spot_img
Homeຂ່າວຕ່າງປະເທດໂອບາມາອະນຸມັດ ຂາຍອາວຸດຊຸດໃຫຍ່ໃຫ້ໄຕ້ຫວັນ ດ້ານຈີນປະທ້ວງ ພ້ອມຂູ່ຂວ້ຳບາດທຸກບໍລິສັດກ່ຽວຂ້ອງ!

ໂອບາມາອະນຸມັດ ຂາຍອາວຸດຊຸດໃຫຍ່ໃຫ້ໄຕ້ຫວັນ ດ້ານຈີນປະທ້ວງ ພ້ອມຂູ່ຂວ້ຳບາດທຸກບໍລິສັດກ່ຽວຂ້ອງ!

Published on

U.S. President Barack Obama delivers remarks at naturalization ceremony at the National Archives Museum in Washington

ສຳນັກຂ່າວຕ່າງປະເທດ ລາຍງານໃນວັນທີ 17 ທັນວານີ້ວ່າ ໃນມື້ວານນີ້ (16 ທັນວາ) ລັດຖະບານສະຫະລັດອາເມຣິກາ ໄດ້ແຈ້ງຕໍ່ລັດຖະສະພາຢ່າງເປັນທາງການ ກ່ຽວກັບການຕົກລົງ ຂອງປະທານາທິບໍດີ ບາຣັກ ໂອບາມາ ໃນການອະນຸມັດ ຂາຍອາວຸດຊຸດໃຫຍ່ ຊຶ່ງປະກອບມີເຮືອກຳປັ່ນສູ້ຮົບ 2 ລຳ, ຂີປະນາວຸດຕໍ່ຕ້ານລົດຕັງ, ຍານໂຈມຕີສະເທືອນນ້ຳສະເທືອນບົກ ແລະ ອື່ນໆ ມູນຄ່າ 1.83 ຕື້ໂດລາ ໃຫ້ແກ່ໄຕ້ຫວັນ ໂດຍອ້າງການສົ່ງອອກອາວຸດ ໃຫ້ແກ່ໄຕ້ຫວັນຄັ້ງນີ້ ເປັນນະໂຍບາຍທີ່ລັດຖະບານສະຫະລັດອາເມຣິກາ ຕະຫລອດ 6 ຊຸດທີ່ຜ່ານມາ ໄດ້ຍຶດຖືປະຕິບັດຢ່າງຕໍ່ເນື່ອງ, ແຕ່ແນວໃດກໍຕາມ ສະຫະລັດອາເມຣິກາ ກໍຍັງຄົງຍຶດຖືນະໂຍບາຍຈີນດຽວ ຢູ່ຄືເກົ່າ.

ດ້ານລັດຖະບານຈີນ, ທ່ານ ເຈີ້ງເຊກວງ ລັດຖະມົນຕີຊ່ວຍວ່າການ ກະຊວງການຕ່າງປະເທດຈີນ ໄດ້ຮຽກຕົວ ທ່ານ ຄາເຢລີ ອຸປະທູດສະຫະລັດ ປະຈຳປະເທດຈີນ ເຂົ້າມາພົບເພື່ອປະທ້ວງ ແລະ ຂູ່ຈະທຳການຂວ້ຳບາດ ຕໍ່ກັບທຸກໆບໍລິສັດຂອງອາເມຣິກາ ທີ່ມີສ່ວນກ່ຽວຂ້ອງ ກັບການສົ່ງອອກອາວຸດໃຫ້ແກ່ໄຕ້ຫວັນຄັ້ງນີ້.

ທັງນີ້ ຈີນຖືວ່າໄຕ້ຫວັນ ແມ່ນເປັນພຽງແຂວງໜຶ່ງ ທີ່ຂຶ້ນປັບສາທາລະນະລັດປະຊາຊົນຈີນ ຊຶ່ງລັດຖະບານຈີນ ບໍ່ເຫັນດີເປັນຢ່າງຍິ່ງ ທີ່ສະຫະລັດຂາຍອາວຸດໃຫ້ແກ່ໄຕ້ຫວັນ ຊຶ່ງຂັດຕໍ່ກົດໝາຍລະຫວ່າງປະເທດ ແລະ ເປັນໄພຮ້າຍແຮງ ຕໍ່ອະທິປະໄຕ ແລະ ຄວາມໝັ້ນຄົງຂອງຈີນ.

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...