1.ນ້ຳມັນໝາກພ້າວແກ້ເກີບກັດ
ວາງແຜນຈະແຕ່ງໂຕງາມແລະເຈົ້າຊູ້ອອກຈາກເຮືອນທັງທີ ເກີບໜັງຄູ່ໃຈພັດມາກັດ ຈະກັດຄືນຄືບູຮານເວົ້າໄວ້ກໍ່ຄືສິບໍ່ດີ ແຕ່ຖ້າມີນ້ຳມັນໝາກພ້າວເຮົາແກ້ໄຂໄດ້ ພຽງທານ້ຳມັນໝາກພ້າວລົງໄປທາງໃນເກີບທີ່ມັກກັດ ໃຫ້ທາຖິ້ມໄວ້ຢ່າງຫນ້ອຍ 1 ມື້ ແລ້ວຄ່ອຍຈັບມາໃສ່ ນ້ຳມັນໝາກພ້າວທີ່ທາໄປຈະຊ່ວຍເຮັດໃຫ້ເກີບນຸ້ມຂຶ້ນ ໝົດບັນຫາກັບເກີບໜັງຄູ່ໃຈໃສ່ສະບາຍໃນທຸກໆມື້ເລີຍ
2.ຈັດການເກີບກັດດ້ວຍວາສະລີນ
ໂຕຊ່ວຍຊັ້ນດີສຳລັບໝູ່ໆ ອີກຢ່າງທີ່ໃຊ້ໄດ້ຜົນດີີຢ່າງຄາດບໍ່ເຖິງ ກໍ່ຄືວາສະລີນທີ່ເຮົາເອົາໄວ້ໃຊ້ທາປາກນີ້ແຫລະ ພຽງນຳວາສະລີນທາລົງໄປໜາໆໃນເກີບກົງກັບບໍລິເວນທີ່ມັກຈະກັດ ເຊັ່ນ ບໍລິເວນສົ້ນຕີນຫລື ຫົວໂປ້ຕີນ ເມື່ອທາແລ້ວ ຖິ້ມໄວ້ປະມານ 2-3 ຊົ່ວໂມງ ແລ້ວເຊັດອອກພຽງເທົ່ານີ້ ໜັງທາງໃນຂອງເກີບກໍ່ຈະນຸ່ມກວ່າເກົ່າໝົດບັນຫາເກີບກັດແລ້ວ
3.ແກ້ເກີບກັດດ້ວຍແປ້ງຝຸ່ນ
ໝູ່ໆຄົນໃດທີ່ຕິດນິໄສບໍ່ມັກໃສ່ຖົງຕີນແລ້ວຖືກເກີບກັດ ຮູ້ສຶກຕິດຂັດເວລາຈະໃສ່ເກີບ ຢາກໃຫ້ລອງວິທີແກ້ໄຂສະເພາະໜ້າແບບເລັ່ງດ່ວນດ້ວຍແປ້ງຝຸ່ນ ວິທີເຮັດກໍ່ງ່າຍແລະໄວໂດຍໃຫ້ນຳແປ້ງຝຸ່ນໂຫຍລົງໄປໃນເກີບ ຄວາມໝື່ນຂອງແປ້ງຈະຊ່ວຍໃຫ້ຕີນບໍ່ຮຸກຖູກັບທາງໃນເກີບເທົ່າໃດ ແຖມຍັງດູດຄວາມຊຸ່ມໄດ້ນໍາອີກວິທີນີ້ຊ່ວຍໃຫ້ໃສ່ເກີບໄດ້ສະບາຍຍິ່ງຂຶ້ນ ສະບາຍຕີນແຖມຊ່ວຍຫລຸດກິ່ນອັບໄດ້ນໍາອີກທາງໜຶ່ງ
4.ຖູດ້ວຍທຽນໄຂ
ບັນຫາສົ້ນເກີບຮຸກຖູໃຫ້ເຈັບປວດ Spiecial Idea ຂໍສະເໜີອີກໜຶ່ງທາງອອກສຸດປະຢັດ ດ້ວຍທຽນໄຂ ພຽງນຳທຽນໄຂ ມາຖູເກີບຕາມຂອບຫລືບໍລິເວນທີ່ເກີບກັດ ການທີ່ເຮົາໃຊ້ທຽນຖູນັ້ນຈະເຮັດໃຫ້ເກີບມີຄວາມອ່ອນໝື່ນ ໃສ່ງ່າຍຂຶ້ນ ປ້ອງກັນເກີບກັດໄດ້ດີນໍາອີກ
5.ເຈ້ຍຫນັງສືພິມຈຸ່ມນ້ຳ
ຊື້ເກີບຜິດຊີວິດປ່ຽນ ໃສ່ມາດົນກໍ່ຍັງກັດຂໍແນະນຳໃຫ້ໃຊ້ເຈ້ຍຫນັງສືພິມ
ພຽງຫຍ່ອງເຈ້ຍຫນັງສືພິມແລ້ວຈຸ່ມນ້ຳພໍໝາດໆຍັດຂະຫຍາຍມັນເລີຍ ວິທີນີ້ຈະຊ່ວຍໃຫ້ເກີບຂະຫຍາຍໃຫຍ່ຂຶ້ນຈາກຫນັງສືພິມທີ່ຍັດລົງໄປເປັນການປ້ອງກັນເກີບກັດທີ່ເຮັດໄດ້ເອງງ່າຍໆແລະທີ່ສຳຄັນບໍ່ແພງ