Homeຂ່າວພາຍ​ໃນພາກລັດ ແລະ ເອກະຊົນລາວ-ຍີ່ປຸ່ນ ປຶກສາຫາລື ດ້ານການລົງທຶນ

ພາກລັດ ແລະ ເອກະຊົນລາວ-ຍີ່ປຸ່ນ ປຶກສາຫາລື ດ້ານການລົງທຶນ

Published on

3-1

3-2

ກອງປະຊຸມປຶກສາ ຫາລືລະຫວ່າງພາກລັດ ແລະ ພາກເອກະຊົນລາວ – ຍີ່ປຸ່ນຄັ້ງ ທີ 9 ໄດ້ຈັດຂຶ້ນໃນວັນທີ 16 ທັນວານີ້ ທີ່ໂຮງແຮມລາວພລາຊາ ໂດຍການເປັນປະທານຂອງ ທ່ານ ສົມດີ ດວງດີ ລັດຖະມົນຕີວ່າການກະ ຊວງແຜນການ ແລະ ການລົງທຶນ, ທ່ານ ຕາກິ ຊິ ຮິກິຮາຣະ (Takeshi HIKI HARA) ເອກອັກຄະລາຊະທູດ ວິສາມັນຜູ້ມີອຳນາດເຕັມແຫ່ງ ປະເທດຍີ່ປຸ່ນປະຈຳລາວ, ມີ ບັນດານັກທຸລະກິດທັງພາກລັດ ແລະ ເອກະຊົນ ທັງພາຍໃນ ແລະ ຕ່າງປະເທດເຂົ້າຮ່ວມ.
ທ່ານ ສົມດີ ດວງດີ ໄດ້ ກ່າວວ່າ: ໃນກອງປະຊຸມຄັ້ງນີ້ເປັນກອງປະຊຸມປະຈຳປີທີ່ມີ ຄວາມໝາຍສຳຄັນ ແລະ ເປັນການສືບຕໍ່ການຮ່ວມມືລະຫວ່າງ ພາກລັດ ແລະ ເອກະຊົນລາວ – ຍີ່ປຸ່ນ ໃນການປຶກສາຫາລື ແລກປ່ຽນຄຳ ຄິດຄຳເຫັນກ່ຽວ ກັບການແກ້ໄຂບັນຫາຂໍ້ຄົງ ຄ້າງໃນການດຳເນີນທຸລະກິດ ຢູ່ ສປປ ລາວ ແລະ ທັງເປັນ ການຊອກຊ່ອງທາງໃນການ ປັບປຸງບັນຍາກາດການລົງທຶນ ຂອງພາກທຸລະກິດໃຫ້ມີຄວາມ ສະດວກ ແລະ ວ່ອງໄວຂຶ້ນ ເລື້ອຍໆ, ພິເສດໃນກອງປະ ຊຸມຄັ້ງນີ້ ບັນດາທ່ານຈະໄດ້ຮັບ ຟັງການປຶກສາຫາລື ເພື່ອແກ້ ໄຂບັນຫາຢູ່ 3 ເນື້ອໃນຫຼັກຄື: ກຸ່ມທີ 1: ການນຳເຂົ້າຜະລິດ ຕະພັນສານເຄມີ, ການຕໍ່ອະນຸ ຍາດຫ້ອງການຜູ້ຕາງໜ້າ; ກຸ່ມ ທີ 2: ໃບບິນອາກອນ, ການ ຖອນເງິນອາກອນມູນຄ່າເພີ່ມຄືນ ແລະ ກຸ່ມທີ 3: ຂໍ້ແນະນຳ ສຳລັບແຜນນຳເຂົ້າປະຈຳປີ, ຄວາມຄືບໜ້າໃນການປັບປຸງ ເສັ້ນທາງເລກທີ 8. ການຂະ ຫຍາຍຕົວຂອງເສດຖະກິດ ໃນຂົງເຂດອາຊຽນ ຖືວ່າກຳລັງ ເປັນທີ່ສົນໃຈຂອງຫຼາຍປະ ເທດ, ປະເທດຍີ່ປຸ່ນບໍ່ພຽງແຕ່ ເປັນນັກລົງທຶນລາຍໃຫຍ່ໃນ ເຂດນີ້, ແຕ່ຍັງເປັນປະເທດຄູ່ ຄ້າໃນອັນດັບຕົ້ນໆເຊັ່ນກັນ, ສະເພາະຢູ່ ສປປ ລາວ ນັບແຕ່ ເປີດຮັບເອົາການລົງທຶນຈາກ ຕ່າງປະເທດ, ມາຮອດປະຈຸ ບັນການລົງທຶນຂອງຍີ່ປຸ່ນແມ່ນ ຢູ່ໃນອັນດັບທີ 6 ຈາກ 53 ປະເທດທີ່ມາລົງທຶນຢູ່ ສປປ ລາວ ໃນປີຕໍ່ໜ້າພວກເຮົາ ຄາດ ວ່າການລົງທຶນຈາກຍີ່ປຸ່ນຈະ ເພີ່ມຂຶ້ນໃນຈັງຫວະທີ່ໄວກວ່າ ເກົ່າ ແລະ ສາມາດຍົກອັນດັບ ໃຫ້ສູງກວ່າໃນປະຈຸບັນ, ສິ່ງ ດັ່ງກ່າວຈະປະກອບສ່ວນໂດຍ ກົງເຂົ້າໃນການບັນລຸເປົ້າໝາຍ ຂອງການພັດທະນາເສດຖະ ກິດໃຫ້ໄດ້ຕາມຄາດໝາຍທີ່ ໄດ້ກຳນົດໄວ້ໃນແຜນພັດທະ ນາເສດຖະກິດ ແລະ ສັງຄົມ 5 ປີຄັ້ງທີ VIII 2016-2020 ນີ້ຄື: ແກ້ໄຂຄວາມທຸກຍາກ ແລະ ເຮັດໃຫ້ ສປປ ລາວ ຫຼຸຸດພົ້ນອອກຈາກປະເທດດ້ອຍພັດທະນາ ໃນປີ 2020 ແລະ ກ້າວເຂົ້າສູ່ການປະຕິບັດ SDG ໃນປີ 2030 ແລະ ເປົ້າໝາຍ ເຮັດ ໃຫ້ ປະເທດມີລາຍຮັບປານກາງ ສູງໃນປີ 2030 ເພື່ອບັນລຸເປົ້າ ໝາຍດັ່ງກ່າວ ການປະກອບ ສ່ວນຂອງການລົງທຶນຂອງ ພາກເອກະຊົນແມ່ນມີຄວາມ ສຳຄັນຫຼາຍ, ເມັດເງິນດັ່ງກ່າວ ຖືວ່າສູງ. ດັ່ງນັ້ນພວກເຮົາເຫັນ  ຄວາມ ຈຳເປັນຕໍ່ການປັບປຸງ ສິ່ງແວດລ້ອມການລົງທຶນໃຫ້ ດີຂຶ້ນ ແລະ ດຶງດູດເອົາການລົງ ທຶນໃນທຸກຂະແໜງການໃຫ້ຫຼາຍຂຶ້ນ ໂດຍສະເພາະອຸດສາ ຫະກຳຂະໜາດກາງ ແລະ ນ້ອຍ, ເຂດເສດຖະກິດພິເສດ 11 ແຫ່ງທີ່ໄດ້ ຮັບການ ສ້າງຂຶ້ນ ແມ່ນເປັນທ່າແຮງ.

ແຫ່ລງຂ່າວ

ປຊຊ

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...