spot_img
Homeຂ່າວພາຍ​ໃນອຸດົມໄຊສົ່ງເສີມການຜະລິດເປັນສິນຄ້າຢ່າງແຂງແຮງ

ອຸດົມໄຊສົ່ງເສີມການຜະລິດເປັນສິນຄ້າຢ່າງແຂງແຮງ

Published on

ທ່ານ ​ເພັດສາຄອນ ຫລວງ​ອາ​ໄພ ​ເຈົ້າ​ແຂ​ວງອຸດົມ​ໄຊ ​ໃຫ້​ຮູ້​ເມື່ອ​ບໍ່​ດົນ​ນີ້​ວ່າ: ສຳລັບ​ການ​ຊຸກຍູ້​ສົ່ງ​ເສີມ​ການ​ຜະລິດ​ແບບ​ທຳ​ມະ​ຊາດ ​ແລະ ​ເຄິ່ງທຳ​ມະ​ຊາດ​ໄປ​ສູ່​ຮູບ​ແບບ​ເສດຖະກິດ​ສິນຄ້າ​ຕາມ​ກົນ​ໄກ​ຕະຫລາດ​ຢູ່​ແຂວງ​ອຸດົມ​ໄຊ ​ແມ່ນ​ໄດ​ສຸມ​ໃສ່​ການ​ຜະລິດ​ສະບຽງ​ອາຫານ​ໂດຍ​ການ​ຂະຫຍາຍ​ເນື້ອ​ທີ່​ນາ, ຫລຸດ​ເນື້ອ​ທີ່​ໄຮ່, ສ້າງ​-ປັບປຸງ​ລະບົບ​ຊົນລະປະທານ, ຍົກ​ສະມັດ​ຕະພາບ​ການ​ຜະລິດ​ຕາມ​ທິດ​ຍືນ​ຍົງ ​ເຊິ່ງປີ 2015 ສາມາດ​ຜະລິດ​ເຂົ້າ​ໄດ້ 84 ພັນ​ກວ່າ​ໂຕນ ​ເພີ່ມ​ຂຶ້ນ​ຈາກ​ປີ2010 ປະມານ 5%; ການ​ປູກ​ພືດ​ເປັນ​ສິນຄ້າ​ໄດ້​ຂະຫຍາຍຕົວ​ຢ່າງ​ຕໍ່​ເນື່ອງ ​ໂດຍ​ສະ​ເພາະ​ການ​ປູກ​ຢາງພາລາມີ​ເນື້ອ​ທີ່​ເກືອບ 30 ພັນ​ເຮັກຕາ, ປີ 2014 ສາມາດ​ຜະລິດ​ຢາງ​ສົ່ງ​ອອກ​ເກືອບ 6 ພັນ​ໂຕນ. ການ​ປູກ​ກ້ວຍ​ຫອມ​ຂອງ​ບັນດາ​ບໍລິສັດທັງ​ພາຍ​ໃນ ​ແລະຕ່າງປະ​ເທດ ​ມີ​ເນື້ອ​ທີ່​ເກືອບ 3 ພັນ​ເຮັກຕາ, ​ເກັບ​ກູ້​ຜົນ​ຜະລິດ​ສົ່ງ​ອອກ​ໄດ້​ຫລາຍ​ກວ່າ 1 ​ແສນ​ໂຕນ.

ຄຽງ​ຄູ່​ກັນ​ນັ້ນການ​ສົ່ງ​ເສີມ​ການ​ຜະລິດ​​ເປັນສິນຄ້າປີ 2014 ບັນລຸ 90 ພັນ​ກວ່າ​ໂຕນ ​ເດັ່ນ​ກວ່າ​ໝູ່​ແມ່ນ​ຂະ​ບວນການ​ຜູກ​ຜັກ​ປອດ​ສານ​ພິດ​ໃນ​ເຮືອນ​ຮົ່ໝຢູ່​ເມືອງ​ໄຊສາມາດ​ຜະລິດ ​ແລະສະໜອງ​ພືດ​ຜັກ​ເຂົ້າ​ຕະຫລາດ​ພາຍ​ໃນ​ໄດ້ 1.600 ກິ​ໂລ​ຕໍ່​ວັນ ​ແລະມີ​ການ​ສົ່ງ​ອອກ​ບັນດາ​ແຂວງ​​ໃກ້​ຄຽງ. ພ້ອມ​ນີ້ຍັງ​ໄດ້​ຫັນກາ​ນລ້ຽງສັດ​ແບບ​ທຳ​ມະ​ຊາດ ​ໄປ​ສູ່​ການ​ລ້ຽງ​ແບບ​ເປັນ​ກຸ່ມ​ຫລາຍ​ຂຶ້ນສາມາດ​ສະໜອງ​ຊີ້ນ-​ປາ ​ແກ່​ຕະຫລາດ​ຢ່າງ​ພຽງພໍສະ​ເລ່ຍ 1.300 ກິ​ໂລ​ຕໍ່​ວັນ. ປັດຈຸບັນມີ​ຫລາຍ​ບ້ານ, ຫລາຍ​ຄອບຄົວ ​ໄດ້​ກາຍ​ເປັນ​ຕົວ​ແບ​ບ​ໃນ​ການ​ລ້ຽງ, ການ​ຜະລິດ ​ແລະການ​ບໍລິການ.

ທ່ານ​ເຈົ້າ​ແຂວງ​ອຸດົມ​ໄຊ ​ໃຫ້​ຮູ້​ຕື່ມ​ວ່າ: ​ໄລຍະ​ຜ່ານ​ມາ​ໄດ້​ເສີມ​ຂະຫຍາຍ​ກຳລັງ​ສັງ​ລວມທຸກ​ພາກສ່ວນ​ເສດຖະກິດ-ສັງຄົມ ​ເຂົ້າ​ໃນ​ການ​ຜະລິດ​ທຸລະ​ກິດຕິດ​ພັນ​ກັບ​ການ​ຜະລິດ​ເປັນ​ສິນຄ້າ-ການ​ບໍລິການສ້າງ​ລາຍ​ຮັບ​​ໃຫ້​ປະຊາຊົນ, ທັງ​ສົ່ງ​ເສີມ​ຫັດຖະກຳ​ທີ່​ເປັນ​ມູນ​ເຊື້ອ​ຂອງ​ປະຊາຊົນ​ບັນດາ​ເຜົ່າ, ການ​ຜະລິດ​ສິນຄ້າ​ທີ່​ເປັນ​ເອກ​ກະ​ລັກ​ຂອງ​ບັນດາ​ເມືອງ​ຕາ​ມທິດ “ໜຶ່ງ​ເມືອງໜຶ່ງ​ຜະລິດ​ຕະພັນ” ຢ່າງ​ແຂງ​ແຮງ.

ຂ່າວຈາກ ໜັງສືພິມລາວພັດທະນາ

ລພນ

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...