spot_img
Homeອຸບັດເຫດແລະປາກົດການຫຍໍ້ທໍ້ຈະລາຈອນ ນ.ວ ຮຽກຮ້ອງ​ຜູ້​ປົກຄອງ​ ຮ່ວມສະກັດ​ກັ້ນ​ ແກ້ງ​ຂີ່​ລົດ​ກວນ​ເມືອງ ຢ້ຳກຽມແກ້ໄຂເຂັ້ມງວດ!

ຈະລາຈອນ ນ.ວ ຮຽກຮ້ອງ​ຜູ້​ປົກຄອງ​ ຮ່ວມສະກັດ​ກັ້ນ​ ແກ້ງ​ຂີ່​ລົດ​ກວນ​ເມືອງ ຢ້ຳກຽມແກ້ໄຂເຂັ້ມງວດ!

Published on

traffic

ເຈົ້າ​ໜ້າ​ທີ່ ຈະລາຈອນນະຄອນຫລວງ​ວຽງ​ຈັນ ​ໄດ້​ອອກ​ມາ​ຮຽກຮ້ອງ​ຜ່ານ​ສື່​ມວນ​ຊົນ ​ເຖິງ​ຜູ້​ປົກຄອງ​ ໃຫ້​ເພີ່ມ​ທະວີ​ການ​ສຶກສາ​ອົບຮົມ ​ແລະ ຕັກ​ເຕືອນ​ລູກ​ຫລານ​ຂອງ​ຕົນ ​ບໍ່​ໃຫ້​ອອກ​ເຄື່ອນ​ໄຫວ​ ກໍ​ຄວາມ​ບໍ່​ສະຫງົບ​ໃຫ້​ສັງຄົມ​ຢ່າງ​ເດັດຂາດ, ​ໂດຍ​ສະ​ເພາະ​ການ​ເຂົ້າ​ຮ່ວມ ​ກຸ່ມ​ແກ້ງ​ຂີ່​ລົດກວນ​ເມືອງ ອັນເປັນ​ໜໍ່​ແໜງ​ ຂອງ​ການ​ກໍ່ຄວາມ​ວຸ້ນ​ວາຍ​​ໃຫ້​ແກ່​ສັງຄົມ, ​ພ້ອມ​ຢໍ້າຫາກ​ຈັບ​ໄດ້​ ຈະ​ດຳ​ເນີນ​ມາດ​ຕະການ​ຢ່າງ​ເຂັ້ມ​ງວດ.

ທ່ານ ພັນ​ຕີ ສັງຄົມ ພົມ​ມະ​ລາດ ຮອງ​ຫົວໜ້າ ​ພະ​ແນ​ກຕຳຫລວດ​ຈະລາຈອນ ນະຄອນຫລວງ​ວຽງ​ຈັນ ​ໄດ້​ໃຫ້​ສຳພາດ​ຕໍ່​ນັກ​ຂ່າວ​ພວກ​ເຮົາ​ໃນ​ວັນ​ທີ 7 ທັນວາ​ນີ້​ວ່າ: ​ໃນ​ໄລຍະ​ຜ່ານ​ມາ, ​ເຈົ້າ​ໜ້າ​ທີ່​ພວກ​ເຮົາ ​ໄດ້​ພົບ​ເຫັນ​​ໄວ​ໜຸ່ມ ອາຍຸ​ປະມານ 14-17ປີ ຈຳນວນ​ໜຶ່ງ ​ໄດ້​ມາ​ເຕົ້າ​ໂຮມ​ກັນ​ເປັນ​ກຸ່ມ​ກ້ອນ ຫລື ​​ເອີ້ນ​ວ່າ​ ກຸ່ມ​ແກ້ງ​ກວນ​ເມືອງ ​ແລະ ​ໄດ້​ພາກັນ​ຂີ່​ລົດຈັກ ​ເປັນ​ພຶງ​ເປັນ​​ແພ, ​ຂັບ​ຂີ່​ໄວແຂ່ງຂັນ​ກັນ, ໄປ​ຕາມ​ຖະໜົນ​​ເສັ້ນທາງ​ໃນ​ຕົວ​ເມືອງ ​ນະຄອນຫລວງ​ວຽງ​ຈັນ ສົ່ງ​ສຽງ​ດັງລົບ​ກວນ​ຜູ້​ຫລັບ​ຜູ້​ນອນ ​ຢ່າງ​ອຶກ​ກະ​ທຶກ, ​ສ່ວນ​ຫລາຍ​ພວກ​ເຂົາ​ ຈະ​ໃຊ້​ລົດຈັກ​ເປັນ​ຈຳນວນ​ຫລາຍ​ ແຕ່ 100 ຄົນ​ຂຶ້ນ​ໄປ, ອັນໄດ້​ສ້າງ​ຄວາມ​​ເດືອດຮ້ອນ ​ແລະ ລຳ​ຄານ​ໃຫ້​ແກ່​ປະຊາຊົນ​ ຜູ້​​​ໃຊ້​ລົດ​ໃຊ້​ຖະໜົນ​​ ທີ່​ສັນຈອນ​ໄປ​ມາ​ຕາມ​ເສັ້ນທາງ​​ດັ່ງກ່າວ, ຊຶ່ງ​ຜິດ​ຕໍ່ລະບຽບກົດໝາຍກຳນົດ​ໄວ້, ປະກົດ​ການ​​​ນີ້ ມັກ​ຈະ​ມີ​ຂຶ້ນ​ ທຸກໆ​ທ່ຽງ​ຄືນ​​ຂອງ​ວັນ​ສຸກ, ​ເສົາ ​ແລະ ວັນ​ອາທິດ ​ໂດຍ​ພວກ​ເຂົາ​ຈະ​ໃຊ້​ລົດສຽງ​ດັງ, ຂັບ​ຂີ່​ໄວ, ຍົກ​ລໍ້ ​ແລະ ອື່ນໆ​.

ຕໍ່​ປະກົດ​ການ​ດັ່ງກ່າວ ທາງ​ຄະນະ​ບັນຊາ​ ຕຳຫລວດ​ຈະລາຈອນ​ແຕ່ລະ​ຂັ້ນ ກໍ​ຄື​ກະຊວງ​ ປກສ ​ກໍໄດ້​​ເອົາ​ໃຈ​ໃສ່​ ແກ້​ໄຂ​ດ້ວຍ​ຫລາຍ​ວິທີ​ການ​ ແຕ່​ກໍ​ຍັງ​ມີ​ໃຫ້​ເຫັນ​. ດັ່ງ​ນັ້ນ ທາງ​ຂັ້ນ​ເທິງ​ ຈຶ່ງ​ໄດ້​ແນະນຳ​ໃຫ້​​ເຈົ້າ​ໜ້າ​ທີ່​ຈະລາ​ຈອນ ບັນດາ​ເມືອງ​ຄື: ເມືອງຈັນທະ​ບູລີ, ​ໄຊ​​ເສດ​ຖາ, ສີ​ສັດຕະ​ນາກ ​ແລະ ກອງ​ພັນ​ປ້ອງ​ກັນ​​ເຄື່ອນ​ທີ່ ລົງ​ໄປ​ປະຈຳ​ຢູ່​ແຕ່ລະ​ຈຸດ​ ທີ່​ມີ​ປະກົດ​ການ​ດັ່ງກ່າວ ​ຢ່າງ​ເຂັ້ມ​ງວດ ​ເພື່ອ​ມ້າງ​ກຸ່ມ​ແກ້ງກວນ​ເມືອງດັ່ງກ່າວ, ພ້ອມ​ກັນ​ນີ້ ​ກໍຮຽກຮ້ອງ​ໃຫ້​ທົ່ວ​ສັງຄົມ ​ໂດຍ​ສະ​ເພາະ​ພໍ່​ແມ່​ຜູ້​ປົກຄອງ, ຄູ-ອາຈານ ​ໄດ້​​ເອົາ​ໃຈ​​ໃສ່​ສຶກສາ​ອົບຮົມ ​ລູກ​ຫລານ​ຂອງ​ຕົນ ​ບໍ່​ໃຫ້​ໄປ​ເຂົ້າ​ຮ່ວມ​ກຸ່ມ​ກ້ອນ​ດັ່ງກ່າວ ​ແລະ ສະກັດ​ກັ້ນ​ ການ​ເກີດ​ອຸປະຕິ​ເຫດ​​ ໃຫ້​ມີ​ປະສິດທິ​ຜົນ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...