພາຍ​ໃນຮອງປະທານສູນກາງແນວຯລະບຸ ເລືອກຕັ້ງ ສສຊ ຊຸດໜ້າ ຄວນສົ່ງນັກພັດທະນາກອນຜູ່ດີເດັ່ນ ອອກສະໝັກ!

ຮອງປະທານສູນກາງແນວຯລະບຸ ເລືອກຕັ້ງ ສສຊ ຊຸດໜ້າ ຄວນສົ່ງນັກພັດທະນາກອນຜູ່ດີເດັ່ນ ອອກສະໝັກ!

Published on

49873288617098587049

ພະນັກງານ, ອົງການຕ່າງໆແລະ ປະຊາຊົນບັນດາເຜົ່າສະເໜີຕໍ່ສະພາ​​ແຫ່ງຊາດໃນການລົງສະໝັກເລືອກຕັ້ງເປັນສະມາຊິກສະພາແຫ່ງຊາດໃນຕໍ່ໜ້າຢູ່ທ້ອງຖິ່ນຄວນເລືອກ ເອົາພະນັກງານຫລັກແຫລ່ງແລະ ຜູ້ມີບົດບາດສຳຄັນ ຢູ່ທ້ອງຖິ່ນນັ້ນລົງສະໝັກ ເລືອກຕັ້ງເພື່ອສະດວກ ໃນການລົງພົບປະປະຊາຊົນ, ຕິດຕາມກວດກາ​ ​ແລະ ຊີ້ນຳນຳພາປະຊາຊົນສ້າງສາພັດທະນາທ້ອງຖິ່ນ ໃຫ້ນັບມື້ດີຂຶ້ນ.

ທ່ານ ຕົງເຢີ ທໍ່ ກຳມະການສູນກາງພັກ,​ ຮອງປະທານສູນກາງແນວລາວສ້າງຊາດ ​​ໄດ້ມີຄຳເຫັນຕໍ່ບົດລາຍງານ ການເຄື່ອນໄຫວວຽກງານ 5 ປີ ຂອງສະພາແຫ່ງຊາດຊຸດທີ VII, ຮ່າງວິໄສທັດຮອດປີ 2030, ຍຸດທະສາດພັດທະນາລະບົບສະພາແຕ່ປີ 2016-2025​ ແລະແຜນການ 5 ປີຂອງສະພາ​​ແຫ່ງຊາດຊຸດທີ VIII ວ່າ: ໃນໄລຍະ 5 ປີຜ່ານມາສະພາແຫ່ງຊາດ ໄດ້ມີຜົນງານພົ້ນເດັ່ນຫລາຍດ້ານໃນນານເປັນຕົວແທນ ແຫ່ງສິດຜົນປະ​​ໂຫຍດອັນຊອບທຳ ຂອງປະຊາຊົນໂດຍລວມແລ້ວ​​​ ໄດ້ເອົາໃຈໃສ່ຈັດຕັ້ງປະຕິບັດ ພາລະບົດສິດແລະ ໜ້າທີ່ຂອງຕົນ​​ໃນການລົງພົບປະປະຊາຊົນ ບັນດາເຜົ່າຢູ່ເຂດເລືອກຕັ້ງຂອງຕົນ ເພື່ອເຜີຍ​ແຜ່ແນວທາງນະໂຍບາຍຂອງພັກ, ກົດໝາຍແລະ ນິຕິກຳຕ່າງໆ ທັງເປັນການຕິດຕາມກວດກາ ການຈັດຕັ້ງປະຕິບັດຂອງອຳນາດລັດ ເພື່ອສ່ອງແສງພາກສ່ວນຕ່າງໆຂອງພັກ-​ລັດໄດ້ຮັບຊາບ​ແນ​ໃສ່​ໃຫ້ມີວິທີ​​ແກ້ໄຂໃຫ້ປະຊາຊົນອັນໄດ້ເຮັດໃຫ້ປະຊາຊົນບັນດາເຜົ່າໄດ້ເພີ່ມທະວີນ້ຳໃຈປົກປັກຮັກສາແລະ ສ້າງສາພັດທະນາປະເທດຊາດ, ​ເປັນເຈົ້າຕົນເອງໃນການລຶບລ້າງຄວາມທຸກຍາກ ປະກອບສ່ວນເຂົ້າວຽກງານປ້ອງກັນຊາດປ້ອງກັນຄວາມສະຫງົບ ແລະ ອື່ນໄດ້ດີກວ່າເກົ່າ. ໃນໄລຍະ​ຜ່ານ​ມາ ການຄັດ​ເລືອກ​ເປົ້າໝາຍ ​ເປັນ​ສະ​ມາ​ຊິກ​ສະພາ​ແຫ່ງ​ຊາດ ​ສ່ວນ​ຫລວງຫລາຍ​​ເອົາ​ພະນັກງານ​ ບັນດາ​ຂະ​ແໜງການລົງ​ສະໝັກ​​,​ ແຕ່​ໃນ​ຕໍ່ໜ້າຄວນ​ເອົາ​ນັກ​ພັດທະນາ​ກອນ, ຜູ້​ປະກອບການດີ​ເດັ່ນ ​ແລະ ມີ​ບົດບາດທີ່ສາມາດ​ ນຳພາ​ປະຊາ ຊົນ​ພັດທະນາ​ຢູ່​ກັບ​ທ້ອງ​ຖິ່ນ ຮາກຖານ​ທີ່​ເພິ່ນ​ຢູ່​ນັ້ນລົງ​ສະໝັກ​​ ເປັນ​ສະມາຊິກ​ສະພາ​ແຫ່ງ​ຊາດ ​ໂດຍ​ສະ​ເພາະ​ຄັດ​ເລືອກ​ເອົາ​ບຸກຄົນ​ພົ້ນ​ເດັ່ນ​​ ໃນການ​ປະຕິບັດ​ວຽກງານ 3 ສ້າງ. ນອກຈາກນີ້ ຢາກໃຫ້​ ສສຊ ຄວນລົງຮາກ​ຖານ​ ໃຫ້​ທົ່ວ​ເຖິງ ​​ເພາະ​ຜ່ານ​ມາບາງ​ທ່ານ ເຫັນ​​ແຕ່ລົງຫາງສຽງເທົ່ານັ້ນ, ບໍ່ເຫັນໄປຊ່ວຍ​ ​ແລະ ພົບປະຊາຊົນເພື່ອແກ້ໄຂບັນຫາຕ່າງໆ ຂອງເຂົາເຈົ້າ; ຜ່ານ​ມາສູ້ຊົນໄດ້ແຕ່ວຽກຄາດໝາຍ ແຕ່ຜົນໄດ້ຮັບໜ້ອຍເປັນຕົ້ນ ແມ່ນການ​​ເຕົ້າໂຮມບ້ານນ້ອຍເປັນບ້ານໃຫຍ່ ເຊິ່ງໂຮມໄດ້ແຕ່ບ້ານເທົ່ານັ້ນ, ​ແຕ່ການທຳມາຫາກິນຂອງປະຊາຊົນຫຍຸ້ງຍາກ​ ກວ່າ​ເກົ່າ ຍ້ອນ​​ ໄລຍະ​ທາງ​​ແຕ່​ບ້ານ​ຫາ​ບ່ອນ​ທຳ​ການ​ຜະລິດ​ ໄກ​ກວ່າ​ເກົ່າ​ 2-3 ​ເທົ່າ. ການ​ສອບ​​ເສັງເຂົ້າລັດຖະກອນ ຍັງ​ມີ​ຄົນ​ເຈົ້າຄົນ​ຂ້ອຍ ສ່ວນ​ຫລາຍ​ຄົນ​ຢູ່​ໃນ​ເມືອງຫລື​ຕ່າງ​ແຂວງ​ ໄດ້​ລັດຖະກອນ​ແລ້ວ​ ກໍ​ຂໍ​ຍົກ​ຍ້າຍ​ກັບ​ຄືນພຽງ​ແຕ່​ມາ​ເອົາ​ໂກ​ຕາ​ຊື່ໆ. ພ້ອມ​ນີ້ ກໍ​ຄວນ​ມີ​ນະ​ໂຍບາຍ​ຮັບ​ ​ແລະ ​ສົ່ງ​ເສີມ​ລັດຖະ​ຊົນ​ເຜົ່າ​ຢູ່​ເຂດຫ່າງໄກສອກຫລີກ. ສະເໜີໃຫ້ສະພາແຫ່ງຊາດເພີ່ມທະວີຕິດຕາມກວດກາຢ່າງ​​ໃກ້ຊິດແລະ ສະກັດກັ້ນການສໍ້ລາດບັງຫລວງໃນຖັນແຖວຄະນະນຳ, ພະນັກງານລັດຖະກອນທີ່ກ່ຽວຂ້ອງກັບຄວາມບໍ່ຍຸຕິທຳ, ການພົວພັນປະສານງານກັບອົງການດັ່ງກ່າວ ກັບສະພາແຫ່ງຊາດບໍ່ທັນກົມກຽວ ທັນການເປັນຕົ້ນ ການແກ້ໄຂບັນຫາຊັບສິນຂອງລັດ ຢູ່ແຕ່ລະພາກສ່ວນບໍ່ຄືກັນເຮັດໃຫ້ເກີດມີຫາງສຽງ ສັງຄົມ ຍ້ອນແມ່ນຄົນເຈົ້າ ຄົນຂ້ອຍທີ່ໄປຮັບສິນບົນນັບທັງການສໍ້ລາດບັງຫລວງເປັນໝູ່ຄະນະແລະ ອື່ນໆ.

ທ່ານ ຍັງ​​ໃຫ້ຮູ້ຕື່ມວ່າ: ​ເພື່ອເຮັດໃຫ້ວຽກງານຕ່າງໆທີ່ກ່າວມານັ້ນໄດ້ຮັບການແກ້ໄຂປັບປຸງດີ ຂຶ້ນເທື່ອລະກ້າວ.​ ສະເໜີໃຫ້ສະພາແຫ່ງຊາດ,​ ພາກສ່ວນກ່ຽວຂ້ອງ ເອົາຄຳຄິດຄຳເຫັນເຫລົ່ານີ້ໄປ ຄົ້ນຄວ້າແກ້ໄຂຢ່າງທັນການ, ຖ້າແກ້ໄຂໄດ້ກໍຄວນແກ້ໄຂໃຫ້ເຂົາເຈົ້າສຸມໃສ່​​​ເຮັດໃຫ້ປະເທດຊາດກໍຄືຊີ ວິດການເປັນຢູ່ຂອງປະຊາຊົນໄດ້ຮັບການປົວແປງດີຂຶ້ນເທື່ອລະກ້າວ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...