ສຳນັກຂ່າວປະເທດຈີນລາຍງານວ່າ ສັງຄົມອອນໄລນ໌ວິພາກວິຈານພາບສຸດເວດທະນາ ເດັກນ້ອຍຖືກເຊືອກມັດເອົາໄວ້ທີ່ໜ້າຫ້ອງເຊົ່າແຫ່ງໜຶ່ງ ເນື່ອງຈາກຜູ້ປົກຄອງລຳຄານສຽງຮ້ອງໄຫ້ຂອງເດັກ
ຕາມລາຍງານລະບຸວ່າ ພາບດັ່ງກ່າວກາຍເປັນປະເດັນທີ່ເຮັດໃຫ້ໂລກອອນໄລນ໌ຖົກຖຽງແລະຕຳໜິການກະທຳຂອງຜູ້ເປັນພໍ່ແມ່ ເຫດການນີ້ເຊື່ອວ່າເກີດຂຶ້ນທີ່ເມືອງເຊີນເຈີ້ນ ມົນທົນກວາງຕຸ້ງ ຊຶ່ງຈາກການສອບຖາມເພື່ອນບ້ານໃກ້ຄຽງ ລະບຸວ່າ ຜູ້ປົກຄອງຂອງເດັກຄົນນີ້ມັກຈະເຮັດເຊັ່ນນີ້ກັບລູກຫລານຕົວເອງ
ໂດຍສະພາບທີ່ເຫັນພົບວ່າ ເດັກຢູ່ໃນສະພາບເປື້ອນ ພ້ອມກັບເຊືອກທີ່ມັດເອົາໄວ້ແລະໃຫ້ຢູ່ແຕ່ນອກຫ້ອງ ພໍ່ຂອງເດັກຄົນດັ່ງກ່າວໃຫ້ເຫດຜົນວ່າ ຕົນເອງຕ້ອງເຮັດວຽກຕອນເວລາກາງຄືນ ແລະ ກາງເວັນຕ້ອງນອນຫລັບ ລູກຂອງພວກເຂົາຈຶ່ງລົບກວນເວລາພັກຜ່ອນ ຈຶ່ງຕັດສິນໃຈມັດລູກເອົາໄວ້ນອກເຮືອນເຊັ່ນນັ້ນ