ພະນະທ່ານ ຮາງ ຄຽວ ອານ ນາຍົກລັດຖະມົນຕີ ແຫ່ງ ສາທາລະນະລັດ ເກົາຫຼີ ພ້ອມດ້ວຍຄະນະໄດ້ສຳເລັດ ການຢ້ຽມຢາມ ສປປ ລາວ ໃນ ລະຫວ່າງວັນທີ 13-15 ທັນວາ ນີ້ ຕາມຄຳເຊີນຂອງພະນະ ທ່ານ ທອງສິງ ທຳມະວົງ ນາ ຍົກລັດຖະມົນຕີ ສປປ ລາວ.
ໃນໄລຍະການຢ້ຽມຢາມລາວ ຄັ້ງນີ້ ພະນະທ່ານ ຮາງ ຄຽວ ອານ ພ້ອມຄະນະ ໄດ້ເຂົ້າຢ້ຽມ ຄຳນັບພະນະທ່ານປະທານປະເທດ ຈູມມາລີ ໄຊຍະສອນ, ເຂົ້າຢ້ຽມ ຄຳນັບພະນະທ່ານ ນາງ ປານີ ຢາທໍ່ຕູ້ ປະທານສະ ພາແຫ່ງຊາດ, ໄດ້ພົບປະສອງ ຝ່າຍກັບຄະນະລັດຖະບານ ສປປ ລາວ ນຳໂດຍພະນະ ທ່ານ ທອງສິງ ທຳມະວົງ ຊຶ່ງ ສອງຝ່າຍໄດ້ທົບທວນຄືນການ ພົວພັນຮ່ວມມືໃນໄລຍະທີ່ ຜ່ານມາ ແລະ ການພົວພັນ ຮ່ວມມືໃນຕໍ່ໜ້າ ປະຈຸບັນເຫັນ ວ່າສາຍພົວພັນມິດຕະພາບ ແລະ ການຮ່ວມ ມືໄດ້ຮັບການ ສືບຕໍ່ຂະຫຍາຍຕົວຢ່າງຕໍ່ ເນື່ອງ. 20 ປີແຫ່ງການສ້າງຕັ້ງ ສາຍພົວພັນການທູດໂຄງການ ຮ່ວມມືຊ່ວຍເຫຼືອຈາກ ສ.ເກົາ ຫຼີ ໄດ້ຮັບການ ຈັດຕັ້ງປະຕິບັດ ເປັນຢ່າງດີ. ມື້ສຸດທ້າຍຂອງ ການຢ້ຽມຢາມຄັ້ງນີ້ ພະນະທ່ານນາຍົກລັດຖະມົນຕີ ສ.ເກົາຫຼີ ພ້ອມຄະນະໄດ້ໄປຢ້ຽມຢາມໂຮງໝໍເດັກ ຊຶ່ງຕັ້ງຢູ່ ບໍລິເວນໂຮງໝໍ ມິດຕະພາບ 150 ຕຽງໂດຍໄດ້ຮັບການ ສະໜັບສະໜູນຈາກລັດຖະບານ ສ.ເກົາຫຼີ ແລະ ເປີດນຳໃຊ້ໃນປີ 2011 ປະກອບມີ 70 ຕຽງ, ພາຍຫຼັງ ສຳເລັດການ ຢ້ຽມຢາມໂຮງໝໍເດັກ ພະນະທ່ານ ຮາງ ຄຽວ ອານ ນາຍົກລັດຖະມົນຕີ ສ.ເກົາຫຼີ ພ້ອມຄະນະໄດ້ເດີນທາງກັບຄືນປະເທດ ດ້ວຍຄວາມ ສະຫວັດດີພາບ ຊຶ່ງພິທີສົ່ງ ໄດ້ຈັດຂຶ້ນທີ່ສະ ໜາມບິນສາກົນວັດໄຕ ໂດຍມີ ທ່ານ ສອນໄຊ ສີພັນດອນ ລັດ ຖະມົນຕີ ຫົວໜ້າຫ້ອງວ່າການລັດຖະບານພ້ອມຄະນະອອກສົ່ງ.

ແຫ່ລງຂ່າວ