spot_img
Homeຂ່າວພາຍ​ໃນປະທານ ສຕລ ປະຕິເສດຂໍ້ກ່າວຫາຮັບສິນບົນການເລືອກຕັ້ງປະທານ AFC ຈາກ FIFA

ປະທານ ສຕລ ປະຕິເສດຂໍ້ກ່າວຫາຮັບສິນບົນການເລືອກຕັ້ງປະທານ AFC ຈາກ FIFA

Published on

ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດອອກມາຊີ້ແຈງຕໍ່ກໍລະນີທີ່ FIFA ຫລື ສະຫະພັນບານເຕະນາໆຊາດ ລົງໂທດໃຫ້ຢຸດການປະຕິບັດຫນ້າທີ່ຊົ່ວຄາວໃນຄະດີຮັບສິນບົນໃນການເລືອກຕັ້ງຄະນະບໍລິຫານລະດັບສູງຂອງສະຫະພັນບານເຕະອາຊີ ຫລື AFC ໃນປີ 2011 ແມ່ນບໍ່ເປັນຄວາມຈິງ.

ໃນວັນທີ 18 ພະຈິກນີ້ ຢູ່ສະຫະພັນບານເຕະແຫ່ງຊາດລາວ ບ້ານຫ້ວຍຫົງຈັນທະບູລີ ນະຄອນຫລວງວຽງຈັນ ປະທານສະຫະພັນເຕະແຫ່ງຊາດລາວໄດ້ອອກມາຊີ້ແຈງຂໍ້ກ່າວຫາຂອງ FIFA ວ່າ : ໃນເດືອນກັນຍາປີ 2010 ຂ້າພະເຈົ້າໄດ້ຖືກເລືອກໃຫ້ເປັນປະທານສະຫະພັນບານເຕະແຫ່ງປະທານລາວ ແລະ ກໍມີແຜນທີ່ຈະພັດທະນາກິລາບານເຕະໃນປະເທດໃຫ້ກ້າວຫນ້າ ໂດຍໄດ້ທຸ່ມເທທຸກສະຕິປັນຍາ ແລະ ເຫື່ອແຮງເພື່ອຊອກທຶນຊ່ວຍເຫລືອທັງພາຍໃນ ແລະ ຈາກຕ່າງປະເທດເຂົ້າມາພັດທະນາໃນວຽກງານນີ້. ຕົ້ນປີ 2011 ໄດ້ມີກອງປະຊຸມຄະນະບໍລິຫານລະດັບສູງຂອງສະຫະພັນບານເຕະອາຊີ ຫລື AFC ແລະ ນັ້ນເປັນໂອກາດທຳອິດທີ່ຂ້າພະເຈົ້າໄດ້ຂໍທຶນຊ່ວຍເຫລືອຈາກ AFC ເຊິ່ງກໍໄດ້ຮັບການຊ່ວຍເຫລືອ ແລະ ກໍເປັນສາເຫດທີ່ເຮັດໃຫ້ FIFA  ເຂົ້າໃຈວ່າ ປະທານ ສຕລ ຮັບເງິນຈຳນວນດັ່ງກ່າວເປັນສິນບົນ ແຕ່ຄວາມຈິງຫລັງຈາກນັ້ນ ຂ້າພະ​ເຈົ້າໄດ້ຮັບເງິນຊ່ວຍເຫລືອແລ້ວ ກໍໄດ້ໂອນເງິນຈຳນວນດ່ັງ

ກ່າວຈາກບັນຊີຂອງຕົນເຂົ້າມາບັນຊີ ສຕລ ໂດຍມີເອກະສານຢັ້ງຢືນຈາກທະນາຄານ ແລະ ທາງບັນຊີ ແລະ ກໍໄດ້ການຢັ້ງຢືນຈາກຜູ້ກວດສອບບັນຊີພາຍນອກ.

ຕໍ່ຄະດີດັ່ງກ່າວ ຟີຟາ ໄດ້ລົງໂທດທ່ານປະທານ ສຕລ ຫ້າມເຄື່ອນໄຫວກິດຈະກຳທາງບານເຕະທັງພາຍໃນແລະ ຕ່າງປະເທດເປັນເວລາ 2  ປີ ແລະ ປັບໄຫມເງິນ 40.000 ຟຣັງສະວິດ ຫລື ປະມານ 300 ກວ່າລ້ານກີບ. ໂດຍຈະມີເວລາ 10 ວັນໃນການຍື່ນອຸທອນ ໂດຍທ່ານ​ປະ​ທານ ສຕລ ກຽມທະນາຍຄວາມສ່ວນໂຕທັງພາຍໃນ ແລະ ທີ່ປະເທດສະວິດ ເພື່ອເປັນການປົກປ້ອງສິດ ແລະ ຄວາມເປັນທຳຂອງຕົນເອງ.

ແຫ່ລງຂ່າວ

ລພນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...