ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ ກ່ຽວກັບການຈັດສັນຊື້ລົດຫຼູູທີ່ມີແລງຄາແພງໃຫ້ແກ່ສະມາຊິກລັດຖະສະພາທັງ 65 ຄົນ, ເຊິ່ງທາງເຈົ້າໜ້າທີ່ຕຳຫຼວດພະຍາຍາມເຂົ້າສະກັດກັ້ນຜູ້ທີ່ເຂົ້າປະທ້ວງໂດຍການ ໃຊ້ກາສນໍ້າຕາ ເພື່ອບໍ່ໃຫ້ປະຊາຊົນເຂົ້າໃຫ້ສຳນັກງານນາຍົກ ໃນຂະນະທີ່ປະຊາຊົນກໍພະຍາຍາມໂຍນສິ່ງຂອງຕ່າງໆເພື່ອຕອບໂຕ້ທາງເຈົ້າໜ້າທີ່.
ການອະນຸມັດແຜນການດັ່ງກ່າວ ເຮັດໃຫ້ເກີດຄວາມບໍ່ພໍໃຈຂອງປະຊາຊົນໃນຕີມໍ ເລສເຕ, ຕາມຂໍ້ມູນຂອງທະນາຄານໂລກລະບຸວ່າ ປະຊາກອນກວ່າ 40% ທີ່ຢູ່ໃນປະເທດນີ້ຍັງຄົງອາໄສຢູ່ດ້ວຍຄວາມລຳບາກ ແລະ ສະພາບເສດຖະກິດຍັງເຕັມໄປດ້ວຍຂໍ້ທ້າທາຍນອກນີ້ລາຍຮັບສ່ວນຫຼາຍແມ່ນອາໄສການສົ່ງອອກນໍ້າມັນພຽງຢ່າງດຽວ ໂດຍບໍ່ມີການກະຈາຍລາຍຮັບໄປສ່ວນອື່ນເລີຍ.
ພັກການເມືອງຫຼາຍພັກ ກໍບໍ່ເຫັນດີໃນແຜນການຈັດສັນຊື້ລົດຫຼູລາຄາແພງຂອງທາງລັດຖະບານ ໂດຍສົ່ງສານຂໍໃຫ້ທາງລັດຖະບານຍົກເລີກແຜ່ນການຈັດຊື້ ເນື່ອງຈາກແຜນການນີ້ບໍ່ໄດ້ສະທ້ອນເຖິງຜົນປະໂຫຍດຂອງສາທາລະນະ ແລະ ຜົນປະໂຫຍດຂອງປະຊາຊົນ, ຈາກການປະທ້ວງດັ່ງກ່າວທາງລັດຖະບານຂອງປະເທດຕີມໍ ເລສເຕ ຍັງບໍ່ໄດ້ມີການເຄື່ອນໄຫວ ແລະ ຊີ້ແຈງກ່ຽວກັບບັນຫາດັ່ງກ່າວ.
ເຊິ່ງຕອນນີ້ ແມ່ນຍັງບໍ່ການອັບເດດກ່ຽວກັບສະຖານະການປັດຈຸບັນ ໃນປະເທດຕີມໍ ເລສເຕ ແລະ ໂຊກດີທີ່ບໍ່ມີລາຍງານກ່ຽວກັບຜູ້ບາດເຈັບຫຼືເສຍຊີວິດ.
ແຫຼ່ງຂໍ້ມູນ: dailynews, Thai PPS