ສຳນັກຂ່າວຕ່າງປະເທດ ລາຍງານໃນວັນທີ 5 ພະຈິກຜ່ານມານີ້ວ່າ ວາລະສານຟອັບ (Forbes) ຂອງສະຫະລັດອາເມຣິກາ ໄດ້ຈັດລຽງລຳດັບ ລາຍຊື່ບຸກຄົນທີ່ຊົງອິດທິພົນທີ່ສຸດໃນໂລກ ປະຈຳປີ 2015 ຊຶ່ງປະກົດວ່າ ທ່ານ ວະລາດິເມຍ ປູຕິນ ປະທານາທິບໍດີແຫ່ງຣັດເຊຍ ໄດ້ຖືກຈັດໃຫ້ຄອງແຊ້ມ ເປັນບຸກຄົນທີ່ມີອິດທິພົນຫລາຍທີ່ສຸດໃນໂລກ ເປັນປີທີ 3 ຕິດຕໍ່ກັນ, ຮອງລົງມາເປັນອັນດັບທີ 2 ແມ່ນ ທ່ານ ນາງ ອັງເກລາ ແມເຄິນ ນາຍົກລັດຖະມົນຕີເຢຍລະມັນ ທີ່ຫຍັບຂຶ້ນຈາກອັນດັບທີ 5 ເມື່ອປີກາຍນີ້, ສ່ວນອັນດັບທີ 3  ແມ່ນທ່ານ ບາຣັກ ໂອບາມາ ປະທານາທິບໍດີສະຫະລັດອາເມຣິກາ ທີ່ຕົກຈາກອັນດັບທີ 2 ເມື່ອປີຜ່ານມາ.

ນອກຈາກນັ້ນ, ອັນດັບທີ 4 ຂອງບຸກຄົນທີ່ຊົງອິດທິພົນທີ່ສຸດໃນໂລກ ໄດ້ແກ່ ສົມເດັດພະສັນຕະປາປາຟຣານຊິສ ປະມຸກແຫ່ງຄິດຕະຈັກນິກາຍໂລມັນກາໂຕລິກ, ອັນດັບທີ 5 ແມ່ນປະທານາທິບໍດີ ສີຈິ້ນຜິງ ແຫ່ງ ສປ ຈີນ.